Өвлүйәлере зыярат этмек дору экен.

jeyhun· 11 Haziran 2011 14:34 · 224 kez okundu· beğeni: 1teswirler.com

Өвлүйәлере зыярат этмеги шеригатымыз ёл эдип гоюпдыр. Шу зыярат этмегиң пелсепеси, 9 хикмети бард экекен:

1)Ыбрат (гөрелде) алмак.

Пыгамберимиз саллаллаху алейхи веселлем: «Сиз гелиң, габырлара бакың! Шолардан ыбрат

алың»-дийипдир. Ене-де бир хадысында Пыгамбер саллаллаху алейхи веселлем: «Сиз габырлара зыярат эдиң, габырлара

зыярат этмекде сизиң үчин ыбрат бардыр»-дийипдир. Магтымгулы Пырагы:

Гөрүстана бар-да, отур пикир

эйле,

Мунча мен диенлер ятыр гум болуп-диййәр.

2)Габрыстана гелип, ахыръетиңи ядыңа салмак.

Пыгамберимиз саллаллаху алейхи веселлем: «Сиз габырлара гелип, зыярат эдиң! Габырлар

сизиң ахыръетиңизи ядыңыза салар»-дийипдир.

3)Йүреги юмшатмак.

Пыгамберимиз саллаллаху алейхи веселлемм: «Сиз габырлара зыярат эдиң! Габырлар сизиң

йүрегиңизи юмшадар»-дийипдир. Эгер сиз габрыстана барсаңыз, сизиң ядыңыза

дүшер: «Бе, бу адамлар гидипдир, инди нобат мениңки болмагы мүмкин, мен бу

дүнйә алданып йөрүн-ов, бу асыл бейле экен-ов»-дийип, йүреге юмшаклык гелйәр.

4)Гөзүңизи яшартмак.

Пыгамберимиз саллаллаху алейхи веселлем: «Габырлара зыярат эдиң! Ол сизиң гөзүңизден

яш дөкер»-дийипдир. Чүнки габрыстана баран вагтың деррев ахыръет ядыңа

дүшйәр. Довзах, ондакы азаплар, кынчылыклар ядыңа дүшйәр. Эгер шу затлары яда

салып, гөзүңден бирҗе дамҗа яш чыкарсаң, шол гөзяшың довзах одуны сөндүрер. Хатда

Хезрети Осман разыяллаху анху габрыстана гелип аглар экени. Шонуң гөзүнден акан

гөз яшы сакалыны гөйә сува юван ялы өл эдер экени. Бес, габрыстана гөзүңи

яшландырмак үчин бармалыдыр.

5) Хайры яда салмак.

Пыгамберимиз саллаллаху алейхи веселлем:

«Сиз габрыстана гелип, зыярат эдиң!

Шейле этмек сизе хайры яда салдырар»-дийипдир. Адам зыярат этсе, шейле

пикир эдер: "Мен өлсем, шу ере гелҗек. Бу ердәки гараңкылык, эҗир, җепа

булара нәдип чыдап болар? Гел, мен бир хайыр иш эдейин. Мен месҗит салайын, ёл

беҗердейин, садака берейин ве шуңа меңзеш хайыр ишлери эдейин” дийип, хайыр иши

ядына салар.

6)Өлүлере пейда бермек.

Сиз габра зыярат этсеңиз, өли шондан

пейдаланяр. Пыгамберимиз саллаллаху алейхи веселлем: «Хайсы бир адам бир габра гелип, дога эдип отурса, шол габырдакы адам

шоңа өвренишер, якынлык дуяр, хемме сорагына җогап берер»-дийипдир.

Пыгамберимиз саллаллаху алейхи веселлем ене бир хадысында: «Бир адам бир габрың янына гелип «Йәсин» сүресини окаса, шол вагт шол

өлә азап берлип дуран болса, шол өлүниң азабыны еңледилер»-дийипдир.

7) Согабыңы көпелтмек.



Пыгамберимиз саллаллаху алейхи веселлем: «Бир адам габрыстана барып, 11 гезек кулхуваллаху ахады окап, шонуң

согабыны өвлүйәдәки ятанларың рухуна багыш этсе, шол окан адама шол габрыстандакы

өлүлериң саны ялы согап берлер»-дийипдир.



Ымамул Беҗли диен бир улы дереҗели адам гечипдир. Ол дүйшүнде

Пыгамберимиз саллаллаху алейхи веселлеми гөрүпдир. Чүнки өвлүйәлере Пыгамберлер

билен гөрүшмек мүмкиндир. Оңа дүйшүнде Пыгамберимиз саллаллаху алейхи веселлем:

«Эй, Ымам Беҗли! Сен бир өвлүйәниң

гаршысында бир гоюн сагар мукдары я-да юмуртганың габыгыны артар мукдары

отурсаң, сениң өлйәнчәң этҗек ыбадатыңдан шонуң согабы кәндир»-дийипдир.

Шонда Ымам Беҗли: «Я Ресулаллах! Шу

айданың дири өвлүйә адамың янындамы я-да өли өвлүйә адамың янындамы?»-диен

вагтында, Пыгамберимиз саллаллаху алейхи веселлем шейле җогап берипдир: «Исле өли өвлүйә болсун, исле дири өвлүйә

болсун. Тапавуды ёк»-дийипдир. Ине, “өвлүйә гидиң, зыярат эдиң”дийиплйәр. Нәме үчин? “Согабың кән болсун”

дийип айдыляр.



8) Өзүңе шепагат (гүнәлериң гечилмегини дилейән адамлары) көпелтмек үчин.

Кыяматда өзүңе көмек этҗек адамлары

көпелтмек үчин зыярата гитмелидир. Пыгамберимиз саллаллаху алейхи веселлем:

«Хайсы бир адам габрыстана барып,

фатыха (алхам) сүресини, ыхлас (кулхувалла) сүресини, соңра элхәкумут текәсур

сүресини окаса, соңра “эй, бар Худая! Шу сениң келамыңдан окан 3 сүрәмиң

согабыны шу габрыстанда ятан эркек ве аял мусулманларың рухларына багышладым”

дийсе, кыямат гүнүнде шол габрыстандакы адамларың хеммеси шепагат эдип,

Худайдан шол адамы диләрлер»-дийипдир.

9) Хаҗатың битмеги үчин зыярат эдйән

адамыңы весиле (арачы) тутмак.

Дүнйә үчин болсун, ахыръет үчин болсун,

тапавуды ёк, өвлүйәден весиле-арачы билен дилемек догрудыр. “Эй, пылан өвлүйә! Сен мениң ислегими

Алладан диләп бер, арамызда весиле-арачы бол” диймек догрудыр. Шонуң

догрулыгы хакында Алла Тагала Куръаны-Керимде: «Эй, иманлы адамлар! Таква болуң! Худая весиле-арачы талап эдиң!»-дийипдир.

Бизиң Ханапы мезхебимизиң бейик меселе алымы Алыюл Кары разыяллаху анху өзүниң

китабында: «Худайдан бир зат дилеҗек болсаң, Пыгамберлери, өвлүйәлери ара салып

дилемек, доганың эдебиндендир»-дийип языпдыр. Онуң үчин Пыгамберимиз саллаллаху

алейхи веселлем: «Эй, бар Худая! Мен

сенден саңа эл галдырып, дилег эдйән адамларың хатырасы үчин ве саңа гаршы

әдилйән әдимлериң хатырасы үчин дилейәрин»-дийипдир.

Абдулкадыр Гейланы куддусе сиррух (Алла

Тагала онуң йүзүни ак этсин!): «Хер ким бир иши себәпли менден дилесе, мени

весиле тутса, мен шонуң ишини битирерин, хаҗатыны берерин»-дийипдир.

Алым Алыюл Кары разыяллаху анху: «Мен кән ишимде теҗрибе эдип гөрдүм. Хер

вагт бир кын ишим болса, мен Абдулкадыр Гейланыны куддусе сиррух ара салып,

арачы эдип диләнимде ишим битди»-дийипдир.

Абдул Хасаныл Шазылы рахметуллахи алейх

диен бир өвлүйә гечипдир. Ол: «Хайсы

бир адамың Алладан ислеги бар болса, ара Ымам Мухаммет Газалыны салып, арачы

эдип, Алладан дилесин»-дийипдир.

Бахаведдин Нагышбенди Бухари куддусе

сиррух: «Маңа бирнәче кераматлар

берилди, шолар себәпли белалар гөтерилйәр. Онуң үчин менни арачы эдип диләң!

Хемме хаҗатыңыз өделер»-дийипдир. Ол ене-де: «Мен өзүмиң ызыма дүшенлер Фирдевс җеннетине гирйәнчәлер, җеннете

гирмерин. Маңа сопы болуп, мениң тарыкатыма гирен адамларың иң песи-де кыямат

гүнүнде өз гарындаш-доганларындан 40 адама ченлисини довзахдан диләп алып

билер»-дийипдир.

Хатда Ымам Шапыгы рахметуллахы алейхи: «Мен

хер вагт башыма бир иш дүшсе, хезрети Ымам Агзам рахметуллахы алейхиниң габрына

барып, 2 рекеат намаз окап, Худайдан: «Эй, бар Худая! Сен мениң хаҗатымы Ымам

Агзамың хорматына бер» дийип дилейәрин. Вагт гечмән шол хаҗатым

өделйәр»-диййәр. Ибни Хаҗарыл Хейтеми диен бир улы алым гечипдир. Ол: «Мусулман алымларының хеммеси хемише

хаҗатыны Ымам Агзамың габрына гелип, шоны ара салып Алладан диләрдилер»-дийипдир.

Ибни Хатбан диен улама бир нәче вагтлап

Тус-Табиранда яшапдыр (мукым болупдыр). Ол: «Шол ерлерде мениң башыма бир иш

дүшенде деррев барып, Ымам Рыза рахметуллахы алейхини зыярат эдердим, деррев

шол ишим битйәрди. Нәче гезек теҗрибе этдим. Хер бир кынчылыга дүшен вагтым

Ымам Рызаның зыяратына барардым. Деррев шол ишим битерди»-дийипдир.

Онуң үчин Ымам Мухаммет Газали рахметуллахы

алейхи: «Хайсы бир пирден дири вагты

көмек соралян болса, өленден соң хем шондан көмек сораляндыр»-дийипдир.

Пирлериң өлүлиги билен дирилигиниң хич бир тапавуды ёкдур. Хатда Пыгамбер

саллаллаху алейхи веселлем: «Хер вагт

сизиң башыңыза бир кын иш дүшсе, сиз габыр эелерине япышың. Габырлара зыярат

эдиң. Шоларың берекети билен максадыңыз хасыл болар» дийипдир. Шонуң үчин

габырлара зыярат эдиң! Габыр диени “бир

үйшүп ятан гуммука?” диймәң! Онуң ашагындакы ятан адамың дереҗеси

Худайың янында гаты улудыр. Хатда Ымам Шапыгы рахметуллахы алейхи: «Ымам Муса Кәзим рахметуллахы алейхиниң

габры доганың кабул болян еридир. Ким барып шонуң габрында дога этсе, хич вагт

догасы гайтарылмаз»-дийипдир.

Өвлүйәлерде шейле берекетлер бардыр. Шонуң үчин олары весиле тутуп

шоларың хорматына Аллахдан диләң. Дилегиңиз битер.

Arşivin durumu

● Tam metin

● 1/1 yorum korunmuş

Yayımlandığı site: teswirler.com · Kaynak: Web Archive kopyası — ertir.com, 3 Aralık 2011 · Orijinal sayfayı gör ↗

Өвлүйәлере зыярат этмек дору экен.

Arşivin durumu

Yorumlar 1