Bir topar betinden anekdotlar

Myhmançylykda aýaly äriniň gulagyna çawuş çakýar.
—Gyýw, bol, çaltrak bir ýomak aýt-da, töwerekdäkileri güldürsene. Onsoň menem gülen bolup, düýn saldyran altyn dişlerimi oturanlara görkezeýin.

Günleriň bir güni Esentanşyň gapysy kakylypdyr. Esentanyş baryp, gapyny açsa, bosagada onuň obadaşlarynyň biri dur eken. Öý eýesi myhmana öe girmegi mürähet edipdir. Myhman öe giren badyna onuň bilen bir it hem otaga giripdir. Obadaşlar az salym gümür-ýamyr edişip, hal-ahwal soraşýançalar, ýaňky it diwanyň üstünde duran ýassygy çeýnemäge başlapdyr.
—Itiňe haý-küş diýeweri—diýip, Esentanyş myhmanyna sypaýyçylyk bilen ýüzlenipdir.
—Weý, goýaweri, onuň maňa degişli ýeri ýokdur, men-ä hälden bäri ol it seňkimikä diýip durdum—diýip, myhman jogap beripdir.

Telefon jyrlaýar. Aňyrdan biriniň sesi gelýär:
—Alýo, şu 92-15-23-mikä?
—Ýok. Bu 92-15-24.
—Aý, öňi-soňy golaýlapdyryn-la... Siz gaýrat edip maňa Döwrany çagyryp berseňiz-läň...

—Kaka, «Arak saglygyň baş duşmany» diýýäler, şol çynmy?
—Hawa, oglum.
—Onda sen näme üçin arak içmäňi goýaňok?
—Ata-babalarymyz aýdypdyr-a, oglum, «Duşmanyň bilenem dost boljak bol» diýip.

Awçylar öz itlerini öwýär.
—Meniň itim şeýle bir akylly hem düşbi. Haçanda men guşy tüpeňlesem, ol bary-ýogy otuz sekundyň içinde şol guşy nirä gaçan bolsa, tapyp, maňa getirýär—diýip, birinji awçy itini magtapdyr.
—Meň itim seň itiňe gaýra dur diýýär. Ol meň uran guşumy bary-ýogy 20 sekundyň dowamynda tapyp, maňa getirip berýär—diýip, ikinji awçy hem kem galmandyr.
—Aý, siziň itiňiz-ä meň itim bilen deňleşibem bilmez—diýip, gürrüňe üçünji awçy goşulypdyr. —Men ony asmanda uçup ýören guşlara tarap zyňyp goýberýän welin, ol hem şol ýerde birki sany guşy tutýar, soňam maňa getirip berýär.
—Goýsana, walla, munyň akyla sygjak zat däl-ä—diýip, beýleki iki awçy onuň gepine ynanmazçylyk edipdir.
—Ynanmasaňyz, häzir synap göräeris—diýip, ol awçy itini göterip alypdyr-da, asmana garşy zyňyp goýberipdir.
Şol pursat kenaryň gyrasynda är-aýal dynç alyp ýatyr. Əri aýalyna gygyrýar:
—Keýwany, seret, hana, asmanda it uçup barýar!
Aýaly äriniň görkezen ýerine seretmän, oňa sögüp başlaýar:
—Häý, bisyrat, azrak iç diýmedimmi men saňa!

Dostlar öz aralarynda kime iň köp sowalga berilýändigi hakda jedel edýärler. Görlüp oturylsa, olaryň ählisi ene-atalaryndan günde bir müň manat sowalga alýan ekenler. Bir Myradyň ene-atasy oňa günde on müň manat sowalga berýän eken.
—Günde on müň manat sowalga alýan bolsaň, onda seňkiden hezili ýokdur-ow?—diýip, dostlar Myrada aýdýarlar.
—Beýle bir hezilligem ýok—diýip, Myrat ýeňsesini gaşap durşuna ýagdaýy düşündirýär. —Men günde on müň manat sowalga alýan, şol puluň ujundan dokuz müň manady bolsa, öý üçin, iýip-içgim üçin enem-atama salgyt hökmünde töleýän.

🙂 

Mekdepde ilkinji lukmançylyk kömegi boýunça sapak geçilýär. Mugallym Myratdan soraýar:
—Eger-de seň jigiň birden açary ýuwudaýsa, sen näme ederdiň.
—Öýe penjireden giräerdim.

—Mekdepde saňa has gowy ýaraýan zat näme?—diýip, kakasy oglundan soraýar.
—Jaň sesi.

—Sen näme üçin okuwa geleňok?—diýip, mugallym okuwçysyndan soraýar.
—Men her gün irden ýaltalygym bilen göreşýän. Göreşip-göreşip, halys bolýan-da, okuwa gitmäge mejaldan gaçaýýan.

Bir hususy edaranyň ýolbaşçysy golastyndaky işgärini ýanyna çagyrýar:
—Mende siziň üçin iki habar bar. Birinjisi, şu günden başlap men siziň iş hakyňyzy iki esse ýokarlandyrýan.
—Sag boluň—diýip, ol işgär öz minnetdarlygyny bildirýär.
—Ikinji habarym bolsa, häziriň özünde sizi işden boşadýan.
—Bu nähili beýle bolýa, başlyk?
—Sebäbi nähili gowy iş ýeriňi elden giderenligiňe düşünmegiňi isledim, işýakmaz!

Gapynyň jaňy basylýar:
—Kim bu?—diýip, öý eýesi gapyny açman, soraýar.
—A sen kim?—diýip, jaňy basýan hem ondan sorapdyr.

Esentanşyň öýüne myhman gelipdir.
—Gel, geç—diýip, Esentanyş oňa mürähet edipdir.
—Siziň itiňiz meni dişlemez dälmi?—diýip, myhman çüňkde ýatan daýaw ite baş atypdyr.
—Şol-a biz üçinem gyzykly. Bu iti biz ýaňy satyn alyp geldik—diýip, Esentanyş jogap beripdir.

Täzelikde kiçijik dükan açanEsentanyş zeýrenýär.

—Öňňin bary ýogy ýekeje köýnek satdym. Düýn hiç
zadym geçmedi. Bu gün bolsa hasam beter boldy?

—O nähili hasam beter boldy?

—Öňňin köýnek satyn alan alyjy gelip, goh
turzup, alan harydyny gaýtaryp, pulunam yzyna alyp gitdi.

Bazarda:
—Armydyň näçeden?
—Kilesi bäş müňden, gel, agam.
—Kilesini üç müňden berseň, alaýyn.
—Bolýa, gel.
—Eger kilesini bir müňden berseň, alty kile dagy aljak.
—Bolýa, ýöne çaltrak bolsana, ýogsa, armydyň eýesi gelýä häzir.

Esentanyş lukman goňşusynyň ýanyna gelipdir. Lukman goňşusy ony gadyrly garşylapdyr. Çaý-nahar hödür edipdir. Goňşular esli salym mesawy gürrüň edip oturypdyrlar. Ahyry Esentanyş turarman bolupdyr.
—Bolýa, onda, sag bol—diýip, Esentanyş gapynyň agzyna baranda goňşusyna aýdypdyr.
—Bor, Esentanyş aga, gelip dur, gelnejeme-de salam aýt, gowudyr-a gelnejemiň ýagdaýy?—diýip, lukman goňşy Esentanşa aýdypdyr.
—Wiý, huşum gursun, gelnejeň gan basyşy ýokarlanyp, kellesinden tutup ýatyr. Menem seň ýanyňa şoň üçin gelipdim-ä—diýip, Esentanyş başyny ýaýkapdyr.

Polisiýa işgäri gapyny kakýar. Öý eýesi gapyny açyp, ondan soraýar:
—Eýgilikmidir?
—Siz Bethowen diýlen kişini uzakly gün öýüňizde kemsidýämişiňiz diýip goňşularyňyz arz edýär.

—Goňşy, seň itiň meň bäş towugymy iýdi.
—Bärde meň itimiň näme günäsi bar?! Towuklaryňy gowuja daňyp saklamak gerek.

Hmm,bet hmm! 😆 Gapyny kakan prikollaý! 😆

iñ beti kakasynyñ ogluna arak dostluk barada aýdanylaý
halañou,men-ä haladym :-)