Degişmeler dünýäsi
Bir ýaş ýigit yzynda ýaş gelnini we çülpe çagalaryny ýetim goýup aradan çykypdyr. Ýarym-ýaş bolup aglaýan dul galan gelni köşeşdirmek üçin molla aga şeý diýýämiş:
-Goý gyzym, aglama! Seniň adamyň gowy oglandy, ol häzir Behiştde hüýr-perileriň arasyndadyr. Oňa hüýr-periler hyzmat edip ýörendir…..
Mollanyň bu sözlerini eşden gabanjaň gelin, beter gygyrmaga başlaýar:
-Wah, ýerçeken! Meýdi ýanan! Ol-a Behiştde hüýr-periler bilen keýpi-sapada gezmeli, men bolsa bärde görgümi görüp ýetim galan çagalary eklemelimi?…
***
Myhmanhana iki sany dost girýär. Olar ýer almak isleýärler. Elbetde, myhmanhana 5 ýyldyzly däl eken. Soraýarlar:
-Bu doňuzýatakda bir otag näçä durýar?
-Bir doňuz üçin 30$, iki doňuz üçin bolsa 60!
***
Jygyllykda bir türkmen daýzasy keçe satyn alypdyr. Moýmudyklap, zordan keçesini süýräp bir taksistiň ýanyna barypdyr. Daýza taksiste „bagažyňy aç“ manysynda şeýle diýýär:
-Oglum götüňi aç, keçäni salaýyn.
Taksistem garagol eken. Daýzadan kem galmandyr:
-Daýza jan, keçäň sygmaz!
Daýza welin ondanam ökde eken. Taksiste şeýle jogap berýär:
-Sygar oglum, sygar! Keçäni eplapjik dykarynyn welin sygar ötägider.
***
Bazara barýan ogluny atasy saklap şeýle diýýär:
-Oglum, puluňy gawun-garpyz diýip biderek zatlara sowaýmagyn. Nas algyn, oglum! Nas…
***
Bir amerikan bir orsdan soraýar:
-Bagyşlaň, orslar köp arak içýä diýýäler, şol dogrumy? Siz bir stakan arak içermisiňiz?
-Elbetde! Duza basylan hyýarjagaz bilen içsem hemmesi gül ýaly bolar.
-A üç stakan içermisiňiz?
-Elbetde! Üç stakany uç sany hyýar bilen içerin, gürrüňi bolmaz.
-A ýüz stakan içermiň?
-Gulagyň galýamy? Onça hyýary men nadip iýeýin!?
***
Mugallym okuwçylara diýýar:
-Kim özüni samsyk hasaplaýan bolsa ýerinden tursun.
Hiç kim ýerinden gozgananok. Bir salymdan soň Ependiň ogly ýerinden turýar. Mugallym:
-Näme Ependiýew, sen özüňi dogrudanam samsyk hasaplaýaňmy?
-Ýok.
-Onda name ýeriňden turduň?
-Ýeke özüňiz dik duraňyzsoň, size ýoldaş bolaýyn diýdim-laý…
***
Iki serhoş duşuşýalar we irden giç agşama çenli “bellemäge başlaýalar”. Biri beýlekisine diýýär:
-Dos-s-s! Ýene-de az-za-jyk içelimi?
-Häzir, men barlap göreýin. Eger men ýerimden turup iki ädim adip bilsem, onda hokman iç-çeris. Eger ýykylaýsam……, onda men öýe gaýtjak.
***
Ýokary okuw jaýyna girmek üçin ekzamende sorag soraýarlar:
-Siz Puşkini tanaýaňyzmy?
-Ýok.
-Magtymguly, Zelili, Kemine bilen tanyşlygyňyz nähili?
-Bularam tanamok.
-Berdi Kerbabaýew, Kerim Gurbannepesow dagylary bir tanaýaňyzmy?
-Bular bilenem tanyş däl.
-Gidip bilersiňiz. Indiki ýyl geliň.
Ekzamen tabşyryp bilmedik dostumyz keýpiz gapydan çykýar. Daşardakylar ondan soraýar:
-Nätdiň? Geçdiňmi?
-Ýok-laý, tanyşyň bolmasa geçirenoklar-laý. Meniň bolsa tanaýanym ýok…
***
Özüne göwni ýetýän bir çopan, beýik daga çykýamyş. Görse, ol ýerde-de özüne göwni ýetýän bürgüt otyrmyş. Çopan bürgütden soraýar:
-Eý, bürgüt! Hany, maňa aýt. Sen nädip uçup bilýäň?
Bürgüt asmanda uçmagyň kyn iş däldigini düşündirýär:
-Ine, şeýle. Özüňi bu gaýadan aşak göýberýäň we uçmaga başlaýaň. Men şeýdip uçýan. Meniň kakamam, kakamyň kakasam, kakamyň kakasynyň kakasam şeýdip uçýadylar – diýip, özüni gaýadan göýberýär we bir salymda howada gözden ýitip gidýär. Çopanyň hem bürgüt ýaly uçasy gelýär we gaýadan özüni göýberýär. Bir salymdan soň howada aşakdaky sesler ýaňlanmaga başlaýar:
-Wa-a-a-a-ah, seniň özüňem, kakaňam, kakaň kakasynam, kakaň kakasynyň kakasynam…….
***
Ýigit bilen gyz kinoteatrda hindi kinosyny görüp oturlar. Gyz oglandan soraýar:
-Nähili pikir edýäň, iň soňunda olar öýlenerlermik-ä?
-Dagy näme! Şular ýaly kinolaň soňy gynançly gutarýar ahyryn.
***
Iki dostyň gürrüňi:
-Bilýäňmi, düýn agşam şeýle bir zat boldy! Gidip barýadym welin, bir oglany üç bolup urup duran ekenler. Aý, menem onsaň, kömek edeýin diýdim.
-Berekella! Gör sen nähili batyr! Ýeri onsaň kömek etdiňmi?
-Elbetde. Sen bir görsediň biziň dört bolup ony ýenjişimizi….
***
-Seniň eliň meniň jübimde name işleýär?
-Otlyçöp gözleýän, agam.
-Adam ýaly sorasaň bolmaýamy?
-Soramaga utandym-da...
***
Dowamyny teswir edip ýazmakçy...
Halan bolsaňyz Haladyma basmany unutmaň 🙂
Ýene-de şular ýaly degişmeler bolsa nähili bolardy?
Ýerine düşerdi(35%, 5 adam)
Elbetde(21%, 3 adam)
Ýoklaý(14%, 2 adam)
Menä gülüp ýykyldym(28%, 4 adam)
:D(0%, 0 adam)
Arşivin durumu
● Tam metin
● 62/62 yorum korunmuş
Yayımlandığı site: teswirler.com · Kaynak: Web Archive kopyası — ertir.com, 31 Temmuz 2012 · Orijinal sayfayı gör ↗
Yorumlar 62
***
Adamlardan hyryn-dykyn awtobus. Sürüji duýdansyz tormaz berýär. Bir ýaş gelin gyssanjyna ýanynda duran ýaşulynyň sakalyndan ýapyşýar. Birinji duralga gelýär, gelin ýaşulyň sakalyny göýberenok, ikinji duralga gelýär, gelniň azaryna-da däl, ýaşulyň sakalyny goýberenokmyş. Ahyry muňa çydamadyk ýaşuly:
-Aý, gelin! Sakalymy göýberseňizle!!! –diýýär. Gelin bolsa gözüni elek-çelek edip:
-Näme, ýaşuly! Eýýäm düşjek bolýaňyzmy?
***
Tölegli keselhanada lukman näsaga diýýär:
-Şu günden başlap ne çakyr, ne-de arak içmeli dälsiň!
-Näme, lukman jan, meň ýagdaýym gaty erbetmi?
-Ýok, erbet däl, ýöne meň bilen hasaplaşmak üçin biraz pulyňy tygşytlamagyň gerek.
***
Polisiýa-KAKA özüniň Polisiýa-OGLUNY irden sagat ýediniň ýarynda oýarýar:
-Tur, oýan oglum. Ýogsam şofýorlar ýarym sagat bäri köçelerde pul tölemän maşynly aýlanyşyp ýörendirler…
***
BILDIRIŞLER:
1. Içi pully gapjygymy ýitirdim. Gapjygymy tapan adam iň bolmada pulymy bir yzyna bersin.
2. Sürüjilik şahadatnamasyny satyn alan adama “Ýol hereketleriniň düzgünleri” atly kitapjyk sowgat beriljekdir.
MASLAHAT.
Eger-de siz işe gijä galmak islemeýän bolsaňyz, onda jaňly sagadyňyzyň üstünde syçan tutýan gapan gurup goýuň.
***
Sirkiň direktoryna telefon jaňy gelýär:
-Salowmaleykim agam! Bagyşlaň, size gepleýän at gerekmi?
Direktor trubkany taşlaýar. Telefon bir salymdan ýene-de jyňňyrdaýar.
-Salowmaleýkim, agam! Meni bagyşlaň, sorajak zadym bardy. Size gepleýän at gerekmi?
Direktoryň gahary gelýär we ikinji gezek hem telefonyň trubkasyny goýýar. Üçinji gezek telefon jyňňyrdaýar.
-Eý, haýwan, näme üçin trubkany taşlaýaň? Maňa näme toýnagym bilen telefon etmek aňsatdyr öýdýäňmi?
***
Ependi restoranda. Ofisiant Ependiden soraýar:
-Agam, name iýmek isleýäňiz?
Ependi:
-Şol aňyrky gyrada oturan adamyň iýýäninden iýjek.
-Bu diýýäniň bolmaz, agam! Ol adam iýýänini bermez ahyry...
***
Huşy gidişen bir garry daýzaň gürrüňi:
-Arada Annajemallara diýip gitdim welin, Oguljemallara baraýypdyryn. Barsamam Bibijemal ýok eken…
***
Biri öýde işletmek üçin hyzmatkär tutunýamyş. Öý eýesi täze hyzmatkärine işiň şertlerini düşündirip bolandan soň, ýene-de bir gezek gaýtalap aýdýar:
-Berk belläň! Biz ertirlik naharymyzy irden sagat 7-de iýýändiris! Gijä galaýmaň!
Hyzmatkär:
-Men hemmesine düşündim. Ýöne birden gijä galaýsam, nahara mensiz başlaberiň…
😆😆😆 gulup yykyldym mena. sagja bol
***
Tokaýda çaşy Towşany polis edip belläpdirler. Ine ol bir gün tokaýda sümsünip ýörkä, öňünden çal Möjek duşýar.
-Möjek dost! Sen agzyňdaky ýiti dişleriňi nireden ogurladyň? Hany jogap ber!
-Towşan jan! Janyňa döneýin! Bu dişleri men hiç ýerden ogurlamok! Bu meniň öz dişlerim!
-Ýok, bu dişler ogurlyk bolmaly. Düş öňüme…
Şeýlelik bilen Möjek türmä düşýär. Towşanyň öňünden bolsa bu gezek Tilki gelneje çykýar. Towşan:
-Ýeri how, Tilki gelneje! Egniňdäki owadan possuny nirden çildiň?
-Towşan jaň, beý diýmäweri! Bu possunym doglanymdan bäri özümiňki!
-Senem tutmaly boljak. Bu possun ogurlyk bolmaly – diýip Tilkini hem Möjegiň kamerasyna dykýar.
Bir gün kamera Ördegi salyp gidýäler. Möjek bilen Tilki ondan soraýarlar:
-Wah Ördek pahyr. Biziňkä düşnükli welin seni bu ýerlere näme üçin saldylar?
Bu soraga Ördek jogap berýär:
-Towşan polise duşdum welin “Sen kimiň puluna her ýyl daşary ýurtlara üçup gidýäň?” diýip yr sarady…
***
Garagumda biri düýeli barýamyş. Onuň düýesi gaty ýadapdyr, zordan ýöreýämiş. Görse olar AWTOSERWISE golaý gelipdirler. “Kömek ederler-le” diýip ol awtoserwise sowulýar.
-Düýäm ýöremejek bolýa, kömek edeweri agam!
Awtoserwisçi:
-Düýäňi estakada çykar, häzir daş ederis –diýýär we eline çekiç alyp düýäniň satanyna güýçli urýar. Düýe janawer agyrysyna çydaman patanaklap uly tizlik bilen ylgamaga başlaýar. Düýäniň ýadaw eýesi:
-Wah, men onuň yzyndan indi nädip ýeteýin?!…
-Estakada mün agam, daş ederis…
***
Täze ýylyň öň ýanyndaky günlerde Horaz aga Towuk gelnejemize ýüzlenýär:
-Düýşümde ýagly palaw görüpdirin welin, eýgilik bolsun-da hern-ä!
***
Polisiýa bölüminde telefon jyňňyrdaýar. Telefonyň trubkasyndan:
-Kömek ediň! Kömek ediň! –diýen sesler eşdilýär.
-Häzir barýarys. Size näme boldy?
-Öýe pişik girdi! Kömek ediň!
-Bagyşlaň, ýöne biderek zat üçin polisiýany çagyrmak nämä gerek? Siz kim?
-Men-mi? Men Totyguş! Kömek ediň!!!
***
-Maşynyňyzyň ogurlananyny haçan bildiňiz?
-Düý agşam, restorandan çykamda. Maşynymyň gapysyny açdym, roluň başyna geçdim, açarymy sokjak bolýan welin, görsem maşynym ýok!
***
–Men iki gezek gaýtalamok! Düşündiňmi? Iki gezek gaýtalamok diýýän!!!
***
Kakasy ogluny almaga çagalar bagyna gelýär. Terbiýeçi soraýar:
-Haýsysy siziňki?
-Tapawudy name? Iňsoňy ertir yzyna getirýän-ä …
***
Aýjemalyň serhoş äri gijäniň ýarynda öýe gelýär. Aýjemal:
-Nirde bolduň?
-Aýjemal jan, men mazarystanlykda boldum...
-Näme boldy? Biri öldümi?
-Aýjemalym, sen ynanmarsyň – o ýerdäkileriň hemmesi öli...
Tuweleme guldurip hezil berdi. Esasanam kecheli garryja dayza 😆 😆 😆
***
Kompýuterde işletmek üçin firma özüne täze işgär alýarmyş.
Işe ýerleşmäge üç sany adam gelýär. Üçden birini saýlamaly bolýarlar. Olary çagyryp söhbetdeşlik geçirýärler. Birinjiden soraýalar:
- Siz internetde wejera sahypalara girýäňizmi?
- Ýok, giremok
- Siz boş, gidip bilersiňiz.
Ol çykyp gidýär. Işe girmekçi bolýan ikinji adamdan hem şol sorag soralýar:
- Siz internetde wejera sahypalara girýäňizmi?
- Howwa, girýan.
- Siz hem boş, gidip bilersiňiz.
Iň soňky işe girmäge gelenden hem şol sorag soralýar:
- Siz internetde wejera sahypalara girýäňizmi?
-Internet diýýäniň näme...?
-Dokumentleriňizi berip bilersiňiz. Sizi işe alýas.
***
Ependi:
-Ýatda sakla oglum, durmuşda hemme zat ýümruk bilen düzedilýän däldir. Şonuň üçin käwagt eliňe taýak alsaňam bolar.