Kyn günümde gelmediň
Göýä aýsyz gije azaşan ogry
Terk eden ýyllarma - dolandym yza.
Garaşanym dogry, garanym dogry
Öýkesi näzinden agdygrak gyza.
Gujagma buz bolup gireniň üçin,
Ojagňa ot bolup, göz ýumup girdim.
Göz ýetirmek aňsat ylalaşmak kyn,
Men bolsa gussadan bireýýäm irdim.
Ýyllar möhrün maňlaýyma ýelmedi,
Kör düýämi başga köprä ideýin.
Gyz günüňde, kyn günümde gelmediň,
Dul günüňde, gül günümde nädeýin.
Iki körüň ýoly düşmezmiş sowa,
Süýtde agzy bişen üflärmiş suwa.
Awtory belli däl.
Arşivin durumu
● Tam metin
● 7/7 yorum korunmuş
Yayımlandığı site: teswirler.com · Kaynak: Web Archive kopyası — ertir.com, 5 Ağustos 2012 · Orijinal sayfayı gör ↗
Yorumlar 7
Sag bol (awtoryny men bilyan yaly🙂)
Gujagma buz bolup gireniň üçin,
Ojagňa ot bolup, göz ýumup girdim.
şu yerde naeme diyjek bolyanyna düşünibilmedim.
öraen gowy goşgy. kiming goşgusyka?
Süýtde agzy bişen üflärmiş suwa. 👍
Ýyllar möhrün maňlaýyma ýelmedi,
Kör düýämi başga köprä ideýin.
Gyz günüňde, kyn günümde gelmediň,
Dul günüňde, gül günümde nädeýin....shu setirleri hasam haladym... Goshga soz yok tuweleme.
atawatan aga, men şuňa pikirimi ýazaýyn:
buz bolup girmek oň doňýürekliligi, ojagyna ot bolup girmegi, şol buzlary eretmek üçin. Men-ä şeýle düşündim. Galanynam kab agaň özi düşündirer-dä!
Goşgy gowy! Ýatlama goşgusy. Adaty ýatlama goşgularyndan üýtgeşik ýazylan. kab aganyň halaýan stilinde. Ol täzeçe ýazylan goşgulary halaýar!