Men sizde birgiden ýat adam gördüm
Söýgini ezizläp, setire salyp,
Men saňa goşgudan çemen bagladym.
Gözlerňi ýaglygyň ujuna çalyp,
Öten agşam sen nämüçin agladyň?
Çekdiň ýekelikde nämäniň derdin?
Aýry derdiň bolmaz, bile çekeli!
Men sizde birgiden ýat adam gördüm,
Şolar näme iş bilen gelen ekeni?
Olar size girip-çykýandyr belki,
Seň girip-çykyşyň azaltmak üçin.
Edip söýgimizi ryswa-gülki,
Gara saçymyzy agartmak üçin.
Sen aýtsaň-aýtmasaň, bir zat aňladym:
Öten agşam sen nämüçin agladyň?!
Awtory Italmaz Akmyradow.
Goşgyny haladyňmy?
Hawa(95%, 20 adam)
Ýok(0%, 0 adam)
Goşgy okamok(4%, 1 adam)
Arşivin durumu
● Tam metin
● 23/23 yorum korunmuş
Yayımlandığı site: teswirler.com · Kaynak: Web Archive kopyası — ertir.com, 5 Ağustos 2012 · Orijinal sayfayı gör ↗
Yorumlar 23
gowja goshgy.. Bet
Kitaphanada otyrsynmy kab dost? Bet gosgylar yazyan.
beh))) oldurup duzupdiray
Hä, ynha bu başgaça düzülipdir! Gaty içgin ýakynlaşypdyr!
gowy gosgy eken
in sonky 2 setirini hasda haladym!
tuweleme, ozun duzyanmi kab?
Baý boooow,ine goşgy! Soňunda daş bilen ýüregiňe tars edip düşýärä bu .
Sag boluň agam!
Manyly goshgy eken! 8-)
Sag boluň ýetireniňize. Örän gyzykly we manyly goşgy. Okap okadym diýdirýär...
Juda haladym bu goshgyny. manyly oran. Men sizde birgiden ýat adam gördüm,
Şolar näme iş bilen gelen ekeni? yat adamlary salmaly bolyas, oz Menini gizlemek ucin.Minnetdar paylashanynyza!!!
Tuweleme.galamyn ujy yiti bolsun agam.goshgy diysen goshgy bolupdyr.Minnetdar yetirenine.yene-de sheyle goshgylaryna garashyan.
Gyzykly gornushde (style) yazylydyr! Çuň!!
Gysga we uly manyly
Haladym,bet gocuripsin yalnyshsyz
Ýalňyşmaýan bolsam şu Italmaz aga Ýolötenden bolmaly, şeýlemikä?!
Italmaz Akmyradow ýolötenli. Ir ýogaldy. Ömri gysga ekeni. Ýöne türkmen edebiýaty üçin uly hazynany miras galdyrdy.
Sag boluň Kab aga! Ýatan ýeri ýagty bolsun!
Poeziýada täzelik etmäge ökdedi. Söýgi temasyny häzirkizaman stilinde şeýle bir gowy işledi welin, kä setirlerini okap Aperin! diýip oturybermeli.
Ýeke menmi ýaryň duýgusyn talan,
Söýgüsiniň arkasyndan eselen?
Ajap talaňçy kän ýer ýüzi halan,
Iňlislerde Şekspir bar meselem.
Talaňçyňam ajaby boljak ekeni.
Aýratyn alnan bir goşguda ol goşgyň gowudygyny ýa gowy däldigini kesgitläp bolýar. Ýöne şahyryň ussatlyk, zehin derejesini biljek bolsaň, onuň goşgularyny doly okamak gerek. Italmaz aganyň goşgular kitabyny doly okap çyksaň, muňa has-da oňat göz ýetirýäň.