Abdylla işan, Gowşut han, Mollanepes.
Şu gün bir sebäp bilen Hoja Abdylla gonamçylygyna gitdik. Hoja Abdylla babanyň /Abdylla Mübärek ogly/ guburyna zyýarat etdik. Aýat okadyk. Soň gonambaşynyň 200 metr töweregi gündogar tarapynda gurlan beýik, ýaşyl gümmezli ýere bardyk. Ýaşyl gümmeziň daşyna demir germew aýlanypdyr. Ol ýerde üç sany mazar bar ekeni. Olaryň birinjisiniň başujunda "Abdylla işan. 1869 ý" diýen ýazgy bar. Ikinjisinde "Gowşut Han 1820 - 1878", üçünjisinde "Hak aşygy Mollanepes 1810 - 1875" diýen ýazgylar bar ekeni. Bu ýerde-de Kuran okadyk.
Müňkür gitmek halanmaýan hem bolsa, gaýdyşyn mende Şeýtan şübhesi döredi. Ýaşyl gümmez, demir germew we mazarlaryň başyndaky ýazgylar köne döwürlerden galan däl. Hemmesi täze edilipdir. Abdylla işanyň, Gowşut Hanyň, Mollanepesiň ýaşan döwründen bäri azyndan 130-140 ýyl geçipdir. Üstesine-de olaryň ýogalan ýyllary birmeňzeş däl. Degişlilikde 1869, 1875, 1878. Emma üçüsi hem bir ýerde ýanaşyk ýatyr. Ähtimal, Mollanepes özüniň Abdylla işanyň golaýynda jaýlanmagyny isländir we sargyt edendir. Gowşut Han hem Nepes şahyryň ýanynda depin edilmegini wesýet edendir. Ähtimal, delilsiz gürrüňlere esaslanylandyr ýa çaklamalara eýerilendir. Bilmedim. Pikirlerim gaty garjaşyk.
Ýaman ýeri, bular barada anyk material, maglumat saklanyp galmandyr.
Arşivin durumu
● Tam metin
● 18/18 yorum korunmuş
Yayımlandığı site: teswirler.com · Kaynak: Web Archive kopyası — ertir.com, 3 Ağustos 2012 · Orijinal sayfayı gör ↗
Yorumlar 18
Hmmm
Halandy+
Halandy+
Gonamçylyk nirede ýerle$ýär eý musulman dogan?
Şu wagt menem şu soragy sorajak bolup durdym sen sorapsyn.
Bah..logichno.. Dogurdanam nam ucin beylekany... Gonamchylyk nirde yerleshen?
www.tkm.8m.net/mollanepes.htm
1810-1862 ýyllar ýa$an diýip ýazylgy ýokarky linkde
Pursatdyr diýip el galdyraly olaryň guburlary bolmasa-da eden dogalarymyz adresine bararmyka diýýän?! Alla kabul etsin, zyýaratyňyzy!
mena yananasym gelmedi
🙂
Hoja Abdylla gonamçylygy Mary şäheriniň Halkara uçar menziliniň gaýra tarapynda, Wekilbazar etrabynyň çäginde ýerleşýär. Häzirki wagtda bu gonamçylykda Mary şäherinde we Wekilbazar etrabynyň onlarça obasynda ýaşap, dünýäden öten adamlar jaýlanýar.
Il içinde Hajy Abdylla ady hem ýörgünli.
Okuw kitaplarynda 1862-nji ýylda aradan çykdy diýen maglumat bar. Ýöne mazar daşynda 1875 diýlip ýazylgy.
Meň ynanasym gelýär, ýöne bu näderejede hakykata laýyk? Ana, şo gyzykly.
Gowşut hanyň we Mollanepesiň nebereleri häzir Türkmengala, Murgap, Sakarçäge, Wekilbazar etraplarynda ýaşap ýörler. Ýöne olar hem anyk bilýändir öýdemok. Sebäbi aradan ýoňsuz kän wagt geçipdir. Azyndan 130-140 ýyl.
Chyndanam shony bilyan birini tapyp soramaly.
Olaryň ölen ýyllary barada anyk maglumat ýok. Magtymgulynyňam ölen ýyly dürli-dürli. Olar belki tanymal bolanlygy üçin bir ýerde jaýlanandyr!