Kontakt linzasy
15 ýyl töwerek wagt bäri äýnek dakynýaryn. Kän çalşandyryn äýnegimi, soňky dakynanym meniň bilen ak-gara her hili günlerimi 3 ýyllap görüpdi, hatda bile gulluk edipdi. Kazasy dolandyr-da şu gün takside unudupdyryn. Gitdi-ýitdi-gitdi boldy.
Güne çykan wagtym dakynaryn diýip güneşe garşy äýnegiň aýnasyny çalyşdyryp gara äýnek ýasadypdym we şony dakdym wagtlaýynça. Işde adamlar soraýar, o näme depäňden gün urýarmy, diýip. Biri dagy hany aýyr äýnegiňi senjagaz urşup gözüňi gögerden bolaýma diýip oýunam edip gördi. Garaz gara äýnek gara günde hezil berdi.
Biraz gyzyklanyp gördüm äýnegiň täzesi nähili, nireden, näçe manada we näçe wagta bolarka diýip. Bir sutka töwerek wagta 500 manat töwerek pula düzeldip boljak eken Ýimpaşda, ýöne resept gerek. Menem onça wagtym ýok diýip uzak wagt bäri niýetläp ýören planymy amala aşyraýyn diýdim-de ýitiren äýnegimiň nomerine gabatlap kontakt linza satyn aldym. Satyn alsamam aldym welin başyma belany satyn alypdyryn.
Aldym linzany geldim elimi ýüzümi ýuwuşduryp öňden gören eşidenime gabatlap dakjak boldum, hy-ygh bolar ýaly däl. Soň çykdym ot alan ýaly, bardym alan ýerime. Hany dakyp bilemok kömek ediň-dä diýdim. Ol gyzlaram birneme kömek etjek boldular ýöne bolar ýaly däl, biz satýas ýöne siz lukmana görüniň diýdiler orsyçalap.
Çykdym ot alan ýaly ýene ýola. Bardym göz merkeze. Girdim kabulhana boş, dermanhana boş, zalda 2-3 sany raýat görünýär ak halat ýok. Sagat bolmasa 14:45 töwerek. Asyl bu edarada iş wagty 16:00 -a çenli eken, ýöne 14:30 bolanda gaýdaýýanlar eken. Aý onsoň duşan birinji ak halatlyma ýalwaryp başladym, aý inim iş bolýaňyzaý diýip hüňürdese-de gowy adam eken garaş kömek edeýin diýdi.
Garaşyp otyryn, ýöne men-dä kanagat ýok, pol süpürip ýören daýzadan soradym - şeýle şeýle ýagdaýym bar kim kömek edip biler maňa? Olam aýtdy 10-njy otaga bar etse şolar kömek eder. Bardym sypaýyja düşündirdim, ol gürrüňiň soňy "iýmit satylýan ýerden linza alaýýaňyz"-a bardy. Soň ýene 2 şepagat uýasy we 1 lukmana ýüz tutdum we başda ýüz tutan lukmanymça hiçisiniňem bolmajagyna gözüm ýetdi. Gaýdyp bardym zaldaky oturan ýerime.
Ýüzsüzligim gursun girdim gapyny kakan bolup agam nememaý ýa entek garaşaýynmy diýen bolup. Onýança barypdyr oňa başga gapylara baranymyň maglumaty. Käýýän boldy onsoň menem demiňi alman oturaryn-da 'süýt döken pişik ýaly'. Iki bolup salyp bilmediler linzany, gözümi ýumaýýan ekenim. Soň bir derman damdyrdylar 'diklofon' diýäýdiler öýdýän.Soň ol ýaşuly lukman äkidip öz otagynda ýatyryp linzany gözüme ýerleşdirdi. Sag gözüm gaty tebigy ýaly boldy, ýöne çep gözüm halys bolmady. Onda-da kän kellesini agyrtdymla diýip sagbolsun aýdyp gaýtdym, "Bizlik bir hyzmat barmy agam" diýip türkmendigimizi bildiremden soň. Janymyň saglygynyň dilegini alyp taňryýalkasyn bilen gaýtdym işime.
Gelip çep gözümiňkini işdeşime täzeden goýdurdym. Gaýta gowurak boldy. Soňam oturyp google daýzam bile gybatlaşyp başladym. Aý köp zat aýtdy. Soňam,.. ýobty bu ýaznymeý! Hiçkimem okamaýarow muny.
Garaz teswirdeşler, siz siz boluň äýnegiňizi ýitirmäň how!
Saglygyňyz!
Äýnek mi kontakt linza?
Äýnek.(50%, 4 adam)
Kontakt linza.(37%, 3 adam)
Ak ninza.(12%, 1 adam)
Arşivin durumu
● Tam metin
● 19/19 yorum korunmuş
Yayımlandığı site: teswirler.com · Kaynak: Web Archive kopyası — ertir.com, 28 Ekim 2011 · Orijinal sayfayı gör ↗
Yorumlar 19
Eger ýalňyşyp soňuna çenli okan bolsaňyz aýdaýaýyn,
ýaltansaň gara ýerlerini okaýmaly. 🙂
😆
agam oz gunim yadyma dushup gitdi. Menem bashda dakjak bolamda irden namazdan son shon ugryna cykyadym. Buna calt dakdym diyemde bir sagada gerekdi. Inda azajyk owrenishdim Elhamdulullah🙂. Ka wagt dagyn 2 sagatlap dakyp bilman okuwa ockili gityadim. Yone ockidan onat linza. Nesip etsin agam peydasyny gor.
Soñuna cenli okadym! Nesip etsin! 8-)
hergun dakyyan ayyryan 🙂
linza alan yerimde bir gyz dakmagy owredipdi, bir hepde 10 minudyny alar, son 10 sekuntda dakarsyn.. yone elin chalaja tozan ya hapa bolsa dakansonam hapanyn bardygy bildiryandir...
aynega gora men pikirimce 100 esse gowy (aynek dakyp gormedim 🙂)
nace aldyn onsan? yuwalyda
linzanyñ ziýany ýokmy? 8-)
yok mena goremok 🙂👍
Maslahatyňa köp sagbol.
Äýnek dakmadyk bolsaň nädip deňeşdirýäň?
Ýimpaşda 75 manat eken 3 aýlyk diýip satýarlar. 6 aýlyk diýýänem beýle gymmat däl welin sag-çep nomerim gabat gelmänsoň bolanokmyş ol 6 aýlygy.
Bir zatlaý : Ýaman ýumşaklaý bu, derrew ters öwrülýär. Bir aňsat ýoluny salgy berjek ýokmy?
Gowy tema
menem on bir aylygny alyp ulanyadym. Gecen hepde uc aylygny aldym welin dogrudanam gaty yumshak eken.
Bashda ayyrmak dakmak kyn sebabi gozumiz endik etmedik bolyar eken. Gozun yanyna sahel elityan welin gozun gyrpyp durya🙂. Eger ayyranda, dakanda gozuni gorkuzman goni garasyna gawatlap goyup bilsen kynam dal eken. Yone howan yuzi tozanly bolanson derrew maydajyk tozandan dolyar eken. Eger bir sapar synanshyp dakyp bilmesen hokman yuwmagy maslahat beryan. Sebabi bir sapardan son cyra bakdyryp seredip gor, maydajyk hapalardan dolyar.
75 manat bolsa 25 dollar bolyamy tm-da, men belarusyadan 66 mun rubula aldym. Olam hazirki dollar bahasy blen 13 dollar bolya.
Menem dakynaysam nichik bolarka,iki gozumem -3 , (hyyal edip yordum)
dokonsa okadym, priklyucheniya baryny gechiripsin.. Owrenshersinda, gayrat et
Dakyn dostum menem -2,75 -3,25 di arzuw edip ýördüm.
Indem diýýän zadym şu - Dünýäni dury görmek ýatdan çykyp gidipdir...
3 aylyk diyyannin nahili bolya. meselem menki gunde dakynyp ayyrmaly we lenz gaty gitse iki aydan son zynmaly.
men 6sanysyny 40 dollara alypdym.
ha birem ters owrulya diyyan welin kan tapawudy yok basyber iki gapdalyndanam xD
Menem wagty bilen dakynypdym, 3 aýlyk aldym soň 2 aýlyk ulanyp 3-njisini 1 hepde ulanyp taşladym. Usulyny alanymda aýtdylar dakmada problema bolmady emma gözüm ýaşaryp meňkinä birahat etdi. Soň taşladym, gözüm ynjygyrak ekeni. Ýöne äýnek dakynyp ýören bolsaň bir hili rahatlabam gidýär ekeniň. Nesip etsin, toýuňyza galman tozsun 😆
Linza gowy zat, dakynmagam ilkiler 5-10 minut alyady, hazir 10 sekunt 🙂... men-a 6 aylygyny alyan, shona golay ya azajyk geciribem dakyan. arasynda yuwup dursan hem bolya, sho suwy bn yuwaymaly. Barmagym bn dakamok, tayajygy bn dakyan, has ansat hemem barmagyndaky yaly kirlanok 🙂
taýakmy?
anha info!
köp sagbol!