Älem - Kitap...

 
  …
  Oglanjyk daşlary haltasynda ýygşyrdy. Ol, mundan beýläk, zyýan çekmek howpuny göz öňünde tutup, netije çykarmalydy.

  - Unutma, dünýäde ähli zat bir bitewidir. Alamatlaryň dilini ýatdan çykarma. Birem – iň esasy zat – sen ahyryna çenli öz Takdyryňy ýaşamalysyň. Indi bolsa men saňa kiçijek bir wakany aýdyp bereýin.
  Bir täjir ogluny, bagtyň syryny öwrenmesi üçin, iň esasy akyldaryňka goýberipdir. Oglanjyk kyrk gün çölde ýöräninden soň dagyň depesinde bir köşgi gördi. Onuň gözleýän akyldaram şol ýerde ýaşaýardy.

  Geň ýagdaý, ýalňyz ýaşaýan ýolgörkezijiniň öýüne meňzemeýärdi, adamlardan doludy. Gaýmalaşykda, söwdagärler öz harydyny hödürleýär, her burçda adamlar gürleşýärler, sazandalar mylaýym saz çalýarlar, zalyň ortasynda bolsa şu jereýanda tapyp bolaýjak iň gowy iýmitlerden bezelen stol durdy.
  Akyldar howlukman myhmanlar bilen görüşýärdi, oglanjyk gezegi gelýänçä iki sagat garaşmaly boldy.
  Ahyry, Akyldar onuň arzyny diňledi, ýöne şu wagt, bagtyň syryny aýtmaga, onuň wagtynyň ýokdugyny aýtdy. Goý, oglanjyk iki sagat köşkde gezelenç edenden soň bu ýere gelsin.
  "Ýene-de haýyşym, - diýip, ol oglanjyga iki damja ýagly çaý çemçesini uzatdy. – Şu çemçänem ýanyňa al, ýagam dökülmesin"
  Oglanjyk, çemçeden gözüni aýyrmany, köşgüň gatlarynda gezelenç etdi we ýene iki sagatdan soňra Akyldaryň garşysunda durdy.
  "Hawa, - diýdi, ol - aşhanadaky fars halylary? Ussat bagbanlaryň on ýyl zahmet siňdiren bagyndaky agaçlar we güller? Meniň kitaphanamdaky galyň deri sahypaly kitaplar göwnüňe ýaradymy?
  Ýüzi gyzaran oglanjyk, bularyň hiçisini görmedigini boýun aldy, sebäbi onuň ähli ünsi hojaýynyň beren iki damja ýagyndady.
  Akyldar:
  -Gitde meniň öýümdäki ähli geň zatlary görüp gel. Nirde we nähili ýaşaýanyny bilmäni bir adama ynanyp bolmaz - diýdi.

  Oglanjyk, eli çemçeli ýene-de köşgüň gatlaryny gezmäge başlady. Bu gezek ol, otaglardaky geň-enaýy, sungat işlerine-de ünsini çekdi. Ol baglary, gurşap duran daglary synlady, suratlara, şekillere, senet işlerine, ajaýyp güllere baha berdi. Akyldaryş ýanyna gelende, ol gören ähli zadyny jikme-jik gürrüň berdi.
   - Meniň saňa tabşyran iki damjam nirede?  
  Ine diňe şol wagt, oglanjyk damjalaryň dökülendigini duýdy.
  "Ine su hem meniň saňa berjek ýeke-täk maslahatym, - diýip, akyllylar akyllysy sözüne dowam etdi - Bagtyň syry şundan ybarat: Dünýäni bezeýän zatlary görüp, şol bir wagtda-da çaý çemçesindäki iki damjanam unutmaly däldir!"