Aялларың адамсында болaн хакы.

Пыгамберимиз саллаллаху алейхи веселлемден: «Я Ресулаллах! Аялларың хакы нәме?»-дийип сорапдырлар. Пыгамберимиз саллаллаху алейхи веселлем: «Хер бир аялың адамсында 4 саны хакы бардыр:

1) Эркек аялың дашының галасы болмалыдыр. Эркек намысының эеси болмалыдыр. Аял эркегиң намысыдыр.

2) Динде герек болан затлары оңа өвретмекдир. Харамы, халалы, Худайың “эт” диен задыны ве Худайың “гач” диен задыны оңа өвретмелидир.

3) Халалдан ийдирмекдир. Эркек газанҗыны хөкман халал ёл билен газанмалыдыр. Нәме үчин? Себәби «Хер вагт ынсаның бедениндәки эт харамдан иймитленсе, кыяматда ол эти от билен якарлар».

4) Эркек аялына зулум этмели дәлдир. Чүнки аял эркегиң элинде аманатдыр»-дийипдир.

Пыгамберимиз саллаллаху алейхи веселлем: «Эй, адамлар! Алланың ёлунда аялларың хакында гаты горкулы болуң. Бир вагт олара нәхаклык йүзүнден зулум эдәймәң. Чүнки олар сизиң элиңизде аманатдыр»-дийипдир.

Бир вагт бир адам дүнйәден гайдыпдыр. Ол адамы ювуп, кепенләп, җыназа окап, элтип габырда гөмүп гайтдылар. Пыгамберимиз саллаллаху алейхи веселлем: «Эгер өлен адам говы болса, габыр 70 гез гиңелип, җеннетден бир ёл ачылып, җеннетден бир нур гелип, яңкы адам тә кыямата ченли рахат ятар. Эмма өлен адам эрбет болса, залым адам болса, габыр оны гысып, гапыргаларыны бири-бириниң ичинден гечирер»-дийипдир. Яңкы адамы гөмүп гайдансоңлар, бу адам Мүңкир-Некириң сорагына җогап беренсоң, габыр муны гысмана башлады. Бу адам хайран галып:

-Бех, мен Мүңкир-Некириң сорагына җогап бердим. Нәме үчин габыр мени бейле гысяр?-дийди. Онда оңа:

-Сен аялыңа зулум этдиң. Шонуң үчин габыр сени гысяр-дийдилер.

Пыгамберимиз саллаллаху алейхи веселлем: «Говы гылык-хәсиетли адам иманлы мусулмандыр. Сизиң иң говыңыз аялына хормат эдип, агзыбирлиги саклаян адамдыр»-дийипдир.