IM barada kelläme gelen zatlary ýazdym
Müşderi: Men... neme... kompýuter ajlakdym...
Satyjy: Nähilli kompýuter aljak?
M: Neme... oýun oýnamana...
S: Saňa noutbuk gerekmi ýa-da stasionar? Winçester näçelik bolmaly? Grafikasy?
M: ...? Aý neme da... oýun oýnar ýaly bolsyn... Hä, birem agent bolsyn!...
Ana!!! Agent bolsyn!!!
Häzirki döwür ýetginjekler Internet diýende Mail.ru Agent-dir diýip pikir edýän ýaly. Menem IM (Instant Messaging: Tiz Habarlaşma, ýa-da çat programmalary) barada birzatlar ýazaýyn.
Meniň ilkinji IM tejribäm Yahoo Messenger bolupdy. Wow!!! Dünýäň her ýerindäki adamlar bilen edil şol wagtda ýazyşmak! Täsin zatdy meniň üçin. Elbette ol wagtlar ýyl 2001 di. Ol wagtlar IM diýen termin hem bardygyny öýdemok. Hemmämiz Messenger diýýärdik ol programmalara. Ol döwürde smaýlikler hem aňsatjady. Olary programma suratjagazlar bilen çalşanokdy, ýöne Yahoo Messengerda suratjagazlar çykanda begenjimiň çägi ýokdy.
Yahoo Messenger gowja, ýöne onuň üçin garşydaky adamyň hem Yahoo hasaby bolmalydy. Soň Bir ýerlerden ICQ (I Seek You: Men Seni Gözleýärin) Messengeri tapdym. Oň gowudygyny... Islän mail hasabyň bilen ýazylyp bolýar, we şeýlelik bilen potensial çat partnerlaryň sany hem köpelýär. Bir kyn tarapy seniň agza adyň bir nomer bolýardy, 342342309 ýaly birzatlar. Ol nomerleri ýatda saklamak hem kyn bolýardy. Ýöne soň ICQ hack diýen zat bilen tanyşdym. Ol sistema ilki çykan wagtlarynda nomerler 5-li bolupdyr, soň olar dolansoň 6-ly nomerler berlip başlanypdyr. Men ilki regirstrasiýa bolanymda 8-li nomerler bardy. Soň bir ýerlerden özüme 6-ly nomer hack etdim. Ýalňyşmasam nomerim 112-224 bomlaly. Owadanja hem-de ýatda galaýjak nomer. Birem ICQ-nyň sesi bardy ýatda galaýjak.
Türkiýede ne Yahoo ne-de ICQ ulanylýardy. Türkler esasan MSN Messenger ulanýardylar. Soň menem bialaç MSN hasaby hem açypdym. Ýöne onda-da diňe türkler bardy.
Bir näçe wagt geçensoň IM programmalary köpelip başlady. Indi herkim bir birden çykaryp başladylar öz "agentlerini". Herkim oýnawaçlary bilen özüne adam çekjek bolýardy, kimi sesli gepleşik serwisine başlady, kimi-de ondan yza galmajak bolup wideo arkaly gepleşikleri berip başlady. Indi IM programmalary esasy habarlaşlak maksadyndan çykyp başlapdylar. Adamlaryň biderek wagtlaryny geriýän ýere öwrülip başlandy meniň pikrimçe. Meniň özüm IM programmalardan bizar bolup ulanmany goýupdym.
Soň Google firmasy öz Google Talk IM programmasyny çykardy. Girip görenimde diňe ak ekran. Hiç hili artykmaç zady ýok. Diňe ýazyşmak üçin döredilen zat. Google mail ulanýan ýeterlik tanyşlarym hem bardy, has takygy köpüsi beýleki mail hasaplardan bizar bolup Gmail-e geçipdiler. Gtalk-da ýokardan, aşakdan çykýan reklamalar ýok. Nä tanyş adamlardan hat pat gelenok. Gözüň we gulagyň dynç alýar.
Biziň halkyň Mail.ru Agenti ulanmalaryny düşünemok. Meniň şuwagta çenli gören iň biderek IM programmasy. Bir iş bilen açmaly boldym mail.ru hasabyny. Hudaý saklasyn, gaýdyp ulanmaryn. Açan hasabynam hem ýadymdan çykar inşallah.
çeşme: http://bayramtm.com/
Siz haýsy IM ulanýaňyz?
Gtalk(33%, 9 adam)
MSN Live(14%, 4 adam)
Yahoo IM(0%, 0 adam)
Mail.ru Agent(51%, 14 adam)
ICQ(0%, 0 adam)
Arşivin durumu
● Tam metin
● 37/37 yorum korunmuş
Yayımlandığı site: teswirler.com · Kaynak: Web Archive kopyası — ertir.com, 3 Ağustos 2012 · Orijinal sayfayı gör ↗
Yorumlar 37
gmail in beti.son hotmail ulanyan. ahli resmi yerlerde gmailim bar. hotmaili turkler bilen oz kursdaslarym bilen gepleşmek ucin ulanyan. mail.ru bolsa turkmen dostlarym bilen habarlaşmak ucin. skype dineje birje kişi üçin 🙂
aprelde türkmenistandakam registrasiýa etjek boldym.... ýapyk.... bolanok hiç...
$u güniñ icinde barlap göreýin hany,köp wagytdan bäri edip göremok... Öñä bolýady hany $u gün göreýin
gtalk
ses berlişikde Agent 7 ses bilen birinji barýar... Gtalk bolsa 5 sesde galdy... beýlekileri ulanýan ýokmy?
Häli bloguňda okap haladym. Gowja. Skype internetiň isini eşitse online bolýar diýipsiň. Men her gezek giremden 4-5 minut soň online bolýar, ýagny aňyrdaka görünip başlaýar. Internet çaltam bolsa. Bolupdymy sende şeýle zat, ýa-da bolýamy?
Cishik senem men yali sadaka zar bolonson, durmush mana dash bilen uroni ash bilen urmani owrotdu
2002 lerde bratok bilen gurleshmane Yahoo achypdym, shon bilen ondym, son okuwa gaydamda msn achdym, turkler, kop turkmen shondady, universitetymyzda bolsa hemme kishi Gtalk ulanya onam achdym, Gtalk birinjidena chalt, prostoyja, bir zat iberip alamanada chaltlygy gowy, son agent agent diydiler ony achdym, son oydakiler gurleshjek diydi skype achdym, online edyan ishlem uchin rossiydakylar bilen habarlashmaly bolan son ICQ de achdym ))) garaz hemmesinden bar hemmesindede ilaman2107 😆
msn gowumyka diyan hemmesindenem. ulanmada amatly
Çishik dost men hotmail.com'dan tm-da öñ regisden gechipdim. Indi hakykatdanam tm-da bolanokmyka diýip ýañy barlap gördim, regis'den geçip bolýar eken, gaýtam mail.ru'danam añsat.
Esasy zat goragy betinden. Master agza bu barada tema achypdy. https://
Shu link boýucha regis edip bilersiñiz:
https://mid.live.com/reg/reg.aspx?prp=wa%3dwsignin1.0%26rpsnv%3d11%26ct%3d1305216302%26rver%3d6.1.6195.0%26wp%3dMBI_MOBILE%26wreply%3dhttp%253a%252f%252fmobile.live.com%252f%253fmkt%253dru-RU%2526lc%253d1049%2526mlc%253dru-RU%26lc%3d1049%26id%3d71570%26mlc%3dru-RU
Türkmenistanda mail.ru registrasiýa edip bolýandygyny 100% güwä geçip biljek. 2-nji gün oglanla 4 pochta döredip berdim. Ýöne 3G'de. Sebäp mail.ru regisiñ keseli bar, internet sähel kesilse ýa säginse täzeden bashlaýar. 2G'de bolar ýöne internediñ gowy ishleýän wagtyna gabatlamaly.
Türkmenistanda mail.ru registrasiýa edip bolýandygyny 100% güwä geçip biljek. 2-nji gün oglanla 4 pochta döredip berdim. Ýöne 3G'de. Sebäp mail.ru regisiñ keseli bar, internet sähel kesilse ýa säginse täzeden bashlaýar. 2G'de bolar ýöne internediñ gowy ishleýän wagtyna gabatlamaly.
Gtalk-a geljegi ýoklaý. Ýakynlarym mail agentde otyrýar. Olar bn gürleshmek üçin agente baramokda, gmail-de reg edip berýän.
Agentyn erbet yeri yok, peydaly tarapyny ullanmaly. Her gorenini dostluga kabul edip otursan bolman musor bolarda.
Gechen ýyl Baýram gtalkdan durujba ugratdym welin kabul etmediñaý.
Agendiñ Symbian wersiýasynda Gtalk chadyny gowy ulanyp bolýar.
Baýram smartyfon ulanýan bolsañ ýandex.ru pochdasyny ulansañ gowy. Progyny indirip ishledip goýýañ, soñ öchirmede. Hepdeläp ishlap durannada azajyk taryfik tutýar. Biri hat ýazsa signal arkaly duýdyrýar. Umuman telefon jañy ýaly mydama ýanyngda ishläp durýar.
ondaky diňe peýdaly tarapyny ulanandan... hiç peýdasyz zady bolmadyk gtalk ulananym gowy