Wezirden akylly eşek.

Bir wagtda bir garry adam bar eken.Onuň bir eşegi hem bar eken.Ol garry adam hemişe: ”Meniň eşegim patyşanyň wezirlerinden akylly” diýer eken.Garrynyň diýýän sözüni wezirler eşidip “Bir garry bar welin,bizi biabraý edip ýör” diýip patyşa arz edýärler.Bir gün patyşa bu wezirleriniň sözlerine görä,garryny çagyrdyp getirip ”Ýeri ýaşuly sen näme sebäbe görä meniň eşegim patyşanyň wezirlerinden akyllydyr diýip ýörsüň?”diýýär.Garry “Dogrudyr patyşahym meniň şeýle diýäýmäm bardyr.Onuň sebäbi bolsa,men bir gün eşegime münüp barýarkam bir köprüden geçjek boldum.Eşegimiň aýagy köpriniň deşigine gitdi,ol aýagyny zordan çekip çykardy.Şondan şon ýene şol köprüden geçjek bolanynda meniň eşegim horguryp geçmejek bolup, ýaňky deşikden aýlanyp geçýär. Görýarmiň haýwanyň düşgürligini?! Emma seniň wezirleriň bolsa herhili jenaýatlar edip, seniň jezaňy birnäçe gezek çekselerde, ýene maý tapsalar, şol eden işlerini-jenaýatlaryny gaýtalaýarlar. Ine meniň eşegim seniň wezirleriňden akylly bolmaýarmy näme?”