Türküstan Diýarynyň Şuglasy (Dowamy)

Alty müňden hem gowrak aýaty öz içine alan Gurhany-Kerim "aýatlaryň" 2 ýagny pikir we aň-düşünje meýdanlarynyň iki ýerdedigini habar berýär:1. Ýer ýüzi;2. Ynsan (Gurhany-Kerimiň 51-nji "Zariat" süresiniň 20-21-nji aýatlary).Alemde we adamzatda bar bolan "aýatlardan" (alamatlardan) ugur alan sopular özleriniň pikir-garaýyşlaryna laýyklykda üç barlykdan ybarat aýlawy kämilleşdirýärler: Alla, älem we ynsan.Olar Gurhany-Kerimdäki "Köňül gözi" (Haj,22/46), "hikmet" (Bakara, 2/269), "sag-salamat kalp" (Şugara, 26/89), "söýen,söýülen Alla" (Maide, 5/54), "razy bolan, razy bolnan Alla" (Beýýine, 98/8), "Allanyň dostlary" (Ýunus, 10/62), "ylmy ledun" (Kehf, 18/65) ýaly beýanlaryň manylaryny çözüp, köňül pelsepesiniň düýbüni tutýarlar. Sopular wagtyň geçmegi bilen ylmy we pelsepewi durmuş bilen hem arabaglanşyk gurup, ajaýyp sungatlaryň hem düýbüni tutýarlar. Başgaça aýdaňda tasawwuf medeniýeti din we ahlak pelsepesi ýaly medeniýetleriň aýrylmaz bölegi bolan sungat pelsepämiz bilen hem içgin arabaglanşyklydyr. Beýik sungat adamlarymyzyň köpüsi hanakalarda kemala geldi diýsek sözi ulaltdygymyz bolmaz. Dowamy bar.......