Çilim hakda
Çilimi taşlanymyň üç aýlygyna bagyşlaýaryn. Çekip ýörenlere taşlamak, çekmeýänlere hiç wagt bulaşmazlyk arzuwy bilen..
Ençe ýyllap bize gezen jan dostum
Seni näçe çeksem doýmazdym, çilim
Öýkenmiň töründe ýeriň goýupdym
Bedene biletsiz girerdiň, çilim
Ýalňyz wagtlarymda syrym açypdym
Dert, azarym bolsa saňa gaçypdym
Ýanymdakaň köp kynlygy aşypdym
Bile bolanyňa köp sagbol, çilim
Şeýdip şeýdip köp zatlary geçirdik
Köp gün dogurdyk we köp gün ýaşyrdyk
Ýaşlykda tüsseden on ýyl uçurdyk
Sen deý ýakyn dostum bolmady, çilim
Gowy dost ýalydyň, soňralar azdyň
Jübimde jansyzdyň, agzymda gyzdyň
Tasdana meni durmuşdan pozduň
Hakyky ýüzüňi görkezdiň çilim
Lukmana göründim, "Sägin!" diýdiler
"Zyňjakmy öýkeniň tägin" diýdiler
"Garasy geçipdir agyn" diýdiler
Müsmin sokardygyň bilmezdim çilim
Indi seniň bilen bolmaz hiç işim
Açylar öýkenim, agarar dişim
Belki ýeňilräk galyp düşer döşüm
Men seni taşladym, senem git çilim
Seniň ýaly mugthorlardan dost bolmaz
Müň peýdaň bir zyýanyň ýerin dolmaz
Seni ýigrendirsem armanym galmaz
Indi besdir, bar, gümüňi çek çilim.
02.05.2011
Arşivin durumu
● Tam metin
● 29/29 yorum korunmuş
Yayımlandığı site: teswirler.com · Kaynak: Web Archive kopyası — ertir.com, 22 Mayıs 2012 · Orijinal sayfayı gör ↗
Yorumlar 29
Taşlamaly. Çilim diýilýän zat, şeýle bir müsminsokar, etjegi içinde zat. Özüne bio-himiki, psihologiki, narkotiki baglylyk emele getirýär. Bulardan arasynda iň berk baglaýany psihologiki baglylyk.
Ýagny iň howply häsiýeti özüni bigünä, zyýany az, wajyp däl zat edip görkezmegidir. Çekýän adamlaryň köp bölegi habarly çilimiň zyýanlaryndan, ýöne şonda-da çekmäge dowam edýärler, nämüçin? Meniň pikirim - Çilimiň berýän zyýanyny wajyp hasaplamaýarlar, ýa-da belkem hakykatdanam sypyp bilenoklar.
Köp samradym. Borla. Sagboluň teswirleriňize we gowy dilegleriňize.
Tüweleme, çilimi taşlanyňyza begendim. Öýkeniňiziň yzy ýarasyn. Ýalňyşmasam bir çilim öz täsirini on dört ýyl dagy bildirtýär öýdýän. Arada şol hakda bir zat görenimde şeýle bellenilipdi. Taşlap 14 ýylyny gutlap, öýkeniňiziň baýram etmesi dilegi bilen goşgyňyz betinden bolupdyr! Sag boluň!
üç gün öng birine çilim çekmani övretdim,
Özüňe peýdasy bolmaly ahyry egoist bolsaň, saňa näme peýdasy bar birine çilim öwretmegiň?
ha ha! mena şu zady 28 yaşap gelyanem welin çekip görmedim ömrümde...
1-2 ay yada byr yyl goyan bardyr, yöne men intak göremok mydamalyk goyan adam
Taşlamagyň iň gowy usuly hiç başlamazlykmyş. Bas şu tempde.
hawa... yöne men eden bolsam anyr başy edip ederdim... dostym mana entegam sen içmani zady öwrenmansin şona begenyan diyyar... içende-de sonuna çenli içerdim diyya bende...
Indi elime cilimi alyp teswirlere girenim..🙂 Edil mana yazylan yaly bolday😆