Teswirlerde özgertmeler!

Salawmaleýkim hormatly agzalar!

Teswirlerde şu günler özgertmeler geçirýäris, görşüňiz ýaly käbir zatlary ýuwaş-ýuwaşdan üýtgedip ugradyk. Bu gün hem gezek "Şahsy habarlaşma" bölüminde.

Şahsy habarlaşma bütin teswirler boýunça 4-njy iň köp girilýän ýer. Ýagny Pikirlerden, Bloglardan baş sahypadan soňky bolup durýar.

Arada çişik agza, ullakan programistleriň toparyny görkezip (14-15 adam), "şular Facebook-yň messaging topary" diýip aýdypdy. Elbetde, biz 14-15 sany programist däl, eden işimiz olaryňky bilen köp deň bolmasada, öňküden gowyladyk 🙂

Ilkinji billen, köp wagtdan bäri işlemeýän "poz" knopkasy işläp başlady. Doly görnüşinde hem, wap görnüşinde hem. Hat öň pozulan wagty 2 agzadan hem pozulýady, indi diňe pozan agzadan ýitýär. WAP görnüşinde, "arassala" diýip hem knopkajyk bar, ol bütin ýazyşan hatlaryňyzy arassalaýar.

Doly görnüşinde, indi "gelen hatlar", "giden hatlar" diýýän bölümler ýok. Çep gapdalda kimler bilen ýazyşan bolsaňyz, soňky ýazyşan wagtyňyza görä agzalar çykýar. Agzalardan birini saýlasaňyz, şonuň bilen ýazyşan hatlaryňyz görkezilýär.

Täze hat ýazmak, sag gapdalda "Täze hat" diýip durandyr. Agzanyň adyny ýazyp ugranyňdan, dostlaryň arasyndan autocomplete doldyrýar. Ýa-da bir agzanyň sahypasyndan ýazmak isleseňiz, göni şol ýerden gitmän, iberip bilýäňiz.

Köp ýerde ajax ulanyldy. Ýagny hat ibereniňizde, pozanyňyzda, başga bir agza bilen ýazyşan hatyňyzy açaňyzda hiçhili sahypa refresh bolmaýar. Diňe şol bölek ýerleri alýar. Bu wagty tygşytlaýa, hemem internet trafigi.

Başgada käbir ýerlerde kiçijek problemmalar bardy, olara hem seretdik. Indiki etjek işimiz, pikirleri dolylygyna özgertmek.