Diriligime gynandym.
Blogyň adyny okap, kelläňize herhili pikirler hem gelip geçendir. Ýöne menä diri, şoňada gynanýan.
Ýekeje sebäp hem ölendigim. Meni maşyn kakýar, şol ýerde ölýän. Bar hezillik hem men ölenimden soň başlaýan ekeni. Hiçbir adam meni görenok, emma men olary görýän, geplerini eşidýän, pikirlerini okaýan, ýanlarynda otyrýan, olar söýüşýär men syn edýän, ýöne hiçisi meni görenok. Günde bir dostymy saýlap, uzynly gün şoň ýanynda gezýän, nämeler edýänini görýän, öz içimden pikir edýän, gynanýan we begenýän.
Aşgabadyň ýollaryndan ýöräp ýörn, şeýle bir adam kän. Muňça adamy jygyllykda hem görmändim. Ýöne haýsynyň diri we haýsynyň meň ýaly ölidigini bilip bolmaýar. Hemmesi meniň gözümde deňdi, men hem olaryň gözünde. Diňe diri adamlar biz barada hiçzat bilenokdylar… Ölümden gorkýadylar, "o dünýä" diýýädiler, men bolsa şu dünýä "o dünýä" diýip ugrapdym.
3 güne golaý gezdim, hiç ýerik howlugamokdym, indi men ömürlik şeýle galaryn diýip begenýädim, öz-özüme "ölüm gowy ekeni" diýip köp gaýtaladym. Hiç ajygamokdym, arkaýyn gezýädim, hiç ýerim agyranokdy, arkaýyndym, hiç aladam ýokdy, hiç barmaly ýerim ýokdy, diňeje syn edip ýaşaýadym…
Ýöne gynansak hem, şol wagt birden oýandym. Ýerimde ýatyryn. Döşümde pişik ýatyr. Şol wagt düýşdigini görip hakykatdan hem gynandym. Şu güne tabşyrmaly işlerimiň bardygy, dostymyň gulluga gidýäni üçin ugratmalydygy, 3G nomere gidip pul salyp gaýtmalydygy, magazinden birzatlar alyp nahar bişirmelidi, täze saýdyň dizaýnny pikir etmelidigi, mamamy sorap gaýtmalydygy, Maýsa jaň etmelidigim we ýene-de birtopar işlerim hem üstüme basypdy…
Turup, "ölüm hakykatdan hem şeýle hezil bolsady" diýip özümçe umyt etdim. Belki o dünýe meň düýşümdäkiden hem hezildir. Belki men eden etmişlerime jogap berilýän edara ýetmän, diňeje hezillik ýerlerini görendirin. Belki ondan soň häzirki dünýäme şükür ederin, belki ondan gowy ýerleri görerin. Garaz näme bolsada, ölümiň başjagazy hezil ekeni 🙂
Beýle düýş görmegime näme sebäp boldy, hiç düşünmedim. Belki ölüm hakynda arkaýyn gepleýändigimdendir. Ölümi hiçzatça saýýandygymdyr, belki Pikirlerde "Ezraýyl gelse 1 minut durman ýör diýerdim" diýip 3-4 gezek ýazanlygymdyr, belki tanyşlaryň köpüsinden "ölsem gynanarsyňmy?" diýip soraýandygymdandyr, belki bu dünýeden gidenleri az ýatlaýandygymdandyr, belkide kakasy aýrylan dostymyň düýnjik "gowy adamlar täzeden direlsedi" diýip gynanýandygyndandyr…
Arşivin durumu
● Tam metin
● 67/67 yorum korunmuş
Yayımlandığı site: teswirler.com · Kaynak: Web Archive kopyası — ertir.com, 2 Ağustos 2012 · Orijinal sayfayı gör ↗
Yorumlar 67
Düýş nähili ýorulsa şeýleräk bolýa diýip eşidipdim. Bolup bilermi? )))
Düýş nähili ýorulsa şeýleräk bolýa diýip eşidipdim. Bolup bilermi? )))
o dünýä barada ynamym düýşden öňem bardy 🙂
hawa. hayyrlyga yorsan hayrly bolar
Baryna shol garnynda yatan pishik gunakardir
Kaşka köp adamlarda sen yaly ol düuşü görüp bir many çykaryp bilseler.
menem goryan shon yaly duyshleri kawagt. Men dagdan gachyan
http://www.teswirler.com/images/smile/morning.gif
dagdan gaçýan, çukura gaçýan, ýa biri atýan düýşler mende-de bolýa welin, öň her gezek gaçan, atylan wagtym oýanyp ölmedim, düýş ekeni diýip begenýädim.
ýöne bu gezek şol tisginip turman, arkaýynçylykda oýandym welin, şondan gynandym diriligime 🙂
Duysler bizin beynimizi name zat nace derejede basagay edyan bolsa shonca kop gorulmegine getiryar.barde gep ölum hakda dal,gep sen kellani mesgul edyan isler,problemalar hakda diyp pikir edyan.
Men bir garyndaşymyzyň taksisine mündüm. Ol garyndaşymyz ýolboýy zeýrenip geldi. Ölüp bilemok diýýär. Öljek, häzirki diriligimem ölenimden gowy däl. Bedenimde sag ýerim ýok. Bar iýýänim gaýnadylan şugundur, bir käse gatyk. Rulda otursam wagtymyň nädip geçýänini bilemok. Gijede kireý edip ýörün. Ukyňam lezzeti ýok. Eger çynym öljek. Alla-da bir topar bizden kiçilerem öldürip çykdy. Maňa barmysyňam diýenok - diýýär. Mnem: Aý, plany aga, Alla sizi bir gün artyk ýaşadyp, bir sogaby artyk gazansyn, geçmişdäki günälerini ýuwsun diýýändir - diýdim. Olam: Wah, inijigim, men kyrkda sogap gazandymmy, indi altmyşda sogap gazanar ýaly? Sogap gazanjak bolsam, şo wagt, elimden sogap gazanmak gelýärkä gazanardym - diýdi. Menem: Ine, meni öýe getirdiňiz, menden Taňryýalkasyn aldyňyz - diýdim. Olam: Biz ýalyny taňryýalkamaz. Ýalkajak bolsa, öň gargyşa goýmazdy - diýdi. Näme-de bolsa göwünlik berip düşdüm. Ol adam häzirem ýaşap ýör. Belki ölmek gowudyram, eger taňrygargan diýilýänlerden bolsaňyz. Emma, Hudaýa şükür, bize entek Allahym sogap gazanara wagt berip dur. Şonda-da sogabyň ýerine, şirke girip, günä gazansak, onda hakykatdanam, biz taňrygarganlar bolarys. Allaň özi gorasyn, Allaň ýalkan adamlaryndan bolalyň. Ölmejegimiz ýokdur. Muňa hemmämiziňem akylymyz ýetýär ahyryn.
yhlasly aga, ýaşula başga tarapdan seredip görsek, azrak günä eder ýaly, bahymjak gideýin pikiri hem bolup biler.
Şu güne tabşyrmaly işlerimiň bardygy, dostymyň gulluga gidýäni üçin ugratmalydygy, 3G nomere gidip pul salyp gaýtmalydygy, magazinden birzatlar alyp nahar bişirmelidi, täze saýdyň dizaýnny pikir etmelidigi, mamamy sorap gaýtmalydygy, Maýsa jaň etmelidigim we ýene-de birtopar işlerim hem üstüme basypdy…
@agajanh işlerden basylyp mazara gizlenäýjek bolduňmy? Ýok oň ýaly hezillik. Herkimem seň ýaly guldugyny ýatladyp duran zatlary ýatlap basylýandyr käwagt. Gaçyş ýok. Adamlyk-gulluk. Adam bolsaň gullugyňy etmeli. Sebäbi gulluk edip bildigiňçe adam bolýaň.
Işläber işläber. Bizä guwanýas seniň eden işleriňe. Ejeňem, Maýsa-da, we ýene-de birtopar adamlar saňa guwanyp ýörendir.
Garaz, gepiň keltesi - Bas dost!
Belki eden ishlen gowudyr shonun u.n hem gowy duysh gorensin.Yone kop kishin aytmyshlayin duyshdaki gorenin hakykatda tersine bolyar!
Agajan, Oli gezmek bir erbetlige garash, mendede shonyaly boldy, son sonniklarda gozledim erbetlige garashmaly diyip yazykdy! 🙂)
Iki gün mundan öñ düýsh gördüm:
düýshümde Baýramdurdy kakamy görýän, (ol entek men dogulmankam pahyr boldy). Ol bir üýshmelende tans edýärmishin. Menem waý, ana Baýramdurdy kakam diýýän, men oñ bilen tans etjek diýýän. Tans edilýän ýere ýetip barýarkam öñümden enem pahyr çykýarda hiç zat diýmän ýüzüme seredip durýarda gujaklaýar, özem gaty gujaklaýar hatda men onuñ süñklerinem duýýan. Gaty ellerem meniñ boýnumdan saralyp meni göýbermän dur.
Shu yerinde-de men oýanýan.
hany gelibersin, şuňçasyny sowduk, munam Hudaý kömek etse sowarys 🙂
duyshi gowulyga yorung!!!
gaty haladym shu teswiri.