Älemi kim ýaratdy?
Töweregimize göz aýlalyň! Öňümizde makro älemden mikro äleme çenli örän giň bir dünýä ýatyr. Kiçijik bir atom bölejiginiň içindäki bir dünýä, siňe seretseň, seni hayrana goýjak bir kinniwanja garynjanyň aýry dünýäsi, guşlaryň özlerine mahsus bolan örän täsin durmuşy, tebigatda erkin ýaşap yören haywanlaryň her biriniň öz ýaşaýyşlary, ýer şarynyň inçe syrlar bilen gurşalan dünýäsi, atmosfera, daglaryň inçelikleri, agaçlaryň aklyňy haýrana getirýän sistemasy, ýyldyzlar, planetalar, her planetanyň hemralary; bularyň hemmesi biziň wagtal-wagtal örän cuň pikirlenmegimize sebäp bolýar.
Bu älemde örän täsin bir akyl bar. Hemme jandarlary hem-de älemleri edara edýär. Eger beýle däl bolsa, ýumurtgadan çykan ördek jüýjesi näme üçin ýumurtgadan çykan badyna yüzmäge başlaýarka? Ýüzmelidigini, ýüzýän bir guşdugyny nirden bilýärkä, barmaklarynyñ arasyndaky perdejikleriñ ýüzmek üçin berlendigini bilip biljek akyl onda barmyka? Ýogsa-da ýüzmegi oña kim öwretdikä? Bütin älemiñ iñ akylly jandary bolan ynsanam özüne berlen käbir aýratynlyklaryna ençeme ýyldan soñ düşünýärkä, iki ýyl çemesi wagtdan soñ yöremäge başlaýarka, käwagt bolsa öz käbir aýratynlyklaryna hiç düşünmänjik dünýeden ötýärkä, ördek jüýjesi ýogsa-da adamdanam akylly bolýarmyka? Näme üçin towuk jüýjesi ýüzjek bolmaýarka? Heý şu zatlar barada pikirlenip gördüñizmi?
Kellämiz agyranda kelle agyry derman içýäris, näme üçin kelle agyry dermanyñ witaminleri hökman kellä gidyär-de aýagymyza ýa-da başga bir ýerimize gitmeyärkä? Dogry, ol gan arkaly bütin organizmimizi aýlanyp çykýar ýöne oña mätäç ýagdaýda bolan kelle öýjükleri ol witaminleri almalydygyny nädip bilyärkäler? Ol witaminleri eltmeli ýerlere eltyän öýjükler adamdanam akyllymyka? Adam nähili diwana; öz şahsy durmuşynda edýän iş taşlaýyşlaryny organizmindäki öýjükler edäyse, nä ýagdaýa düşjegi barada hiç pikirlenmeýär...
Käbir diwanalar “älemde tebigy aýlanyşyk bar” diyyärler, ýagny “Allah tagallanyñ ýaratmagy ýaly bir zat dogry däl we asla bolup bilmez” diýýärler. Ýalňyşýarlar. Olar oýlanmaýarlar iñ bolmanda içýän suwlary baradaky täsinlikleri; ýogsa-da men ýalñyşýanmy? Tebigy aýlanyşygyñ ýeke-täk subutnama bolmagy üçin adam bir günüñ dowamynda 10 litr suw içýän bolsa 10 litr suw hem çykarmaly. Emma adam 10 litr suw içýän bolsa, çykarýan suwy bary-ýogy (takmynan) 5 litr bolýar. Diýmek bir adam bir günüñ dowamynda tebigatdan 5 litr suw kemeldýär. Hasaplap göreli ýerýüzünde 6 milliard gowrak adam ýaşaýar we takyk bilmesegem ýene şonun iki essesi towerek hem beýleki jandarlar ýaşaýar diýip çak urup göreli. Bularyñ her biri her gün jan başyna 5 litr-dan suw sarp etse, umumy sarp edilen suwy hasaplamak örän täsin bir mesele bolup durmazmy name? Hasaplamasak-da bir zada göz ýetirmek kyn dal; Ýer yüzündäki suw ätiýaçlyklary günsaýyn kemelmeli bolup durýar. Alemiñ ençeme müñ ýyllyk taryhy bar diýlen hakykady ýatlamakçy bolsak; başga bir geñ sorag ýüze çykýar: Şunça wagtlap agyz suwy näme üçin gutarmady?
Tebigy aýlanyşyk, elbetde, bar, ýöne Allah tagallanyñ dynuwsyz ýaradyp duranlygy hem aklyny ulanýanlar üçin örän möhüm bir hakykat. Dogrudanam, bir dikdüşdilik edip: “Allah Tagalla dynuwsyz ýaradyp duranok” diýeli (haşa), onda-da bu tebigy aýlanyşyk sistemasyny ýaradanam şol Allah dälmi näme?
Yokarda-da belläp geçişimiz ýaly, bütin dünýäni edara edýän bir AKYL bar. Bu akyl bolmaly, sebäbi bir akyl bolmasa alma agajynyñ meniñ aşgazanymdan habardar bolmagy gerek bolardy. Atmosferadaky basyş ulgamyny ýaradan kim bolsa, ol hökman kiçijik bir siñegiñ organizminiñ näçe derejedäki basyşa çydap biljegindenem habarly bolmaly. Bolmasa siñek nädip ýaşasyn, adam nädip ýaşasyn we beýleki jandarlar nädip ýaşasynlar?... Günebakary ýaradan kim bolsa, Güni hem şol ýaradandyr. Daglary kim ýaradan bolsa, deñizleri hem şol ýaradandyr. Gijäni kim ýaradan bolsa gündizi hem şol ýaradandyr. Ýagtyny kim ýaradan bolsa, gözlerimizi hem şol ýaradandyr. Bütin älemi geñ-enaýy edip ýaradan Allah, eger göz nygmatyny bermedik bolsa niçiksi bolardy?!
Pikir edip otursak ýene-de täsinlikler kän:
Ýapon bir alymyñ Mikroskop arkaly ylmy barlagy esasynda hiçbir gar dänesiniň başga birine meňzemeýänligi anyklandy. Ýagny ýagýan garyň hiçbiri başga bir garyň şekline meňzemeýär. Her biriniň aýratyn keşdeleri bar.
Ýagýan ýagyş seçelenip ýagman, şaglawukdan akýan ýaly bolup ýagan bolsady, her ýagan ýagyşdan soñ ýer yüzünde ýekeje-de adam galmazdy. Ýagyş akyllymy? Elbetde, ýok. Onda näme üçin bize zyýan ýetirmänjik ýagýar. Käbir adamlar şemal ony ýokardan gelýärkä seçelendirip goyberýär diýýärler. Onda näme şemal akylly bolýarmy?
Ýer ýüzünde ýaşap geçen hiçbir adamyñ barmak yzlary başga hiçbir adamyñky bilen gabat gelmeýär. Onda şu çaka çenli ýaşan adamlaryñ hemmesiniñ hasaby tutulýar diýmek bolýar-da?! Şu çaka çenli ýaşap geçen adamlaryñ barmak yz hasabyny kim tutýarka?!
Arşivin durumu
● Tam metin
● 48/48 yorum korunmuş
Yayımlandığı site: teswirler.com · Kaynak: Web Archive kopyası — ertir.com, 22 Mayıs 2012 · Orijinal sayfayı gör ↗
Yorumlar 48
men maymyndan doramok. senem maymyndan doranok. darwinin teoriyasy adamlar maymyndan doredi diyenok, ol tebigy sertlerin tasiri bilen jandarlar uytgeyar diyyar. kimin nameden dorandigini entek hic kim bilenok. yone musulmancylyk boyunca adam toprakdan doredildi diyilyar.
sen jemgyyete has howply sebabi sen adamlaryn sorag soraman gulagyny sallap gezmegini isleyan, biri bir zat diyse mysal ucin mollan aydanyny etmeli diyyan. Men bolsa islendik bir zadyn anygyna yetip, peydalymy peydasyzmy, dogrumy yalnysmy sona gora etmeli diyyan. men uchin Bash Molla yok, men adamlar bilen gurlesip netija gelyan, sen bolsa oz beynini ishletmage yaltanyp illerin diyen zadyny barik yazyan. men kop durli kitap okap netije cykarmaly diyyan sen bolsa 1 kitapdan bashga kitaby okamaga yaltanyan.
sen oz pikirlerin yalnyshlygyndan aljyrap bashlap men shahsyma yetip bashladyn. mana dinsiz diyipsin. men barde dine ynanyanlary yazgaramok, ol her kimin shahsy ishi. dini oz peydasy uchin ulanjak bolyanlar bilen ylalashamok. sen niyetin sheyle erbetdir oydemok, yone sen shu wagt ozun dini oz peydasy uchin ulanyanlaryn toruna dushupsin, sholaryn instrumentine owrulipsin. ona dushunersin birgun.
gurbik kimin jemgiyete zyyan, kimin jemgiyete peydaly ol kore belli. Adamlar gulagyny sallap gezmeli diyyan goresin gelyan bolsa yurdundaky yokardakylary mysal alay. Onsanam men MOLLA dal sadaja ynsan. Molla diyilip dini medreseleri gutaranlara aydylya. Onsan sen gurleyan zatlan anygna yetdim diyip gurleyamin salawmaleykum. Men kitaply polkamda KURANDAN bashka 20 sany kitap dur, sholan hicisem dini kitap dal Men yokarda-da iki sapar aytdym, yene bir sapar aytyan YSLAM DINI sen shol yeke diyyan KITABYN KURAN buyuryar dinsiz ylym-ylymsyz din gozli kor ynsanlar yaly kordir. samyrdamada ayt men ylymy owrenman diyen yerimi!
Yene shahsy diyyanizda yokarda cerkeze dushundirdim nahili shahsa yetyanimi sanada degishli. Her bir musulmana Allahyny yatlatmak parz edilen. Kim dini oz peydasyna ulanyan bolsa Alla on jezasyny yetir ikimize goyman. Men ynsanyn toruna dusheryaly men balyk dal, erkin ynsan. Men dine oz nebsimin torundan gorukyan adamyn torundan gorkamok. Senem bir wagt dushunersin shu yagdayyna, yone Alladan dilegim wagtyndan gic dushunmeli etmesin
ay hawa kitaphanada 20 mun kitap bar yone okamasan ne peyda
Islendik zadyň edilmegi we edilmesligi üçin güýç hömanynydyr. Mes: stolyň üstünde duran stakanyň durmagy üçin hem güýç gerekdir ýagny Ýeriň özüne dartyş güýji we şol bir hatarda onyň agyrlyk güýjy. HAtda jisim hereketsiz duran ýagdaýyndada diňe güýç bilen durýandyr. Eger hereket eden ýagdaýyndaky güýçleri hasapalajak bolsaň onda dartyş güýç, agyrlyk güýç, arasyndaky uzaklyk we nijeme zatlar täsir etýär.
Dünýede mena sebapsiz henize çenli zat göremmok. Emma sen ähli zat sebäpi diýen bolsaň gowy bordy. Çünki islendik bir hadysy sebabe daýandyrmazlyk neha materializtleriň kari nede dünýewi adamlaryň. Diňe sebäpsiz ýagdaý Pygamberlerde we belent derejeli şahslarda bolýar. Ol hem Jebir üçin dälde tassyk etmek üçin.
Ähli zat sebäp bilendir. Bu umumy kanundyr. Eger beýle bolmadyk bolsa haýsy pygamber munça jebirleri çeksin, eger beýle bolmadyk bolsa haýsy weli gan aglasyn we eger beýe bolmadyk bolsa ..................
Hemme zatda şeýle gözel derejede many ber weli akyllar haýran galýar. Muňa mysal edip iň pis, haram haýwan bolan doňzuň geljek gyşa görä ýüňüni taýynaýşy ýeterlikdir.
kim yaradan bolsa şona men gargyşym sinsin. =)
Dogrudanam fizikanyň kanunyň ýatyr. Dogrudanam suw bug halyna geçýär. We bulutda agra birneme standarta ýetensoň damja halyna gelýär. emma damjanyň emele gelmegi üçin + we - zarýatly bölejikler täsir etýär. WE KURANYŇ Ähli zady jübüt ýaratdym aýatyny bulutlaryň içinde gözel sungaty bilen ýene bir gezek tassyk etýär. Ýogsada Şunam unutmaly däl Kuranyň ömrü 1400ýyldan gowrak emma ylym ösüp ösüp 21 asyrda gözel görnüşe geldi we Ahli ylym pudagy bu günki gün hem ähli jübüt ekeni diýýändiklerini görmek bolýar. Çünki iň bolmanda ösümlik dünýämizda jübütlik hakykaty bilen taryhy 1400 ýyl öňe süýşürmek akla laýyk dälem bolup biler . Emma Bu ÝEKETÄK ÝOKARKYŇ Sözüdir
Dogrudanam garryň şekliniň dürli dürli bolmagyna esli zat täsir etýär. Çyglylyk, temperaura, shemal, belentlik we ýene ýetse ona dagyn ýetmegi ahmal. Emma biziň gözümize meňzeş ýalagam bolsa dürli bolan garlar diýseň geň gaň galdyryjydyr. Iň bolmanda bir pursatda bir ýerik düşen milliardlarça gar bölejiginiň şekiliniň dürli bolmagy elbetde köp pikirlendirýän akyllary Ol Alla ALIM-dyr, ähli ylym Ondandyr diýmäge mejbur etýämika diýän.
Biz ahli zady jubut etdik diyilyan soze jogap edip shu yagdayy fizikadan aydyp beryan
pozitiw zaryatly bolejik we negatiw zaryatly bolejik diyilyanler atom derejesinde seredelin
bir atomyn pozitiw zaryatly bolmagy uchin +protonlaryn kop bolmagy yada -elektronlaryn az bolmagy bilen baglansyklydyr yone atomyn ichinde neytron diyip hem bolejik bar onda nahili bolyar? 3 zada jubut diyip bolyarmy?
aslynda +zaryatly atom elektrony az atom diymekdir yagny dunyade atomlar +/- diyip ika bolunenok olar elektronlaryn sanyna gora uytgeyar
gije/gundiz jubutmi? yok elbetde. aslynda adamlar ozleri garanky bolanda gije diyyar yagty bolanda hem gundiz diyyar, ol yone adamlaryn tebigy hadysa aydan sozi. aslynda bolunen zat yok. yer planetasy pyrlanyar, gije gundizem yagtylyga gora adamlaryn ozlerinin arasynda dusunismek uchin aydylayyan sozler.
biologiyada hemme zat jubutmi? yok. viruslar, bakteriyalar sex bolmasa hem kopelip bilyarler. osumliklerin kopusi hem erkek hem urkacy bolup cykys edyarler.
din bilen bilimi bulasdyrmalyn dostlar.