Türk kompaniýalary türkmen hökümetini suda berýär
Türkmenistanda iş alyp baran türk gurluşyk kompaniýalarynyň häzire çenli üçüsiniň - "Içkale Inşaat Ltd.", "Kylyç Inşaat Ithalat Ihrajat Sanaýi we Tijaret Anonim" we "Adem Dogan" kompaniýalarynyň türkmen hökümetine garşy arzalary Bütindünýä Bankynyň ýanyndaky Sermaýa dawalaryny çözmek boýunça Halkara merkezinde (ICSID) hasaba alyndy. Olar Türkmenistanda şertnama esasynda gurluşyk hem beýleki işleri edýärdiler.
Türkmenistanda belli bir wagtda işlän we işläp ýören türk firmalarynyň başga-da ençemesi, şol sanda "Seje Inşaat", "Sehil Inşaat", "Erku", "Doruk Inşaat", "BVT", "Delta", "Başýazyjyoglu", "Gökdelen Inşaat" we "Folkestone" türk kompaniýalary adalaty gazanmak üçin türkmen hökümetine garşy Halkara sudlaryna ýüz tutmakçy. Olar hazir degişli resminamalary taýýarlaýarlar diýip, türk çeşmesi habar berýär.
Sebäp näme?
Adynyň çap edilmegini islemedik, Türkmenistanda belli bir döwürde iş alyp baran türk biznesmeni Sermaýa dawalaryny çözmek boýunça Halkara merkezine ýüz tutulmagynyň sebäplerini şeýle düşündirdi: "Biz ol ýerde işledik ýördük... soňam biziň eden işimiziň haky tölenmedi. Biziň, taýyn işleri olara düzgüne görä tabşyranlygymyza garamazdan, olar bize edilen işiň hakyny bermediler. Munuň üstesine-de, biziň entek tamamlanmadyk işlerimizi hem elimizden alyp, olary başga firmalara berdiler".
Türkiýeli biznesmen bu ýagdaý barada özlerine hiç hili esasly, delilli düşündirişiň berilmändigini aýtdy.
Žurnalist Esin Gedigiň Türkiýäniň "Akşam" gazetinde ýazmagyna görä, türk kompaniýalarynyň Liwiýadan soň, iň köp iş edýän ýeri Türkmenistandy. Ýagny, bu ýurtda türk kompaniýalary 10 milliard dollar töweregi pula durýan proýektleri alyp barýarlar. Ýöne, bu sanlara garamazdan, Esin Gedik türk kärhanalarynyň türkmen hökümeti bilen juda ýiti düşünişmezlikleriniň bardygyny ýazýar.
Žurnalistiň makalasynda 20 töweregi türk firmasynyň işleriniň elinden alnandygy ýa-da gurlup gutarylan işler üçin tölegiň edilmändigi, hatda kompaniýalaryň daşary ýurtly işgärleriniň tussag edilen halatlarynyň-da bolandygy aýdylýar.
$600 million agzalýar
Türkiýäniň "Akşam" gazetinde ýerleşdirlen maglumata görä, Türkmenistanda iş alyp barýan türk kärhanalarynyň çeken zyýany 600 million dollardan hem geçýär.
Esin Gedigiň ýazmagyna görä, Türkmenistanda "agzy bişen" türk kompaniýalary, bu ýurtda adalata ýetmek umytlaryny ýitirip, Türkiýäniň we Halkara sudlarynyň üsti bilen öz haklaryny talap edip başladylar.
Bu ýagdaýlardan soň, Türkmenistanyň prezidenti Gurbanguly Berdimuhamedowyň öz türk kärdeşi Abdullah Güle telefon edip, "Biz iki dogan halk, düşünişmezlikleri suda ýetirmän, öz aramyzda çözeli" diýip, haýyş edendigi "Akşam" gazetinde habar berilýär.
Türkiýeli biznesmen Türkmenistanda gurluşyk işini alyp barýan aglaba firmalar tölegler ýa-da beýleki meselelerde kynçylyklara uçrasalar-da, bu ýagdaýyň Fransiýanyň "Buig" kompaniýasyna we Türkiýäniň "Polimeks" şirketine degişli däldigini aýtdy.
Bir ýyl mundan öň, 2010-njy ýylyň aprel aýynda Türkiýäniň söwda ministri Mehmet Zafer Çaglaýanyň Türkmenistana sapary mahalynda "Türk senagatçylar we biznesmenler fondy" Türkmenistanyň prezidenti Gurbanguly Berdimuhamedowa "Ýylyň döwlet adamy" diýen hormatly ady beripdiler.
Türkmenistan Bütindünýä Bankynyň ýanyndaky Sermaýa dawalaryny çözmek boýunça Halkara merkeziniň Konwensiýasyna 1992-njy ýylda gol goýupdy. Bu Konwensiýa häzirki wagtda 157 döwlete degişli.
Arşivin durumu
● Tam metin
● 35/35 yorum korunmuş
Yayımlandığı site: teswirler.com · Kaynak: Web Archive kopyası — ertir.com, 24 Mayıs 2012 · Orijinal sayfayı gör ↗
Yorumlar 35
Не ворчи в общем...
Doyduranyn sakgalyna ..... diylishi bolupdyr.Bizde ishlep bayap yzyndan hem Turkmenistany suda beryan bolsa.Ozlerinin gunalerini yapyp suwdan onde bowet edip ozleri suda beripdirler gaty gulkunch.
eeee Ayhan name nervnichat edyanow?? mena keyp edip otyrn, chilimjik chekay 😆 biraz koshesh, temadan sowan sen, yokarrak seret... ya onam boyun aljak dami? 😆 wah men keselim hichlay, senki yaly bolandan olenim gowurak... men seni alada etyan, senki zaraznyrak kesel.. sho usgurip yorsin illeri yokyshdyrjak bolup
gozuni cykaryalaray. Hi turklermi bir proektin pulyny alma bashka bashka bashlajak. Ur diyseler oldiryaler
türk kärhanalarynyň çeken
zyýany 600 million dollardan
hem geçýär.😆
gowuda shol😆
Shu temany aachana uly sag bolsun aydyan.Gaty begendirdin onat tazelik bilen.
EGER-DE shu yazylanlar hakykat bolsa, onda hokumet yalnysh etyar. EGER-DE yazylanlar hakykat bolsa...
Turk shirketlerininem eden bur ayby bardyr hokman. Meselem binany wagtynda tabshyran daldir. Bizinkilere-de bahana tapylsa boldy. Gitsinler sholar. Mana tapawudy yok. Yone gynanyan tarapym tm'a maya goymana chekinerler. Awaza-da plankanyshy yaly osman biler. Chunki esasy edilmeli ishler halkara inwestisiyalaryn hasabyna edilmelidi.
Bularam tm-y suda berjek diýýär, mts-em tm-y suda berjek diýýär. Azajyk edýän hereketiñi pikir etmäge wagt boldy.
ETF haysyna ynanjagyny bilip bolanok herkim özünü aklajak bolya.
yok etmelow sholary. eden ishinden beter problemalary kan
Wah, yazylan zatlary gorup gynandym.
1.ICSID oyunjak yer dal. Turk shirketlerem yenjegini bilmese suda bermeyar.
2.Sholar yenende-de yenmande-de shu zatlar bize abray dal. Dunya seredip otyr, ozalama Hytdaydan 4 miliard karz alyp gurlushyk edyas.
3. Turk firmalar barka gowy edya bizin hokumet diyilyar, kowulansonam, ay howa on sheytmelidi diyilyar. Hey bir prinsip yokmy adamlarda?
4. Adalat diylen zada seredeninizde milletcilik we bosh patriotcylyk ganyzynyz ayyryn. Beydip patriot bolup bolanok. Adamyn hakyny iyip baynap bilmeyas, sholar name edenem bolsa etdi, yone kontrakta gol cekenson puluny tolemek borjun.
5. Turk mekdeplere sponsorlyk edenler kan arasynda. Hotya birazajyk iyen coreginizi sylan. Yone nahili sponsorlyk edilyanini bilemok. TT-ler aydaymasa.
6.Hawa, turkleri kowup bashladyk. Indi name? Polimeks gowy eshekmi? Buig gowy eshekmi? Turkmen gurlushyk firmalaryn kopusinin arkasynda turk bar. Olarynam hersi bir ministri krysh edinya. Indi name?
7. Shu dowletde KANUNLAR we HUKUK sagat yaly ishlap bashlamasa, bosh pantowkalar, yasama patriotcylyk, extreme milletcilik bilen hic yere gymyllamayas.
Asylnda men yeri gelende yuzumi gyzardan bir wakany yatlajak, gecen yyl boldy. Berlinde halkara sempozium gecirildi. Her yerden hunarmenler, hukukcylar, biznemenler, ylmy ishgarler geldi. Son Her kim sorag berya, pylan yurtda pylan ugurdan pylan zat edilse, shona halkara hukugy nahili garayar, ol byl. Garaz detayly girjek dal, yone menem bir sorag soradym. Men Turkmenistandan, ozum sho yerde sheyle sheyle zatlary edesim gelya, sheyle sheyle edara acasym gelya, sho nahili bolar, halkara hukuga ters gelyami diyip soradym. Alan jogabym entegem yadymdan cykanok. Jogap berenem bir Britaniyaly bir yurist: We are not talking about absolute lawless societies. You can do whatever you want and they can do whatever they want to do you. Garaz, Biz absolyut hukuksyz jemgyyetler barada gurrun edemzok diydi. Yuzum pomidor yaly boldy, yone yalnysh zat daldi.
Court fillary shu yerde eken, ortaraklarda bir yerde : http://icsid.worldbank.org/ICSID/FrontServlet?requestType=GenCaseDtlsRH&actionVal=ListPending