Şorta söz.

Men "şorta sözler"-i okamagy gowy görýän.Sizem halaýaňyzmy? 🙂

Şorta sözleri döredijiler dilewar,şahandaz,märekesöýer adamlar bolupdyrlar.Şorta sözleri dörediji gahrymanlaryň atlary halkyň dilinden düşmändir.Ine şorta sözleri dörediji, halkyň söýgüli gahrymanlary ; Ependi,Aldarköse,Babalakgy,Esenpolat,Kemine,Japbaklar,Ata Köpek,Ata Salyh,Pygy Tagan. Bular gaty ökde,aýdan sözi göni nyşana baryp degýän gahrymanlardyr.

Häzir Size şol şorta sözlerden bir-iki sanysyny dykgatyňyza ýetirmekçi. 🙂

Ata Köpegiň ogly bir gün gelip;

-Kaka,şugün mugallymdan ikilik aldym- diýipdir.Onda Ata Köpek;

-Gowy edipsiň,oglum,beýle bolsa,häli ejeň gelensoň,ilikleriň birini köýnegiňe,birinem balagyňa çatdyraý!- diýip oglunyň arkasyna kakypdyr. 🙂

***

Nepes atly biri salam berip gelipdir.Oturanlar salam alyp,Nepes sözüni derňäp başlaýarlar.Oturanlaryň biri;

-Nepes,Nepes, ýagny dem diýmekdir- diýýär. Onda Ata Köpek;

-Ýok,beýle däl,Nepse diýen söz ne pes,ne beýik,ýagny orta diýmekdir- diýip aýdypdyr.

Ine şeýleräk.Okaň,ýokarky gahrymanlar ýaly size ýiti akyl,dilewar bolmaklygy arzuw edýän. Goý,her aýdan sözüňiz göni nyşana baryp ursun! 🙂