Alyslarda galan yar

Yene bir goshgy. Awtoruny bilemok.

gowja goshgyjyk ekeni

goşgyny yazan şahyr Halyl Kuly. sag bolung.

HОŞLАŞYК 

Sоňкy gеzек gygyrdy-dа pаrоwоz,
Göк wаgоnlаr gоbsundylаr hаşlаşyp, 
А sеn bоlsаň,... а sеn bоlsаň gаrаgöz, 
Ак ýaglygyň bulаp dursuň hоşlаşyp. 

Bu nähili bеýlе bоlýar, аýtsаnа,
Indi şеýdip gаljакmy sеn dаşlаşyp,
Dymyp durun pеnjiränin önundе,
Dоnup durun pеnjräniň önundе,
Ýuz müň hili piкir bilеn bаş gоşup.

Sеnin bаgtyň uçin, eý, göwün şаdym,. 
Mеn-ä uzак ýolа bilim bаglаýan. 
Sеn nämuçin ugrаdаňdа sоldаtyň, 
Аmаn bаryp, аmаn gеl diýip аglаýan,

Zyýany ýoк. Аýrаlyкdyr, gеçеr bu. 
Ýürеgňi dаglаmаly bоlmа sеn, 
«Gitdi» diýip, аglаmаly bоlsаňаm, 
«Gеlmеdi» diýip, аglаmаly bоlmа sеn.

halyl kuly

gaty gowy setirler...

GÖWNÜM SЕNI КÜÝSЕÝÄR

Кätе ýalňyzlyкdа оtursаm özüm, 
Кätе gаhаrlаnyp, çytylsа ýüzüm, 
Кätе uкym gеlip, ýumulsа gözüm, 
Tеşnе ýurек jеmаlyňа suwsаýar, 
Gаrа gözlim, göwnüm sеni кüýsеýär.

Görеşlеrdе gujur bilеn bаtlаnsam, 
Üýşmеlеňdе аlкyş bilеn ýatlаnsаm, 
Аrzuwlаrym gögе gаlyp şаtlаnsаm, 
Ýa-dа hаsrаt ýürек-bаgrym gyýsа, ýar! 
Gаrа gözlim, göwnüm sеni кüýsеýär.

Bаhаr gеlеr, güllеr bilеn şаtlаnyp, 
Sеýrаn etsек bаýyrlаry аýlаnyp, 
Акjа bulut «Ýagsаmmy» diýip оýlаnyp
Çаbgа gеlip, suw-sil edip guýsа, ýar, 
Gаrа gözlim, göwnüm sеni кüýsеýär.

Mеýdаnа ýazlypdyr bаhаr hаlysy, 
Gеl, bilе кеşt etsеň ýaкyn-аlysy, 
Mаňа аt gоýdulаr: «Yşкyn dälisi». 
Mеn nädеýin ýürек şеýlе söýsе, ýar! 
Gаrа gözlim, göwnüm sеni кüýsеýär.

halyl kuly

Shu goshgulary yygyndy edip turkmenedebiyaty.com sayta goyuberseniz o yer dolar, bolmasa bosh dur.

gowy pikir

Syrylyp gijäniň gara perdesi,
  Agarýar asman.
Agarýar töwerek,
  Agarýar her ýan...
Belent-belent gaýalar 
Hemmesinden öň agarýar.
Meýdanlar,
  Sähralar,
  Çeşmeler,
  Çaýlar...
Bulaň bary deň agarýar.
Açyň penjiräňiz, bakyň adamlar!
Daň agarýar...

halyl kuly

Depeler,
  Öwrümler,
  Belentler,
  Pesler…
Äpet meýdan dymyp ýatyr syr saklap
Gidip barýar maşynymyzyň yşygy
At gaýtarym öň ýanymyzda towsaklap
«Gaz-69» - yň kabinasyndan
Uzaklar göz aýlaýan kä daýym
Gülälekleň arasyndan öwüsýän
Sähra ýeli gör neneňsi mylaýym.

Gyş günleri bu düzleriň içinde
Ygar dört tarapa ýanwar şemaly
Emma ynha aprel gelse haçan-da
Birden üýtgär gider sähra şemaly.

Börtüp çykar jümjümedir ýylaklar
Mal otlary näçe diýseň köpeler
Gaýnap çykar, oýnap böker bulaklar
Ýaşyl öwser şol görünýän depeler.

Ylgar ýörär mahmal ýaly meýdanda
Awy oňan enaýyja towşanlar
...Gidip barýan ýüzüm tutup şemala
Gör, neneň ajaýyp aýly agşamlar.

Ýol geçýär...
Ýyl geçýär dolanman yza
Öwrülemok menem yzyma bakan
Gijeler ýol berip baky gündize
Meni hem geljege äkidýär mekan. 

halyl kuly

Uniwersitet ýyllary
Saýrak etdiň dilleri,
Berk guşadyň billeri,
Gel, indi elleşip, hoşlaşaly biz.
Uniwersitet ýyllary,
Hem ajy, hem süýji
  Senden aýrylmak.
Bu gün hem gaýgyly, hem şadyýan men,
Uzak hem şöhratly ýola ugraýan
Ýolagçy men,
Bir gijelik myhman men.

Hoş gal, aladaly, sapaly ýyllar,
Hoş gal, eziz mekan – ylymlar bagy.
Ukusyz gijeler, argynly günler,
Hoş gal, juwanlygyň sapaly çagy.

Arzuw bilen geçen ýaz hem gyşlarym,
Hoş gal, mugallymlar, deňi-duşlarym.
Egsilmejek gujur berdiň, bagt berdiň,
Göreç berdiň inçe zady duýmaga.
Edep berdiň, abraý berdiň, at berdiň
Ýürek berdiň adamlary söýmäge
Ylymyň şöhratly ýoluny geçip,
Student bolardym, dostlar, hemişe.
Arman, gujagyny uludan açyp,
Dogduk obam meni çagyrýar işe.

Saýrak etdiň dilleri,
Berk guşadym billeri,
Gel, hoşlaşaly biz,
Uniwersitet ýyllary.

Ýyldan ogrynça

Gülüm duşuşmaga söz berdi maňa
Duýdurman gel diýdi. Geldim ogrynça
Çalaja tolgunyp, garaşdym oňa
Bilbile duýdurman gülden ogrynça.

Dolan aý ýalbyrap, asmana galdy
Kümüş şöhlesini her ýana saldy
Gülüm gyzyl geýnip, gujagma doldy
Sypadym zülpüni ýelden ogrynça.

Çal bulutlar pytyrap, syryldy perde
Bahar ýeli oýun gurdy bar ýerde
Menem gül içinde-çolaja ýerde
Öpdüm söýgülimi ilden ogrynça.

Bagt bilen balkyldap ýarymyň gözi
Bagyň güli ýaly görkberdi gözi
... Ýok, garradyp bilmez ýyllar hem bizi
Ýaşaýas ýar bulen ýyldan ogrynça.

halyl kuly

Gündogar bulwary
Ýene nurun seçdi synsyz yşyklar,
Ýene öwşün atdy Gündogar bulwar.
Gysmyljyrap otyr juwan aşyklar,
Hersiniň elinde bir desse gül bar.

Menem peýwagtyma aýlanyp ýörün,
Tutup oguljygmyň akja elinden.
Ýöne gözlerimi aýryp bilemok
Gyzlaň elindäki bahar gülünden.

Şeýle ter gülleri, elwan gülleri 
Bir mahal maňa-da beripdi bir gyz.
Eý, ilkinji söýgiň ajap ýyllary,
Unudup bilmeýän men seni hergiz?!

... Student ýigitdim. Gymmat bahaly
Sowgatlar äbermek meň üçin ýatdy.
Gijeler döredýän goşgularymdan
Başga bir ullakan baýlygym ýokdy.

Men goşgy ýazýardym, sen bolsaň her gün
Bahar güllerinden baglardyň çemen.
Gör, neneňsi gözel,
Gör neneň ter gül!
Synlap, sil suwy dek joşardym menem...

Ýürek bardy bu gülleriň içinde,
Posa bardy bu gülleriň içinde,
... Şeýdip ilki söýgiň gudratyna men 
Göz ýetirdim bu günleriň içinde.

Indi näme?..
Geçip giden ýanwarlar
Doňdurypmy ýürekleriň gabygyn?
Posa bilen ýaňlandyrlan bulwarlar,
Sizden maňa orun ýokmy ýa bu gün?

Zyýany ýok. Goý bolmasa bolmasyn,
Aşyklara orun berseň, bes maňa.
Ynha meniň eziz oglum jonkuldap,
Ýetip barýar ýigitligiň paslyna.

Baýyrlardan ýygyp bahar güllerin,
Ynha ol-da gurup berer toý bize.
Ilkinji söýginiň ajap ýyllary
Ýene gaýdyp geler biziň öýmüze.

Ýene nurun seçer sansyz yşyklar,
Ýene öwşün atar Gündogar bulwar.
Ynsan garrasa-da, garramaz göwün,
Baglar garrasa-da, bahar bar, gül bar...

Mydamalyk galalyň

Daşy ýaryp çykan al-ýaşyl otlar
Silkindi-de, atyr seçdi şo bada.
 Ýazyldy-da ýüpek ýaly ganatlar,
Iki laçyn gaýyp gitdi howada.
Iki laçyn ganat ýaýyp oýnady,
Iki laçyn oýnamadan doýmady.

Biri diýdi: «Gör ne ajap bu asman,
Gel gadyrdan ýadaýançak gaýaly».
Biri diýdi: «Çekilmäli yza biz,
Gök asmanda mydamalyk galaly...».

Sazaklaryň kölgesinden ürküşip,
Depelerden, ýapylardan ötdüler,
Aý aýdyňda iki jeren tirkeşip,
Ahyrynda akar suwa ýetdiler.
Iki jeren ylgap-ylgap oýnady,
Iki jeren gök kenardan doýmady.

Biri diýdi: «Gör ne ajap bu meýdan,
Akar suwly, gülli, salkyn saýaly ».
Biri diýdi: «çekilmäli yza biz
Şu bossanda mydamalyk galaly…».

Oýandym-da daşa çykdym ir bilen,
Dury howa. Hezil edip ýaýnadym.
Säher çagy suwa gelen gyz bilen,
Gül ýygyşyp, çemen baglap oýnadym.

Diýdim: «gözel dünýä, ne gözel zaman,
Gülgün bahar, gülüstanly, läleli ».
Ýürek diýdi: «çekilmäli yza biz
Şu bossanda mydamalyk galaly…».

Ykbal
Ençe gezek geçip gitdiň ýanymdan
Ençe gezek geçip gitdiň şowurdap.
Ahyr bir gün ykbal bizi duşurdy
Gülüp bakdyň...
Egniňdäki keteniň
Aý nuruna öwşün atdy lowurdap.

Emma duşuşygmyz çekmedi köpe,
Biziň garşymyza çykdy bir betpäl.
Bat berip gybata, töhmetli gepe
Sümsünip gezýänler henizem gyt däl.
Ýöne biz dönmedik, gitmedik çepe,
Şeýdip ýene bizi duşurdy ykbal.

Bir gün duşuşyga wagtynda gelmän,
Meni entedipdiň wadaly ýerde.
Menem üç-dört gezek salamyň alaman,
Arym alyp seni goýupdym derde.
Bilýän şonuň üçin aglansyň hökman,
Doňňarlyp köp gezdiň ýüzüme bakman.

Ýene-de daň atdy, gün çykdy parlap,
Garlar eräp, çaý-çeşmeler joş urdy.
Bir azajyk eýläk-beýläk silterläp,
Ýene ykbal ikimizi duşurdy.
Ýene meni gyzdyrdyň sen gün ýaly,
Ýene gördüm gözleriňde dünýäni.

Şeýdip döretdik biz täze bir ykbal.
Döredi ol söýgi bilen aýdymdan.
Seniň üçin,
Seni söýüşim ýaly,
Bu ykbaly ýürek bilen söýdüm men.

Ynanýan ýaz geçip, össe-de şemal,
Bägül şahalaryň gaňyryp bilmez.
Seni meniň bilen duşuran ykbal
Meni senden hiç wagt aýyryp bilmez.

Göwnüm seni küýseýär
Käte ýalňyzlykda otursam özüm,
Käte gaharlanyp, çytylsa ýüzüm,
Käte ukym gelip, ýumulsa gözüm,
Teşne ýürek jemalyňa suwsaýar,
Gara gözlim, göwnüm seni küýseýär.

Gäreşlerde gujur bilen baglansam,
Üýşmeleňde alkyş bilen ýatlansam,
Arzuwlarym göge galyp şatlansam,
Ýa-da hasrat ýürek-bagrym gyýsa, ýar!
Gara gözlim, göwnüm seni küýseýär.

Bahar geler, güller bilen şaýlanyp,
Seýran etsek baýyrlary aýlanyp,
Akja bulut «Ýagsammy» diýip oýlanyp,
Çagba gelip suw –sil edip guýsa, ýar,
Gara gözlim, göwnüm seni küýseýär.

Meýdana ýazylypdyr bahar halysy,
Gel, bile keşt etsek ýakyn-alysy,
Maňa at goýdular: «Yşkyň dälisi».
Men nädeýin ýürek şeýle söýse, ýar!
Gara gözlim, göwnüm seni küýseýär.

Toýda okalan goşgy
Özlerine ogul gerek bolaýsa,
Gyz hem bolsa, ogul gerek diýerler.
Gundaglyja aglap ýatan bäbegi
Ogul gerek, oglum diýip, söýerler.

Şonuň üçin dünýä inen badyna,
Ogulgerek dakypdyrlar adyna.
Ogulgerek dakypdyrlar adyna,
Tutar ýaly ogullaryň deregin.
Bah, olar nireden bilsin ahyry,
Biziň ussamyza gyzyň geregin.

Ogul hem gerekli, Ogulgeregem,
Geliň dostlar, götereli tosty biz.
Hem-ä söýülýänleň, hemem söýenleň-
Aşyk-magşuklaryň söwer dosty biz.

Gyzjagazlar bolsun ekiz-ekizden,
Ogullarnyň her birisi ner bolsun.
Bu dünýäde armanyň nä köpelseň,
Esasy zat-agyzlary bir bolsun.

Bulaň bary bolar gider kem-kemden,
Ir entekler bu barada oýlanmak.
Ilkinji tost çyn söýginiň saglygyna.
Ýaşasyn dünýäde söýüp öýlenmek!

halyl kuly

Ugramak

Öz işime gümra bolup, oýlanyp,
Gezip ýörün başym salyp ýere men.
Ertir irden ugrasam-da aýlanyp,
Agşamara gaýdyp gelýän ýene men.

Sesýetimden uzakda däl öwrümim,
Şeýdip ýol salýan her gün, aýy.
Sähralarda bolsa otlar gögerip,
Depe-düzler geýinipdir daraýy.

Derýalarda bolsa çakyşyp gomlar,
Aýdymlar aýdylýar, çalynýar mukam.
Gülli, gülälekli ýaşyl meýdanlar,
Gol bulap çagyrýar özüne bakan.

Öz işime gümra bolup, oýlanyp,
Gezip ýörün başym salyp ýere men.
Ertir irden ugrasam-da aýlanyp,
Agşamara gaýdyp gelýän ýene men.

Gön çyksa-da, gar ýagsa-da şubela,
Ne ýanýan, ne doňýan, ne-de ereýän.
Şol bir işim bilen bolup mübtela,
Ne-hä bir döredýän ne-de döreýän.

Asmanda aýlanyp akja bulutlat,
Ganat gerýär ýakymlyja şemala.
Besdr indi wagt ýetdi maňa-da,
Bilimi berk guşap düşeýin ýola.

Daň-säheriň düzüm-düzüm çyglary,
Merjen dek buldurap atanda öwşün.
Sähralarda galyp aýak yzlary,
Ýaz damjasy bilen ýuwulsyn köwşüm...

Halyk kuly edil gurbannazar şahyryň güýz temasyny iň ýokary derejede ele alyşy ýaly bahar temasyny gaýtalanmajak zehin bilen poeziýalaşdyrypdyr. 

gaty owadan goshgylarr... gaty haladymmm ..... 👍👍👍👍

Hat
<<Hat gelmedi>> diýip çekmegin gussa,
Gaýtam garaş öňküdenem on esse.
Mendirin- şol alabahar günleri
Agaçlar pyntyklap,
Şemal öwüsse.

Oglanlaň köpüsi barandyr gaýdyp,
Sorasaň, salamym bererler aýdyp,
Bardyryn men,
Ýaşap ýörün sag-aman
Göwnüňe getirme ýokduryn öýdüp.

Ýalňyz günüň sora ýalňyzlygyňdan,
Gamgyn günüň sora gamgynlygyňdan,
Güneşden, ýeňişden , aýdymdan sora,
Olar saňa habar ýetirer menden...

Ýene- de nämeler aýtsamkam saňa,
Şeýle bir gürrüň kän aýdyp-diýere,
...Gije ornun berip gyrawly daňa,
Ýene bahar geldi biziň bu ýere.

Yranyşyp berýozlaň şahasy,
Aýdyma başlardy telleri bilen,
Örtüldi üstümiz al-elwan bolup,
Eneleň getiren gülleri bilen.

Boýny galstukly sakçylar gelýär,
Gülleň terligini saklamak üçin.
Ter gülleri-ter dünýäni syn edip,
Aýlanyp ýörüs biz älemiň üçin.

Gursagy nygmatly pasyllar
  Gelýär,
Ilkinji sowgadyn bagryna basyp,
Ine, şeýdip ýaşap ýörüs müdimi,
Dünýäniň sesine biz gulak asyp.

Bilýän hat gelmesi kesildi diýip,
Gijeler, gündizler garaşansyň sen,

Berjaý edip ýörkäm soňky 
buýrugy...
 bu haty ýazmaga ýetişmedim men.

Gyzyl oduň sakasynda

Aşgabatda ýer titirän gijesi Nurgeldi
Meredow şäheriň elektrik stansiýasyndaky
Maşynlary öz wagtynda ýatyryp,
Aýylganç ýangynyň öňüni aldy.

Bar zady sem edip zemin gürleýär,
Zeminiň elinde ynsan ýakasy.
...Alty maşyn alty ýerde arlaýar,
Ine saňa gyzyl oduň sakasy!

Ýer astyndan,
Ýer üstünden, bar ýerden
Ýyldyz bolup, ýanyp bakýar göreçler.
Sekuntlar geçmesin bes edýär bir dem,
Sekuntlar... sekuntlar... Otly göreşler
Asmanam görnenok göge seretseň,
Zeminem görnenok ýere seretseň,
Tümlükden seredýär sansyz göreçler:
- Postuňda barmysyň, Nurgeldi ussa?

- Nurgeldi ussa...
- Nurgeldi ussa...
Häzir senden bihabar bar Aşgabat.
Ýöne ot paýlaýan maşyna tarap,
Ümzük atýaň, ussam, bilmän başga zat.

Ýalynmy, kömürmi, tozanmy, tüsse...
Uçgunlar syçraýar ot galasyndan.
- Sen özüň saklaber, Nurgeldi ussa,
Agzyn açyp gelen ot belasyndan!

Mertleriňem merdi bardyr jahanda,
Şeýle mertler baky ömür döreder...
Şo mertligiň şaýatlary elmydam:
Mertleriň merdi-diýip, saňa sereder.

halyl kuly