Student otyr...
Student otyr,batyp pikire,oýa.
Bakyp özi kimin ýalňyzja Aýa.
Il ýatyr.Ümsümlik.Ýüregi gysýar,
Ýalňyzlyk has-da üstünden basýar.
Ýatlap otyr ýyl güneşli obasyn,
Saklap bilmän gözlerde ýaş dammasyn.
Horlanypdyr öňküsinden ep-esli,
Ünji pikirlerden alyp nepesi.
Bar zatlar üýtgäpdir gelenden bäri,
Ýöne gam-gussalar gitmändir häli.
Ýene otyr,otyr,çykanok sesi,
Oý kölüne çümüp agyr kellesi.
Çykyp bilmän çümen kölüň düýbünden,
Ýoluny tapdy ol çykmagyň birden.
Kagyza çuň kölüň suratyn çekdi,
Şeýdip bu çuňlukdan gutulup çykdy.
...Ah,student,köllerde çümüp-çykyp ýöreýär,
Ine şeýle goşgular ýalňyzlykdan döreýär.
16.04.11
talyplyk döwrüňiz gowumy ýa okuwçy?
Talyplyk(28%, 4 adam)
Okuwçy(64%, 9 adam)
Ikisinäm ýigrenýän(7%, 1 adam)
Arşivin durumu
● Tam metin
● 52/52 yorum korunmuş
Yayımlandığı site: teswirler.com · Kaynak: Web Archive kopyası — ertir.com, 22 Mayıs 2012 · Orijinal sayfayı gör ↗
Yorumlar 52
sudenligin in agyr yeri stipendiya alan gunin karzlara berip çykmaklaý
Bu goşgyny entek çekiçlemeli. Ýagny, ýene bir gezek işlemeli. Sebäbi ýugrumy ýetmändir. Çuňluk ýok. Üstesine-de ýöntem pikirler, logiki taýdan yrga setirler bar. Şu ýerde onlugyň gözünden urupdyr-ow diýdirýän ýeri ýok. Men bu goşga gowy diýerdim, eger iň bolmanda iki sany üýtgeşik rifma gabat gelen bolsam. Emma ulanylan rifmalaryň barysy köne, işlikden ýasalan. Gysýar, basýar, çekdi, çykdy, ýöreýär, döreýär.
Rifma şygryýetde tehniki gural ýa detal hasap edilýänem bolsa, ähmiýeti gaty ýokarydyr. Rifma goşguda diňe bezeg ýa owaz däldir. Käte şeýle bolýar, täze, üýtgeşik, ozal ulanylmadyk rifmalar goşguda täze pikirleriň döremegine getirýär, täsin duýgularyň oýanmagyna sebäp bolýar, obýektiň öň görülmedik taraplaryny görmäge peýdasy uly bolýar. Işlikden rifma ýasamak - ýaltalyk, aňsadyna bakmak. Aňsadyna bakan ýeriňde abraý ýok, diliň kelte bolar. Täze rifmalary gözlemegi endik edinmeli.
Höwri köp bolsun! Dowam et! Ýöne haltura bolmasyn! Özüňden talaby güýçlendir!
Tanryyalkasyn Kab aga! Elbet-de sizin aydan her bir duzedishinizin ustunde ishlarin,taze gozlegler gozlejek bolaryn! Siz komek edyaniz,enshallah hemme zady duzederin!
Tüwelem haladym
Nostradamus dos bu nigim bn sizin aranyzda 😎
Şu teswiriňizi Enigma agza halamady diýýä welin, sebäbini bilip bolmazmyka?
molodes Serdar shahyr. Oz durmushumam girya bun icine. galamyn ujy yiti bolsun 👍
duyn gaharlydy,shondan bolaymasyn? 🙂
Men indi gahary gelen wagty minus berilýän obýekt boldummykam?
bilmedim,belki yalnyshlykdan gidendir 🙂 kawagt bolyara on yaly yalnyshlyklaram,plyusa diyip minusa🙂
Ýok, ýalňyşlyk däl eken. Men şu gün pikirlerde soradym, halamadym diýdi. Sebäbini düşündirmedi.
sebäbini syr saklaýandyr. 🙂