Geçinem öz aýagyndan asarlar, goýnam
Geçinem öz aýagyndan asarlar, goýnam
Bählili dananyň inisi Harun Reşit uly patyşa eken. Ol öz agasy Bählili danany ýanyna çagyryp:
- Aý, Bählili, sen bu diwanaçylyk-gedaýçylygyňdan el çek, ine, saňa hazyna, näme gerek bolsa göter - diýen.
Onda Bählili dana:
- Aý, patyşa, biz her niçik aga-inem bolsak, seniň patyşalyk bilen gazanan maly-dünýäňden çigit ýaly zat derkar däl, sen ýöne meni öz günüme goý - diýipdir-de, özüniň weýrana howlusyna ötägidipdir. Bählili dananyň howlusy Harun Reşit patyşanyň köşgüne ýakyn eken. Harun Reşit her gün tagtynda oturan wagtynda Bählili dananyň ahy-hasrat bilen dady-perýat edip aglaýan gamly sesini eşider eken.
Günlerde bir gün Harun Reşit tagtyna çykypdyr, görse bu gün Bählili dananyň howlusyndan hemişeki eşidilýän gamly sesiň deregine şatlykly owaz gelýärmiş. Bählili dana ýeke özi öz başyna däli-porhan bolup, hem saz çalýar, hem aýdym aýdýar eken. Harun Reşit muny eşidip, geňirgenip:
- Baryň diwanany alyp geliň, ondan habar alalyň - diýip, ýasawullaryna buýrupdyr.
Ýasawullar Bählili danany alyp gelipdirler. Patyşa:
- Ýeri, Bählili, sen hemişe günüňi gaýgy-gam bilen aglap geçirýärdiň, bu günki şatlygyň nämäniň hekaýaty? - diýip soran.
- Aý, patyşam, eşider bolsaň, men bu gün bazara bardym - diýip, ol söze başlan.
- Barsaň barypsyň-da bazara, ol taýda näme beýle şatlyk gördüň?
- Patyşam, gassap bazaryna bardym, görsem geçinem öz aýagyndan asypdyrlar, goýnam öz aýagyndan asypdyrlar. Men, ikimiz aga-ini bolanymyzdan soň, seniň tagtda oturyp, il-halka edýän zulum-sütemiň hem zalymlygyň üçin menem günäkär bolýandyryn öýdüp gorkup, hemişe aglar ýörerdim welin, asyl beýle däl eken. Bu gün men bazarda geçiniňem öz aýagyndan asylýanyny, goýnuňam öz aýagyndan asylýanyny gördüm we her kimiň öz eden günäsi üçin jeza aljagyna düşündim. Şonuň üçin hem wagtym hoş bolup, şatlanyp oturyşym - diýip, jogap berip, çykyp giden.
Çeşme: SERET!
Arşivin durumu
● Tam metin
● 9/9 yorum korunmuş
Yayımlandığı site: teswirler.com · Kaynak: Web Archive kopyası — ertir.com, 11 Mayıs 2012 · Orijinal sayfayı gör ↗
Yorumlar 9
Oran payhasly hekaya 🙂
hmmm belli bir yere çenli goldasagam bolya velin, yone yene kan bir goldasym gelenok.
Ateş sadece düştüğü yeri yakmamali
mowzygy haladym! 🙂 klavişelerinize bereket 😆
Manyly hekaya eken
Bu hekayany ön okapdym welin menem kan göwnemandim. Emma, sapak alara köp zat bar. Göwnemandin sebabi bir tarapy kemterrak bolup dur. Möwlana her goyun öz ayagyndan asylar, ylalaşyanyzmy? diyip soranlarynda, Elbetde, emma ysy her kimi birahat eder. diyip bir hakykady bellap geçipdir. Bu hekayada menin gyt aklym bn düşünen zadym, asylmak eden-etmişligimizi, yalnyşlyklary we goyun ya-da geçi bolsa eden-etmişleri eden yerinde ulanylypdyr. Yaşulynyn dykgatymyzy çekyan zady bolsa, bir yalnyşdan dine ony eden dal eysem sebap bolanlar we daş-töweregindakiler hem jogapkardir. Yhlasyn belleyşi yaly, ot dine düşen yerine dal eysem daş-töweregine hem zeper yetiryar. Şonun üçin adamlar dine özlerinden dal eysem daş-töwereginden hem jogapkardir, menin pikirimçe...
Gyzykly hekaya eken
Elbetde, her kimi öz aýagyndan asarlar. Mysal üçin, menden doganymyň günäsi üçinem hasap soralmagy mümkin. Ýöne, pikir edip görseň, doganymam maňa dgişli. Men doganymyň özüme degişli däl günäsi üçin jogap bermän bilerin, ýönegünä sogaplar şeýle bir bir-biriniň içinden geçýär, olary diňe Allah seljerer. Diýmek, men Allah rzasy üçin, hemme meselede öümi günäkär duýmalydyryn. Emma, meni jaýlanlarynda ýeke jaýlarlar, sorga çekenlerinde-de ýeke özümi soraga çekerler. Her kim aýratynlykda, özüne degişli hemme zat hakynda jogap bermeli bolar. Bu barada Dogn bahasy diýip bir hekaýa ýazypdym. Arman teswirlere goýardan uly zat. Şonda elektromontýor agasy, ony tok urup öldürer öýdüp gorkýan inisine Men öz ýalňyşym sebäpli ölmerin. Meni dünýäň ýalňyşy öldürer diýýär. Umuman jedelli, emma her kimiň düşünmeli meselesi.
Bu hekayañ añyrsynda uly many yatyr
betje. sagja bol