Şahyr, Şygyr, Söýgi. (Oýlanma)

 
Şahyr, Şygyr, Söýgi
(Lirikioýlanma)
 
 
Oýa batdym.Bagt hakda pikir etdim.Öz bagtymy şahyryňky öýtdüm.Şahyr meni söýdi,has apalady.Mensiz güni ukusyz geçirdi.Men geldim,ol bag-bag bolup açyldy.
Eý, ynsan balasy sen uly gudrat.Gül-gunça-da dil bitirip bilýänsiň. Hat-da dagyň tokga gara daşyna-dasözüň bilen gülälege büreýäň. Ýaz, şahyrym, ýaz, joşsun ylhamyň, ýitelt galamyň. Ýer ýüzüne goşgy paýla,saz paýla.Adam ogly ynjamasyn ynsandan.Gülki paýla, şatlyk paýla, nur paýla.
Eý,ynsan, ene topraga gaçan sary ýapraklary ysgaýşyňy görüp, güýzdehas öteräk söýdüm men seni.
Gyşda ap-ak gara dolanan arçalary synlaýşyňy görüp, garly topraga emaý bilen aýak basyşyňy duýup, seni ýene söýdüm.
Ýazda ýaz ýapragyna guwanyp gezdiň. Gül-gunça buýsanyp, galamyňyaldyň. Maýsaly meýdanda meýmiräp gezdiň. Bu bolşuňy görüp, men seni söýdüm.
Tomusuň jokrama tüp yssysynda jyzyrdap-jyzyrdap,ýanyplar gezdiň. Şonda-da tomusy taryplap ýördüň.
Eý,ynsan balasy ugruňda köýdüm. Senem meni söýdüň, men bolsa seni. Seň bilen agladym,sen diýip güldüm. Şahyryň kalbynda jahana indim. Ir säher ynsana ylham eçildim. Şahyr galam alyp, wasp etdi dünýäm.

Awtor: Aýnabat  Ýazmyradowa.