Ýokluklardan dörän goşgy

Görünmejek ýokluklary görýärin,
Hyýalymda men olary bar edip.
Ýokluklaryň gapysyndan girýärin,
Daşymdaky bar zatlary unudyp.

Ýüzüp ýörün düýbi taryh okeanda,
Görüp nurly altyn gelejegi men.
Pikir edip,gözlemden ýaş  akýar-da,
Diýýän:-Näme etdim,bu günlere çen?

Uçup ýörün men päkligiň içinde,
Bir erkana,bir şadyýan  guş bolup.
Mydam ýaşaň siz aklygyň içinde,
Içindäki aklyklara goşulup!!

Görünmejek ýokluklary görýärin,
Hyýalymda men olary  bar edip.
Ýokluklaryň gapysyndan  girýärin,
Çykyp gidýän,"ýok"  goşgular döredip...

14.04.11.