deňiz, gaýyk, kürek

                     Ýatyr däli deňiz, ine,
                     Däl bu ýalpak güzer ýaly.
                     Gaýygym bar, bolýar diňe
                     Kürek yapsam ýüzer ýaly.
 
                     Armasam men, ýadamasam,
                     Hem barsam barjak ýerime.
                     Şu kenary ýada salar,
                     Bir duýgy gelip serime.
 
                     Oňat bordy gaçyp gaýdyp,
                     Ondan başym gutarsam men.
                     Soň dünýäni çyndyr öýdüp
                     Ýörenime utansam men.
 
                     Baýaminnet geçse günüm
                     Kän işlere ýetişerdim.
                     Şudur bary islegimiň,
                     Bolmaz meniň ýedi şertim.
 
                     Ýöne maňa bermez kürek
                     Arzuw bilen oňýanlygym.
                     Meň başyma ýetse gerek
                     Şü bigeleň oglanlygym.