Ýene-de hat

Dert dogmaň bagryny elek deý eläp,
Ýatybersin, hesret çekip igleme.
Uzak gije başujymy eýeläp,
Mähribanym maňa bakyp aglama.

Soňky günler tebil tapyp joşamok,
Günleň dükürdisi gulagmy deşýä...
Bu adamlaň arasynda ýaşamak,
Eje maňa kyn düşýä.

Arzym bardyr gama batman sen şu hal,
Didelerňi didelerme dik hany.
Bäş çagaň içinde juda bikemal,
Doglanym üçinem bagyşla meni.

Seret bilbil owaz edýär bag içre,
Huşy geçen söwütleri güýmeýär,
Baga gonup gelen bir süri serçe,
Arman ony saýramana goýmaýar.

Ynha geçip giden iki müçede,
Ömri biweç pursatlara çüýledim.
Hem ýaşlygy al-arwahyň köçede,
Maňa salan aly hasap eýledim.

Soňky günler tebil tapyp joşamok,
Günler bolsa dert üstüne dert goşýar.
Bu adamlaň arasynda ýaşamak,
Eje maňa kyn düşýä...

Awtory: Şähribossan.