Namaz baradaky sorag...

kichirak dushundireyin,bir zady halap etmesen,gowy bolmayar,halap etsen gowy,namazda sen hudayyn bn gurleshyang(hello hi dal yone,nadip dushundurjegimi bilemok,sen akylly ozung dushun gepi uzatmaly),onsong name huday bn gurleshishine bagly?gowunli gowunsiz ne davolny bolsang,ozunden hemme zat..dushundurendirin dp umyt etyan,elhamdulillah okayan,allajanyn beren miwelerine de shukur etyan.

namaz fiziki taydanam yagny saglyk unem peydaly diyyaler,namaz okap zyyan cheken adam entek mena goremok

bct:
namaz fiziki taydanam yagny saglyk unem peydaly diyyaler,namaz okap zyyan cheken adam entek mena goremok

yuregin bn islap okasan, diysen peydasy uly. Yuregine sheylebir ginlik berya, yeke galan mahalyn, ozuni yalnyz duyanda, durmushdan narazy bolanda, halyna shukur etmek islaninde sen Allajan bn gurleship bilyan. Hic kim dushunmese Ol sana dushunyar. Peydasy ummasyz........

arassaja gezyan namaz okasan hemme yerinem

Arap dili in owadan dil diyyarler. Namaz okanda onunden taret kylynyar, arassacylyk ucin, namaza arassa bolup girmeli diyyarler, bct aydysy yaly namazdaky hemme pozalar adamyn saglygy ucin peydaly diyyarler, umuman aydylanda bedenin we ruhy dunyan arassa, pak bolyar diyip dusundirdiler🙂

elhamdulillah owunup diydigim dal,taretsiz gezsem gaty birahat gezyan.taret almasam gownum ynch tapanak

yzynda jemagat bolup gelnin(ayalyn) dursa has hem şadyyan bolarmyka diyyan adamzat, Hudayjandan in uly dilegim şol...

ses berilişikde yzygiderli okamok, kate okayan diyip hem ses goymaly ekenin 😉

Namaz yslamyň imandan soňky iň möhüm emridir.
Namaz diniň sütüni we musulmanlygyň binýat daşydyr, (Tirmizi). 
Namaz imanyň alamatlaryndandyr.
Namaz ähli ybadatlaryň mazmunydyr.
Namaz – gul bilen Allahyň arasyndaky iň ýokary ýakynlyk, iň belent gatnaşyk we arassa hyzmatdyr.
Namaz – Allahyň  gudratyna göz ýetiren, beýikliginiň öňünde akyly haýran bolan ynsanyň, bu hormatyny we haýran galmagyny iň mynasyp söz we hereketler bilen amal etmegidir.
Namaz – guluň günde bäş gezek Ýaradanyň huzuryna çykmagy, Onuň diwanynda durmagy diýmekdir. Ynsan bu beýik diwanda ähli mätäçligini we dileglerini hiç hili araçysyz, göni Allaha arz edýär, Oňa sygynýar, diňe Ondan ýardam dileýär. Şeýlelik bilen, Pygamberimiziň magrajda Allah bilen cöhbetini musulman her namazynda simwoliki ýaşaýar. Bu syra yşarat edip, Pygamberimiz: «Namaz mü’miniň magrajydyr» diýipdir.
 
Namaz mahlukatyň ähli ybadat görnüşlerini özünde jemleýär. Kurany Kerimde beýan edilişine görä, ähli mahlukat Allah Tagalany hemişe zikir we tesbih edýändir.
«Allahy zikir, tesbih we Oňa ybadat etmeýän hiç bir zat ýokdur. Emma siz olaryň bu tesbih we ybadatlaryna düşünmersiňiz»,  (Isra, 44).
 
Dik ösüp oturan agaçlar kyýamda durana, dört aýakly haýwanlar ruku’da, süýreniji haýwanlar bolsa sejde edýäne meňzeýär. Allaha ybadat etmegiň bu görnüşleriniň hemmesi namazda jemlenýändir.
 
Melekler hem, ähli janly-jandarlar ýaly, hersi bir görnüşde Allaha ybadat edýändir. Olaryň bir topary kyýamda, bir topary ruku’da, bir topary sejdede Allaha ybadat edýändir. Iň kämil nusgada ýaradylan ynsan bolsa, melekleriň we janly-jandarlaryň ybadat ediş görnüşleriniň ählisini özünde jemläp, Allaha gulluk edýär.
 
Namaz Allahyň ägirt şanyny we soňsuz gudratyny beýgeldýän iň ajaýyp şekil we sözlerden durýandyr.
 
Namazda tekbir, towhyd, tesbih, methu-sena, hamd, şükür, hormat, tewazug, tazarru’, nyýaz, ähli mü’minlere haýry-doga we Pygamberimize salatu-selam jemlenendir.
 
Kuran okamak hem bir ybadatdyr. Namazda-da az hem bolsa Kuran okalýar.
 
Mü’min mumsulmanlaryň biri-biri bilen salamlaşmagy hem aýratyn bir ybadatdyr. Namazyň hem soňunda salam bardyr.
 
Yslama görä, tefekkür hem uly ybadatlardan biridir. Mü’minler jemagat bolup okalan namazlarda Allahyň soňsuz gudraty we azamaty barada oýlanmaga mümkinçilik tapýarlar.
 
Iýip-içmegä rugsat berilmeýändigi üçin namazda oraza hem bardyr.
 
Namazyň zekat we haj bilen hem baglanyşygy bardyr. Çünki, namaz bedeniň we ömrüň zekatydyr. Namazyň kybla bakyp okalmagy hem haj ybadatyna yşaratdyr.
 
Görşümiz ýaly, namaz ähli bedeni ybadatlary öz içine alyp, hemmesiniň özeni we mazmunydyr.
http://www.ylmyhal.narod.ru/htm/0313.htm

MUHAMMED(s.a.w.)sahabalary sahabalary sorapdyrlar:Ya Resulullah biz geljekde kapyrlar bilen musulmanlañ tapawudunu nadip bilmeli? Onda Söygili Pygamberimiz $eyle jagap beripdir: Olaryñ tapawudy 5 wagt namazdyr.

Magtymguly

Öýler görer sen

Panydan bakyýa barmaly bolsañ,
Tüýnüksiz, gapysyz öýler görer sen.
Namaz kylmaý, bigam ýatmaly bolsañ,
Tamug-dowzah atly jaýlar görer sen.

Özüñe dost bilme pany dünýäni,
Ýalançyda gazanmagyn günäni,
Baş atyp, göz gypyp, etme zynany,
Gabyr içinde çagyr, waylar görer sen.

Namaz bile bäş işiñi jaý etgin,
Toprak bile öz köñlüñi taý etgin,
Muhammet zamundyr, iunda waý etgin,
Azhdarha, mar atly möýler görer sen.

Terk eylemäwergin bäş wagt namazyñ,
Gör içinde egsik bolmaz owazyñ,
Gyşyñ eda bolup, tükenmez yazyñ
Aby-köwser atly suwlar görer sen.

Ol iki çeşmiñi gözüñden akdyr,
Ýoldaşyñ imandyr, ýaradan hakdyr,
Menziller yrakdyr, ýollar uzakdyr,
Ýaşmaz günler, batmaz aýlar görer sen.

Bir gün zaýa eýlär asman, zemini,
Derýalar gark eder suwda gämini,
Iller, beýan etsek ýedi tamugny,
Içinde zekatsyz baýlar görer sen.

Säher turup, tiliñ senalar sana,
Açlara nan berip, ýalañaç – dona,
Rahym ýoldaş etse seni imana,
Behişdiñ içinde toýlar görer sen.

Asly käri gazanyñda, aşyñda,
Perişteler oýluşarlar daşyñda,
Hüýri gyzlar gelip durmuş gaşyñda,
Lagly-jöwahyrdan şaýlar görer sen.

Bende, Magtymguly, çagyr Allany,
Azazyl şeýtana berme pelläni,
Nesip etse jennet içre hülläni,
Münseñ, Byrag atly taýlar görer sen

Magtymguly
OKA NAMAZY

Adam ogly senin yüregin dardyr,
Aylanyp, dolanyp oka namazy.
Bu Dünye gurulan bir gury yerdir,
Ol Dünyanem yatlap oka namazy.

Haram nebsin üçin şeytan dost bolar
Ymmatyn ayirip ters yola salar,
Bu yaşanyn bes diyip Ezrayil geler,
Ezrayilam yatlap oka namazy.

Gezelin dünyani misli şir kimin
Okalyn namazy misli pir kimin
Bu dünyanin maly geçer sil kimin
İn bolmanda ertir oka namazy.

Minnetli okasan bizardyr Huday,
Yetimi aglatsan bolar sen geday.
Magtymguly koneje donun gey-de,
Gaytalap-gaytalap oka namazy.

Kiçi sözler.

Bir gezek ýaşy uly, berdaşly, uly wezipedäki bir adam maňa: „Namaz oňat zat. Emma günde-günde bäş gezekden okamak köp bolýar. Gutarma ýok, bizar edýär.“
Ol kişiň ol sözleri aýdanyndan esli wagt geçensoň, nebsimi diňläp gördüm. Görsem olam şol sözleri gaýtalaýar. Ýaltalyk gulagy bilen şeýtandan şol bır dersi alýar. Şonda men şuňa göz ýetirdim. Ol adam aýdanlaryny erbetlikleri emr ediji nebsiniň adyndan aýdan ýalydy ýa-da aýtdyrylypdyr. Onuň ýaly bolsa menem: „Diýmek, nebsim erbetlikleri emr edýär. Özüni düzedip bilmeýän, başgany düzedip bilmez. Onda ilki özümden başlaýyn.“ diýdim.
Ýene şeýle diýdim: Eý, nebis! Körzehin, gömüklik içinde, ýaltalalyk düşeginde gaflat ukusyndakaň aýdan şol sözüňe garşylyk menden bäş duýduryşy eşit!

BIRINJI DUÝDURYŞ
Eý, betbagt nebsim! Sen ebedi ýaşarmykaň?... Geljek ýyla, hatda ertire çykjagyňa kepilnamaň barmy?... Seni irizip-hopukdyrýan zat „ebedi ýaşaryn“ öýtmegiňdir. Keýp üçin dünýäde ebedi galjak ýaly näz edýäň. Ömrüň azdygyny hem peýdasyz geçip barýanyny bir bilsediň. Elbetde, onuň ýigrimi dörtden birini hakyky bir ebedi sagadaty netije berjek örän oňat, hoş, rahat we rahmetli bir hyzmata sarp etmek, bizar etmegä beýlede dursun, eýsem uly höweslenmä we hoş lezzet almaga sebäp bolar.

IKINJI DUÝDURYŞ
Eý, gara garnyny söýýän nebsim! Her gün çörek iýip, suw içýäň, howadan dem alýaň, olar seni bizar edenokmy?... Diýmek bizar etmeýär, hä. Çünki hemişe gerekli bolup duransoň, bizar bolaňok, gaýtam lezzet alýaň. Onuň ýaly bolsa, öý hökmündäki bedeniňde seniň ýoldaşyň bolan kalbymyň iýmiti, ruhumyň dirilik suwy we latyfeýi-rabbaniýem (Ynsanyň örän näzik bolan ruhy gurluşyna bagly inçe duýgular.) üçin mylaýym howany berýän namaz hem seni bizar etmeli däl.
Hawa, soňsuz ynjylara, elemlere duçar, sezewar we soňsuz lezzetleriň, isleg-arzuwlaryň aşygy bolan kalbyň iýmitini, güýç-kuwwatyny her zada güýji ýetýän Rahymy-Kerimiň gapysyny nyýazyň bilen kakyp, eliňe geçirip bilersiň.
Hawa, bu pany dünýede örän çaltlyk bilen aýralyk perýadyny edip giden bir topar barlyklar bilen arabaglanyşykda bolan ruhuň dirilik suwuny bolsa, her zatdan beýik bir Mabudu-Bakiniň (Soňsuz dirilik eýesi, ybadat edilmäge ýeke-täk laýyk Biribar.), bir Mahbubu-Sermediniň (Soňsuz söýgä mynasyp Biribar. Sabur – örän sabyrly diýen manyny aňladyp, Allahyň adyny bildirýär.) rahmet çeşmesine namaz bilen ýüzlenip içip bolar.
Hawa, zannynda ebedilik islegi goýlan, ebedilik üçin ýaradylan, ezeli we ebedi bir Biribaryň aýnasy bolan, soň dereje näzik, ynjyk bolan akyl eýesi ynsanyň kalby, nurly bir latifeýi-rabbaniýe şu gaýgy-aladaly, eziji, kynçylykdan doly, geçiji, zulmatly we bogujy dünýä hadysalaryndan, elbetde, dem almaga mätäçdir. Diňe namaz penjiresi arkaly dem alyp biler.

ÜÇÜNJI DUÝDURYŞ
Eý, sabyrsyz nebsim! Geçmişdäki ybadat külpeti, namazyň kynçylyklary, belalaryň görgüleri hakda bü gün oýlanyp, yza çekmek, şeýle hem, geljek günlerdäki ybadat wezipesini, namaz hyzmatyny, musybatyň ynjysyny bu gün bolup duran ýaly hyýalyňa getirip, sabyrsyzlyk etmek akyl işmi?!
Şu sabyrsyzlygyň bilen şeýle akmak bir serkerdä meňzeýärsiň: duşmanyň sag tarapyndaky kuwwaty onuň sagyndaky güýjüne goşulyp, onuň üçin täze bir goldaýjy bir güýç bolup durka, ol alaýar-da möhüm güýç-kuwwatyny sag tarapa gönderýär, merkezi güýçden gaçyrýar. Sol tarapda heniz duşmanyň esgerleri ýogam bolsa, gelmänkäler, uly bir güýji-de ol tarapa gönderýär: „Ot aç!“ emrini berýär. Merkez bütinleý güýçden gaçýar. Duşmanam muny derrew syzýar-da, merkeze hüjüm edip, derbi-dagyn edýär.
Hawa, senem edil şonuň ýaly. Çünki geçen günleriňdäki kynçylyklar bu gün rahmete öwrülipdir. Ynjysy gidip, lezzeti galypdyr. Külpetleri keramata goşulyp, muşakgatlary sogaba ynkylap edipdir. Onda ondan bizar bolmaly däl, gaýtam täzeden höweslenip, täzeden islegiň artyp, dowam etmegä çynlakaý bir şekilde gaýratlanmagyň gerek. Geljek günler bolsa, heniz gelmändir. Häzirden olar hakda pikir edip, hopugyp, umytsyz bolmak, edil o günleriň açlygyny suwsyzlygyny bü günden alada edip, dady-perýat edýän ýaly samsyklykdyr.
Diýmek bu hakykat ekeni. Özüňi akylly saýýan bolsaň, ybadat jähetinde diňe şu günüňi pikir et. „Şu günüň bir sagadyny, girdeýjisi örän köp, külpeti örän az bolan hoş, gözel we beýik bir gulluga sarp edýärin“ diý. Şonda seniň ajy umytsyzlygyň datly bir gaýrata öwrüler.
Ine, eý, sabyrsyz nebsim! Sen üç hili sabyr bilen wezipelisiň! Biri, tagat etmekdäki sabyr. Biri, günälerden saklanmakda sabyr. Biri, musybata garşy sabyr. Eger akylyň bar bolsa, şu üçinji duýduryşdaky mysalda görnen hakykaty ýörelge edin. Mertlerçe „Ýa Sabur!“ diý, üç sabyry egniňe al. Hakallanyň saňa beren sabyr güýjüni ýalňyş ýolda dagytmasaň her muşakgatyň, her musybatyň hötdesinden gelip biler... Sen hem ol güýje bil bagla.

NB | 2010-07-20 03:40:18

sagja bol

Pygamberimizi döwründe  günde 75 gezek namaz okalyany, son Pygamberimizin jemagata kyn düşjegini pikir edip 5 wagta azaltdyrandygyny(şuna menzeşrak) okapdym bir yerde...