Uzak ýolda (Gülnara, Aşgabat-Tejen arasynda gatnaýan Tejenli taksistlere bagyşlap... )

Uzak ýola çykanymda 
Içim gysardy ozal
Gep-gürrüň bilen geçse
Gysga bolýar uzak ýol

Gürründeş kişä görä
Tema-da tapylardy
Birden gaty güýmenäýse
Diýip kemer dakylardy

Ka sürüji yaňra bolýar
Ony diňläp barmaly
Käsi bolsa tas uklajak
Ýolda gürläp barmaly

Maşyn hakda, söwda hakda
GAI hakda, mellek hakda
Her temadan söz bolardy
Köp gürlenmez döwlet hakda

Adaty adamlar ýaly
Adaty adamdym men
Adaty magşuklar yaly
Aşyk etdiň meni sen

Anha şol günden soňra
Üytgäberdi endiklerim
Öňem gaty agras däldi
Has ýeňledi dillerim

Ýöne saňa ýaňra men
Hem-de gara depdere
Dymyp otyryn öňde
Garalap şol depdere

Garalamok maşyn hakda
Ýa-da söwda, eklenç hakda
Iki temadan ýazýaryn
Sen hakda we biz hakda

Ýazyp ýadan wagtlarym
Gözlerimi ýumýaryn
Şonda edil alnymda
Duranyňy duýýaryn

Edil şol wagt başlaýar
Garynjalaň sapary
Hinleri döş ortasy
Gitdi bedeniň bary

Ýüregimi alyp olar 
Çykarjaklar agyzdan
Keýpine bir dem alýan
Ulydan we agyrdan

Indi ýollarym boldy
Gysga öňküsindenem
Kemerimi ýene dakýan
Barar ýörer-dä sürijem

Şeýdipjik käwagtlar
Güýmäweri Gülnarym
Bolmasa uzak ýollarda
Içi gysar Serdaryň

05.04.2011