TOPRAK ÝALY ÝIGITLER

TOPRAK ÝALY ÝIGITLER
                                     Aramyzdan ir aýryllan dostum Kamiljan Bazarowyñ ýadygärligine
Amyderýañ howasyndan dem alyp,
Başyny ýaýkaýar goja söwütler.
Ho-ol uzakda bolsa uklap ýatyrlar
Toprak bolup, toprak ýaly ýigitler.
 
Bahar bagymyzda gül açan çagy,
Gül yşgynda bilbil dil açan çagy
Ýüreklerde goýup aýralyk dagyn
Birden gözýetimde gözden ýitdiler.
 
Garalara büräp süñk hossarlaryñ,
Ýetim goýup gitdiñ süñk dost-ýarlaryñ.
Nawbahar çagynda bizi agladyp
Arzuwlaryn ýere gömüp gitdiler.
 
“Adam ölüm diýip tapypdyr bir zat.”
Hoşlaşdyk üstüñe üç pil gum oklap
Mazaryñda, dostum, rahat ýat, rahat!
Ýürege ot saldy agyr ýitgiler.
1997