Ýene bir goşgy...

Gurbandurdy şahyr kimem bolsa şonuň goşgusyndan täsirlenip menem käbir setirleri ýazyşdyran boldum...
EJEME
Ýüregimde gezmeläp ýör eje hakda ýatlamalar,
Ýüregime öten günler, geçen ýyllarýaňyn salýar.
Kä ýylgyryp kä gamlanyp, peýda bolýar enäň keşbi
Geçmişimde geljegimde, mydam ýaşar onuň kesbi.

Onuň kesbi adamçylyk, hem mylaýym gürlemeklik
Degmedige degmezeklik, degeni-de geçirmeklik,
Onuň ömri giň göwünlik – elmydama ýagty ýalkym
Hem mydama sylaglylyk, Keramatdan çekinmeklik.

Ak saçyna gurban bolsun, ömürlerim müňler janym
Diregidir beýik enem, ýaşaýyşyň ýaşlygymyň
Göwünlerde pyntyk açar, nesillerme siňer ady
Beýik enem, pespäl enem , Sen ömrümiň çogly ody