Kerim Gurbannepesow "Adam" G. Ezizowa...

gowja goshgy. Tuweleme

gool paylasanyn ucin sagja bol🙂

minnetdar! Uytgeshijik goshgulary tapyan Batyr :-)

sag bol +1

Name huy isin yokmey. Ha ha ha

Sag bol, minnetdar🙂

mundan iki ay on kerim agan shagirdi dashgynow aradan chykdy(dostum bayramn kakasy)

sheyle manyly goshgyny biz bilen paylashanyna minnetdar

Killer:
Name huy isin yokmey. Ha ha ha

kime diyanay kadi?

sonuny yerlikli jemleya goshgynyn. 

tuweleme😉

tuweleme

Rugsat bolsa, menem Gurbannazar Ezizowyň ýadygärligine bagyşlanyp ýazylan goşgularyň birki sanysyny goýaýyn!

HORASANYÑ DURNASY

Uçup gitdi Horasanyñ durnasy,
Bulutly güýz güni uçup gitdiler.
Güýzüñ öñkh gussasynyñ urnasy
Bolup, bizden ara açyp gitdiler.

Saralan bu seleñ sährany synlap,
Uçup gitdi gök ýüzünden hatarly.
Güýz güni gussadan gutulmak kyn zat,
Adam sähel zada gussa batarmy?

Sähel zada gussa batýar adamzat,
Iñ bolmanda görüp durnañ nyzamyn.
Durnalañ yzyndan bakýar adamzat,
Syzyp agyr aýralygyñ yzasyn.

Senem bu gün gama batdyñ, Garagum,
Seredip saralan selin-selmäñe.
Durnalañ sesinden syzýar ýüregim,
Wada berýär olar ýene gelmäge.

Gülüp giden, saña dolanar aglap,
Aglap giden ýene aglap dolanar.
Alys menzillere göwnüni baglap,
Güýz gelende uçup gider durnalar.

Bir goja shol durnalara seredip,
Uludan dem aldy, ýuwdup gussasyn.
Olar bolsa uly ile jar edip
Agzybir bolmagyñ beýik nusgasyn,

Uçýar al-asmandan owadan nagysh,
Uçýar al-asmandan bir beýik shygar.
Hem ýatladyp barýar: Golaýdadyr gysh,
Durnalar dash ýurda edende ylgar.

Shol durnalañ kümüsh goshup örmeli
Perin galam edip, ýazylsa shygyr,
Bu mekany shol terk edip ýörmegi
Durnalara kynmy ýa bize agyr?

Parhly mydam gussa batyp ýörmeli,
Parhsyzlarda uly gussa döretmän.
Ýapyñ - diýip - açyk duran törleri,
Çagalaryñ gyk-bagyna seretmän.

Bakyp saban atyzlara, pellere,
Bu gamly görnüshe gyýylýan ýaly,
O diýen bat bermän ganat-perlere,
Galdyryp gitdiler dogduk diýary.

Agaçlar yzyndan garap galdylar,
Ýapraklaryn gözýash kimin düshürip
Hem bashlaryn çala yrap galdylar,
Bu görnüshe adam kimin düshünip.

Hat-da seleñ selle günebakar-da
Kellesin meñzedip äpet gapaga,
Honda ýashyp barýan Güne bakar-da,
Durnany ugradar tylla shapaga.

Durnalaryñ bolsa göwni bir ýaly,
Piñine däl özgäñ boýun burmasy.
Aýryp ömrümizden tutush bir ýazy
Uçup gitdi Horasanyñ durnasy.
1975 ý.

 Awtory ATAMYRAT ATABAÝEW.

SIZ GITDIŇIZ

Şahyr dostlarym Halyl Kulyýew bilen Gurbannazar Ezizowyň ýadygärligine

Siz gitdiňiz, ýalňyzlaşdym ep-esli,
Siz gitdiňiz, otdum, ep-esli söndüm.
Iki dosty sähel wagtyň içinde
Ýitirmegiň nämedigne düşündim.

Siz gitdiňiz, goşa durna pel-pelläp,
Uçdy gitdi, soňky aýdymyn aýdyp.
Indi şol durnalar, çagyrsak-da biz
Näçe elensek-de, gelmezler gaýdyp.

Siz gitdiňiz... Her haýsy bäş jüýjäni
Gujagyna gysyp, çekip ahy-zar
Goşa durnaň garap galdy yzyndan
Bagyrlarna gan öýülen goşa ýar.

Siz gitdiňiz... goşa ýyldyz asmandan
Süýnüp gaýtdy. /Beräýmek kyn salgyn-da/
Goşa ýyldyz - goşa mazar ýetişdi
Meniň öňem otdan doly kalbymda.

Siz gitdiňiz, siziň bilen geçirlen
Goşguly gijeleň, gündizleň baryn
Indi her gün hakydamda oýaryp,
Şol goşa mazary göterip ýörün.

Siz gitdiňiz, wagt geçýär, bilýäris,
Könelişer ýürekdäki ýaralar.
Çagalaram adam bolar hä diýmän
Şahyram tapylar, goşgam ýazylar.

Asmanam durnasyz, ýyldyzsyz oňmaz,
Nätjek-dä, bu kanun. Siz beletsiňiz.
Galan zatlaň, wah, bir zady bor welin,
Siz gitdiňiz, siz gitdiňiz, gitdiňiz...

Awtory Italmaz Nuryýew.