-1992-nji ýylyň söýgi hatlary(dowamy)

Ýaş oglan okuwdan soň derrew otagyna geçýär we gyzyň göwnünden turup bilmek üçin göýä diýersiň kitaplar deýin uzyn uzyn hatlar ýazýardy.
Bediýa şol bir wagtyň özünde örän bilesi geliji bir gyzdy... käwagtlar şeýleräk soraglar hem soraýardy ýazan hatlarynda:
-"durmuş guranymyzdan soň gezmäge Moskwamy gideli? ýa bolmasa Kiýewemi? Bu iki şäher barada sen nähili diýip pikir edýäň? Halky nähili ýaşaýarka? Näme işler bilen meşgullanýarlarka? O şäherlere gitmek üçin haýsy deňizlerden haýsy daglardan geçmeli bolarka? Haýsy ýurtlardan geçmeli bolýarka? Mmmm sen Şekspiriň eserlerini okapmydyň? Eger okan bolsaň iň gowularyndan maňada gürrüň bersene? "

Hawada, ýaş okuwçy ýigidimiz hem söýgülisine garşy özüni pes düşürmejek bolup gyzyň isleýänlerini öwrenmek üçin  geografiýa, edebiýat, taryh kitaplaryny dörüşdirýär we günlerje ürç edip okaýar.
Bediýa bir hatynda oglana biraz nägilelik bildirdi we :
-"siziň bilen duşuşmaga karar beripdim. Düýn, okuwdan öýüňize gaýdýan ýoluňyzda size garaşdym. ýöne bir gyzyň söýgülisidigiňizi ýadyňyzdan çykarypsyňyzmy nämemi... örän erbet şekilde geýinipdiňiz. Üstüňiz, egin eşigiňiz, köwşüňiz durşuna gumdy... Çaga ýaly oglanlaryň biri bilenmi urşduňyz? Muny göremde sizi utandyrmajak bolup ýanyňyza barmakdan ýüz öwürdim. Baryp bilmedim... "

Rasim muny okanynda örän utandy. Şol günden soň egin başyna şeýle bir üns berdi welin, hamala diýersiň öýlenmekçi bolýan ýigit ýalydy...
Bediýa ýene bir gün oglana şeýle diýdi :
-" gije köçelere gaty köp çykýarsyň. Hä name başga gyzlaramy göz gyzdyrýaň?"
Rasim dünýäde Bediýadan başga bir gyzy söýüp bilmejegini örän ynandyryjy şekilde ýazdy we köçelerde gije ýöremekden we duýdansyz gabat gelen gyzlara hem seretmekden uzak durdy.Bir agşam, Rasimiň ejesi Nedime daýza adamsyna gygyrdyk bir ses bilen:
-"ah ah Ahmet, başymyza gelenleri sorama...oglumyz Bediýe atly bir gyza aşyk bolupdyr. Bu gün Rasimiň otagyny arassalamda bir giden hat tapdym. oglumyz elimizden gidip barýar...bir zatlar ediň..."
Ahmet aga hiç hili geň galmady. Adaty bir waka ýaly kabul etdi. we birden gülmäge başlady...we aýalyna şeýle jogap berdi :
-"gorkma sen, gorkma...  söýgi hatlaryny ýazýan ol gyz men...men ýazýardym. Oglumyzyň mekdepdäki haly kem kemden pese gaçýardy. Mekdepdäki mugallymlar, men, sen hiç bir çäre tapyp bilmändik. Her näçe jan etsekde oglumyza dogry bir şekilde okamagy ýazmagy hem öwredip bilmedigä...iň soňunda aklyna gelen çäre hem şu boldy. Rasimiň gyza ýazan hatlary sebäpli ýazmagy dogry bir şekilde öwrenjegine doly ynamym bardy. we indi, derslerinden gowy bahalar aljagyna doly ynanýan. Aslynda dogrusyny aýtsam... menem okamagy we ýazmagy saňa ýazan hatlarymyň netijesinde öwrenipdim ahyry..."
Hoş sag boluň))