Ýanýoldaş saýlananda göz öňünde tutulmaly ýagdaýlar

Bismillä
Bagtyýar we sagdyn maşgala gurmak üçin Hezreti Pygamberimiz alaýhyssalamyň şu sargytlaryna eýermek gerek:

تُنْكَحُ الْمَرأةُ ﻷرْبَعِ خِصَالِ: لِمَالِهَا، وَلِحَسَبِهَا، وَلِجَمَالِهَا، وَلِدِينِهَا. فَأظْفَرْ بِذَاتِ الْدِّينِ، تَرِبَتْ يَدَاكَ

“Aýal maşgala dört aýratynlygy sebäpli öýlenmek bolar: mal-mülki, gelip çykyşy, gözelligi we dindarlygy. Sen dindaryny saýla, elleriň bereketlensin”. (Müslim, Rada 53, II, 1086).

Bu hadysy şerifde durmuş gurmak isleýän jübütlere sargyt edilýän esasy zat şudur: dünýä geçegçidir, adamzat bu gün baý bolsa ertir garypdyr, Allatagalanyň ýanynda adama dereje gazandyrýan zat maddy baýlyk däldir. Ähli zady diňe maddy mümkinçiliklerden ybarat görmek dogry däldir. Maşgala ojagynyň guruljak bolýan şeýle derwaýys günlerinde ölçüt hökmünde öňde goýuljak esaslar iki dünýä bagtyýarlygyna-da ýetirjek görnüşde anyklanylmalydyr. Saýlanjak ýanýoldaşa diňe maddy mümkinçilikleri ýok diýlip, garşy çykylmaly däldir. Durmuş gurmak ýaly çynlakaý bir guramany emele getirmekde ýürekden duýgular bilen işe başlansa, käbir kynçylyklaryň aradan aýrylmagyna kömekçi bolar. Çünki aýaty kerimeleriň birinde şeýle buýrulýar: وَاَنْكِحُوا الْاَيَامى مِنْكُمْ وَالصَّالِحينَ مِنْ عِبَادِكُمْ وَاِمَائِكُمْ اِنْ يَكُونُوا فُقَرَاءَ يُغْنِهِمُ اللّهُ مِنْ فَضْلِه وَاللّهُ وَاسِعٌ عَليمٌ” (Içiňizdäki sallahlary, salyh bolan gullaryňyzy we gyrnaklaryňyzy öýlendiriň. Eger olar pakyr-pukara bolsalar, Alla olary öz keremi bilen baý eder. Alla, keremi bol we ähli zady bilýändir. (Nur 24/32).