Student

Student (1-2 bendi kem gidipdir, doldurdym 🙂
 
Stoluñ başynda otyr student
Öýkenin dolduryp ajy tüsseden.
 
Gije ýañyja ýarymdan agypdyr,
Student oýlanýar başyn agyrdyp.
 
Stoluñ üstünde üç sany depder
Bir depderiñ içi durşuna keşde.
 
Ikinji depderiñ reñki gaýgydan
Üçülenjiñ bolsa heñi söýgüden.
 
Stoluñ üstünde ýene iki kitap
Kitaplañ sahaby dur hasrat tütäp.
 
Student oýlanýar, student dymýar
Pikirler çiş bolup ýaş beýnä çümýär.
 
A student bolsa işine gümra
Ýürek gygyrsa-da, ýigdimiz dymýar.
 
Onuñ dünýäsinde ýok şu wagt boş ýer
Elindäki galam-galam däl, neşder.
 
Birinji depderiñ açyp sahabyn
Ol görgülä berýär dünýäñ azabyn.
 
Ol kim üçin azap, kim üçin keşde
Ynanmasañ göräý döşüni deş-de.
 
Stoluñ üstünde otyr student
Öýkeni dolupdyr ajy tüsseden.
 
Wagtyñ dowam edýänligin ýaşyrman
Aýdýar golundaky sagat pyşyrdap.
 
Geçse-de aý-ýyllar, geçse-de hepde
Mydam keşdeli bor birinji depder.
 
Mümkin, ýene bir ýyldan soñ keşdeler
Studentiñ sesi bolup eşdiler.
 
Ýykylsa-da gara başyna dünýä
Bular studentiñ piñine-de däl.1998