Täzelikler
Hytaý dünýäniň ikinji iň uly ykdysadyýeti boldy
Hytaý dünýäniň ikinji iň uly ykdysadyýeti boldy. Bu barada Ýaponiýanyň ýaýradan soňky ykdysady görkezijilerinde bellenilýär.
Tokionyň berýän maglumatyna görä, Ýaponiýanyň jemi içerki önüminiň görkezijisi Hytaýyňky bilen deňeşdirilende pes çykypdyr.
2010-njy ýylyň dördünji çärýeginde Ýaponiýanyň jemi içerki önümi 5,474 trillion dollara barabar bolan bolsa, Hytaýyňky 5,879 trillion dollara ýetipdir.
Mundan ozal, Birleşen Ştatlardan soň dünýäniň iň uly ykdysadyýeti Ýaponiýady
Tähranda Türkiýäniň we Eýranyň prezidentleri duşuşdy
Duşenbe güni Tähranda Türkiýäniň we Eýranyň prezidentleri gepleşik geçirdiler.
Gepleşiklerden soň geçirilen metbugat konferensiýasynda Eýranyň prezidenti Mahmut Ahmedinejad Türkiýe bilen söwda gatnaşyklarynyň üç esse artdyrylmagyny we iki ýurduň arasyndaky söwda boýunça ähli päsgelçilikleriň aradan aýrylmagyny isleýändigini aýtdy.
Şeýle-de ol Eýranyň ýadro programmasy boýunça geçirilýän halkara gepleşiklerde Türkiýäniň araçy bolmagyny isleýändigini hem sözüne goşdy.
Türkiýäniň prezidenti Abdullah Gülüň ýolbaşçylyk edýän delegasiýasynyň düzüminde Türkiýäniň daşary işler ministri, 100 töweregi türk biznesmeni, ýokary okuw jaýlarynyň we hökümetiň wekilleri bar.
Prezident Gülüň Eýrana edýän bu sapary üç gün dowam eder.
Dünýäniň köp künjeklerinde Söýgüliler güni
Duşenbe güni dünýäniň köp künjeklerinde Söýgüliler güni bellenilip geçilýär.
Bu senä bagyşlanyp, Orsýetiň Altaý regionynda Romeo we Jullieta teatr oýny goýulýar. Ýaponiýada zenanlar söýgülilerine süýji bermek üçin bazara çykýarlar.
Emma Söýgüliler güni aşa dinçi käbir musulman jemgyýetlerinde ýazgaryldy.
Özbegistanyň “Turkiston” atly gazeti Söýgüliler gününiň beýle mahabatlandyrylmagynyň arkasynda “şeýtany maksatly güýçleriň durandygyny” ýazdy.
Geçen hepde Gazagystanda ýaşlaryň bir topary “daşary ýurt” baýramynyň bellenmegine garşy göz edip, Walentina kartlaryny ýok etdiler.
Arşivin durumu
● Tam metin
● 32/32 yorum korunmuş
Yayımlandığı site: teswirler.com · Kaynak: Web Archive kopyası — ertir.com, 17 Mayıs 2012 · Orijinal sayfayı gör ↗
Yorumlar 32
Obama 2012-nji ýyl üçin býujetiň proýektini hödürledi
15.02.2011
ABŞ-nyň prezidenti Barak Obama 2012-nji maliýe ýyly üçin döwlet býujetiniň proýektini Kongresse hödürledi.
Proýekt 2011-nji ýyl bilen deňeşdirilende býujetdäki defisiti 500 milliard dollar gowrak azaltmagy göz öňünde tutýar.
“Býujetdäki ýetmezçilik bilen göreşiň hakyky ýoly - ähli ugurlar boýunça artykmaç çykdajylary azaltmak. Şeýle çykdajylar, hususan-da, içerki programmalarda, goranyşda, saglygy saklaýyşda ýüze çykarylar” diýip, ABŞ-nyň prezidenti Merilend ştatynyň Baltimor şäherinde eden çykyşynda aýtdy.
Amerikan prezidentiniň sözlerine görä, býujetiň kabul edilmegi ýakyn 10 ýylda býujetdäki ýetmezi bir trillion dollar gowrak azaltmak ugrunda ilkinji ädim bolar.
Respublikanlar proýekti tankytlap çykyş etdiler. “Döwlet çykdajylaryny azaltmak barada Obamanyň edýän teklibi ýeterlik däl, barybir defisit gaty uly bolmagynda galar” diýip, olar aýdýarlar.
Gowy tazelik eken minetdar
Müsüriň täze ýolbaşçylary protestleri bes etmäge çagyrdy
14.02.2011
Müsüriň täze harby ýolbaşçylary kärdeşler arkalaşyklarynyň liderlerini we işçileri protestleri bes etmäge çagyrdy.
Duşenbe güni müňlerçe döwlet işgärleri aýlyklarynyň galdyrylmagyny we durmuş şertleriniň gowulandyrylmagyny talap edip, protest geçirdiler. Protestçiler paýtagt Kairiň Tahrir meýdançasyna täzeden dolandylar.
Mundan birnäçe sagat öň ýurduň harbylary Tahrir meýdançasyndaky demonstrantlaryň soňky böleginiň dargandygy barada habar beripdi.
Duşenbe güni Müsüriň dürli künjeklerindäki döwlet guramalarynda hem protestler geçirildi
Şweýsariýada ýarag saklamak boýunça referendum geçirildi
14.02.2011
Ok atýan ýaraglary özünde saklamagy çäklendirmek boýunça Şweýsariýada geçirilen referendum sesleriň köplügi bilen bu teklibi ret etdi.
Häzir dowam edýän düzgüne laýyklykda hökmany harby taýýarlygy geçen erkek adamlaryň goşunda alan ýaragyny öz öýünde saklamaga haky bar.
Kabul edilmedik teklip goşun ýaragyny öýlerde saklamagy ýatyrmagy we ýaraglaryň beýleki görnüşlerini edinmegiň düzgünlerini pugtalandyrmagy göz öňünde tutýardy.
Teklibe tarapdarlar ýurtda ok atýan ýarag bilen öz janyna kast edýänleriň köpelendigini öňe sürýärler.
Şu hepde Alžirde täze demonstrasiýalar geçiriler
14.02.2011
Alžirde protest aksiýalaryny gurnaýjylar täze demonstrasiýalary geçirmäge çagyryş etdiler.
“Alžirde demokratik özgerişler ugrundaky hereket” adam hukuklaryny goraýjylary, aklawçylary we profsoýuz agzalaryny özüne birleşdirýär.
Hereket 19-njy fewralda tutuş ýurt boýunça manifestasiýa geçirmäge çagyryş etdi.
Protest aksiýalaryny gurnaýjylaryň maglumatyna görä, şenbe güni bolan demonstrasiýa 10 müň töweregi adam gatnaşypdyr. Ýöne häkimiýetler bu sanyň bir ýarym müňdügini tassyklaýar.
Demonstrasiýa gatnaşyjylaryň elinde prezident Abdulaziz Buteflikiň iş başyndan çekilmegini talap edýän şygarlar bar.
ABŞ-nyň Döwlet departamenti Alžiriň häkimiýetlerini demonstrasiýa wagty sabyrly bolmaga çagyrdy we alžir halkynyň hak-hukuklaryny berjaý etmegiň zerurdygyny aýtdy
ABŞ-nyň Döwlet sekretarynyň kömekçisi Türkmenistana barar
14.02.2011
ABŞ-nyň Döwlet sekretarynyň Günorta we Merkezi Aziýa işleri boýunça kömekçisi Robert O.Bleýk 14-19-njw fewral günleri ikitaraplaýyn konsultasiýalara gatnaşmak üçin Türkmenistana we Özbegistana barar.
Robert O.Bleýk hökümet wekilleri, işewür liderler, graždan jemgyýetçiliginiň wekilleri bilen duşuşar. Ol 16-njy fewralda Aşgabatda ýyllyk ikitaraplaýyn kosultasiýalara syn berer.
ABŞ Merkezi Aziýa ýurtlary bilen şeýle konsultasiýalary 2009-njy ýyldan bäri geçirip gelýär. Şol konsultasiýalarda strategik hyzmatdaşlygy, ykdysady problemalary, adam hukuklaryny we regionyň meselelelerini goşmak bilen ikitaraplaýyn gatnaşyklaryň dürli ugurlary maslahat edilýär.
Palestinanyň premýer-ministri hökümetini dargatdy
14.02.2011
Palestinanyň premýer-ministri Salam Faýýady hökümetini dargatdy.
Palestina awtonomiýasynyň prezidenti Mahmud Abbasyň Salam Faýýadynyň wezipesinde galmagyny soramagyna garaşylýar.
Salam Faýýady 2007-nji ýyldan bäri premýer-ministr.
Geçen hepde palestin resmileri prezident we parlament saýlawlarynyň sentýabrda geçirilmeginiň göz öňünde tutulýandygyny mälim etdiler.
Gaza sektoryny kontrol edýän Hamas söweşiji topary bolsa Ramallah tarapyndan gurnalýan saýlawlaryň ähli görnüşlerini iňkär edýär.
Gowy tazelik eken minetdar
Gowy tazelikler
Gowy tazelikler
Owganystanyň günortasynda britan esgeri heläk boldy
15.02.2011
Owganystanyň günortasynda, Gilment welaýatynda bolan partlamada bir britan esger heläk boldy.
Duşenbe güni Beýik Britaniýanyň Goranmak ministrligi Gilmentdäki britan harby bazasynda bolan ýangynda iki harby gullukçysynyň ölendigini habar beripdi.
Deslapky maglumata görä, soňky waka söweşijileriň hüjümi bilen bagly däl.
Şol gün Kabulda-da güýçli partlama boldy. Pidalar, jebir çekenler barasynda maglumat ýok.
Täzelikler
Kemine adyndaky teatrda “Zöhre-Tahyr” operasy görkezildi
15.02.2011
Marynyň Kemine adyndaky döwlet drama teatrynyň sahnasynda paýtagtly opera sungatynyň ussatlarynyň gastroly üstünlikli geçdi.
Ýerli ýaşaýjylar meşhur “Zöhre-Tahyr” operasyna tomaşa etdiler.
Operany goýanlar Türkmenistanyň halk artisti Maýa Kulyýewa bilen režissýor Aýnazar Batyrow diýip, türkmen metbugat habar berýär.
Ors sudy Putiniň üstünden edilen şikaýata seretmedi
15.02.2011
Moskwanyň Sawýolowsk sudy üç oppozisioner syýasatçynyň mertebelerini goramak üçin premýer-ministr Wladimir Putiniň üstünden beren şikaýatyna seretmekden ýüz öwürdi.
Heniz resmileşdirilmedik Halk azatlygy partiýasynyň egindeş başlyklary Boris Nemsow, Wladimir Milow hem Wladimir Ryžkow geçen ýylyň dekabrynda göni efirde Putiniň özleri barada aýdanlary üçin suda şikaýat etdiler.
Şonda Orsýetiň premýer-ministri olary döwlet býujetinden milliardlarça pul ogurlamakda aýyplapdy.
Üç oppozisioner Putinden şol sözleri ýalana çykarmagy we million rubl kompensasiýa tölemegi talap etdiler.
Mundan öň Nemsow şikaýata seretmekden sud ýüz öwürse, özüniň hem egindeşleriniň adam hukuklary boýunça Ýewropa suduna ýüz tutjakdygyny aýdypdy.
Müsüriň öňki ýolbaşçylarynyň bank hasaplary doňdurylar
15.02.2011
Amerikan hökümeti wezipesini terk eden Hosni Mubaregiň esasy kömekçileriniň banklardaky serişdelerini doňdurmak barada Müsüriň täze häkimiýetleriniň haýyşyna seredýär.
Duşenbe güni agşam Brýusselde Ýewropa Bileleşigine agza ýurtlaryň maliýe ministrleriniň duşuşygy açyldy. Onda Müsüriň öňki ýolbaşçylarynyň birnäçesiniň maliýe serişdelerini doňdurmak meselesine seredilýär.
Beýik Britaniýanyň daşary işler ministri Uilýam Heýgiň sözlerine görä, Müsürde häkimiýet başyna gelen harbylar şeýle haýyş bilen ýüz tutupdyr.
Müsüriň Hukukçylar Bileleşiginiň agzalary duşenbe güni ýurduň prokuraturasyna ýüz tutup, Mubaregiň maşgalasynyň girdeji çeşmelerini derňemäge çagyryş etdiler. Olaryň maglumatyna görä, öňki prezidentiň baýlygy milliardlarça dollar.
Duşenbe güni Müsüriň ýokary harby geňeşi ýurduň ilatyny demonstrasiýalary we iş taşlaýyşlary bes etmäge çagyrdy.
Täze häkimiýetler iki aýyň dowamynda demokratik reformalary geçirip, häkimiýeti graždan gurluşlara tabşyrmaga söz berýärler.
Bagdatda arap döwletleriniň Sammiti geçiriler
15.02.2011
Yrakda soňky 20 ýylda ilkinji gezek arap döwletleriniň Sammiti geçiriler diýip, Yragyň daşary işler ministriniň orunbasary Labid Abbawi aýtdy.
29-njy martda Bagdatda Arap döwletleri ligasynyň liderleriniň iki günlük duşuşygy bolar.
Synçylaryň pikiriçe, ýurtda köpçülikleýin protest aksiýalarynyň başlanan döwri Yragyň arap dünýäsine goşulmagynda Sammit möhüm rol oýnar.
Yrak amerikan F-16 uçarlaryny satyn almagy soňa goýdy
15.02.2011
Maliýe kynçylyklary sebäpli Yrak 18 sany F-16 amerikan söweş uçaryny satyn almagy soňa goýdy.
Kontraktda göz öňünde tutulýan puluň bir bölegini ilatyň garyp gatlagy üçin azyk önümlerini satyn almaga gönükdirmek karar edildi.
Yrak hökümetiniň wekili Aly al-Dabbag takmynan bir milliard dollar barada gürrüň gidýändigini aýtdy. Kontraktyň jemi bahasyny agzamady.
Duşenbe güni Bagdadyň merkezinde ýüzlerçe adam korrupsiýa, döwlet gurluşlarynyň işiniň ýeterlik derejede netijeli däldigine garşy protest aksiýasyna gatnaşdy
Siriýada okuwçy gyz bäş ýyl azatlykdan mahrum edildi
15.02.2011
Siriýada milli howpsuzlyk meseleleri boýunça sud mekdep okuwçysy bolan bloggeri ABŞ-a gizlin maglumat berdi diýen günä bilen bäş ýyl azatlykdan mahrum etdi.
19 ýaşly Tal-al-Maluhi Internete giň meşhurlyga eýe bolan makalalar ýazyp, olarda palestin halkyna uly goldaw bermegi ABŞ-nyň prezidenti Barak Obamadan haýyş etdi.
Suda çekilen okuwçy 2009-njy ýyldan bäri tussag astyndady.
ABŞ-nyň Döwlet departamenti siriýaly okuwçy gyzy azatlyga çykarmaga çagyryş etdi we ony içalyçylykda aýyplamagyň esassyzdygyny öňe sürdi.
ABŞ: iki söweş üçin 118 milliard dollar soralýar
15.02.2011
Pentagon 2012-nji ýylda goranyş hajatlary üçin ABŞ-nyň döwlet çykdajylarynyň proýektini çap etdi. Bu iş üçin umumy alnanda 671 milliard dollar gerek bolar.
Owganystanda harby operasiýany dowam etdirmek we Yrakdaky amerikan kontingentini saklamak üçin 118 milliard dollar soralýar.
ABŞ-nyň goranmak ministri Robert Geýts býujetiň proýektiniň Owganystanda bolmaly 98 müň esgerdir ofiseriň sanyny göz öňünde tutýandygyny aýtdy.
Ministriň sözlerine görä, Owganystanda ýagdaý gowulaşsa, goşun bölümlerini möhletinden öňem çykaryp bolar, ol bolsa serişde tygşytlamaga mümkinçilik berer.
ABŞ hem onuň ýaranlary 2014-nji ýylyň ahyryna çenli Owganystandaky howpsuzlygyň jogapkärçiligini owgan güýçlerine doly tabşyrmagy planlaşdyrýar.
ABŞ Eýranda bolan demonstrasiýany goldaýar
15.02.2011
Duşenbe güni Tähranda demonstrasiýaçylar bilen polisiýanyň çaknyşygy wagty bir adam ölüp, birnäçesi ýaralandy.
Aksiýa gatnaşyjylary ýurtda gadagan edilen gozgalyňçy Mujahetdin toparynyň prowokatorlarynyň oka tutandygyny Eýranyň häkimiýetleri tassyklaýar.
Eýran oppozisiýasynyň ençeme Web saýtynda motosiklli gelen näbelli adamlaryň ot açandygy aýdylýar. Şol çeşmeleriň maglumatyna görä, onlarça adam saklanypdyr.
Tährandaky aksiýany dargatmak üçin polisiýa göz ýaşardyjy gaz ulandy. Şeýle mitingler Yspyhan, Şiraz we Kermanşah şäherlerinde-de boldy.
Müsüriň we Tunisiň graždanlarynyň çykyşlaryny goldamaga oppozisiýa liderleriniň çagyryşlaryna jogap edip, ýüzlerçe eýranly köçelere çykdy. Aksiýa häkimiýetler tarapyndan gadagan edildi.
Eýranda demonstrasiýa geçiren oppozisiýa tarapdar adamlara ABŞ öz goldawyny bildirdi.
“Eýranyň köçelerine çykan adamlaryň umytlaryna we aladalaryna göni hem açyk goldaw bildirmek isleýärin” diýip, ABŞ-nyň Döwlet sekretary Hillari Klinton aýtdy.
Waşingtonda çykyş edip, Klinton Tährany öz graždanlaryna ýakynda Müsüriň ilatynyň eýe bolan azatlygy ýaly azatlygy bermäge çagyrdy.
Obama 2012-nji ýyl üçin býujetiň proýektini hödürledi
15.02.2011
ABŞ-nyň prezidenti Barak Obama 2012-nji maliýe ýyly üçin döwlet býujetiniň proýektini Kongresse hödürledi.
Proýekt 2011-nji ýyl bilen deňeşdirilende býujetdäki defisiti 500 milliard dollar gowrak azaltmagy göz öňünde tutýar.
“Býujetdäki ýetmezçilik bilen göreşiň hakyky ýoly - ähli ugurlar boýunça artykmaç çykdajylary azaltmak. Şeýle çykdajylar, hususan-da, içerki programmalarda, goranyşda, saglygy saklaýyşda ýüze çykarylar” diýip, ABŞ-nyň prezidenti Merilend ştatynyň Baltimor şäherinde eden çykyşynda aýtdy.
Amerikan prezidentiniň sözlerine görä, býujetiň kabul edilmegi ýakyn 10 ýylda býujetdäki ýetmezi bir trillion dollar gowrak azaltmak ugrunda ilkinji ädim bolar.
Respublikanlar proýekti tankytlap çykyş etdiler. “Döwlet çykdajylaryny azaltmak barada Obamanyň edýän teklibi ýeterlik däl, barybir defisit gaty uly bolmagynda galar” diýip, olar aýdýarlar.