Baýramyňyz bilen söýýänler we söýülýänler! :)
Salam "Söýgi" oýnuny oýnap, käte utup, käte utulyp başagaý bolup ýören agzalar! 🙂
Söýgiden gelýäris, barýarys söýgä,
Ýerden döräp, ýere gidilşi ýaly.
Şoň bilen beýikdir adam ynsaby,
Şoň bilen belentdir adam hyýaly.
Söýgä ynanýanlary we ynamaýanlary, söýgüsini ýitirenleri we tapanlary, indi gözleýänleri, söýgi gerek dälläý diýýänleri, söýgini kowalaýanlary we söýgiden gaçýanlary, söýgä mukaddeslik hökmünde garaýanlary we söýgini oýunjak edip ulanýanlary, söýgiñ nämedigini bilýänleri we bilmeýänleri, söýgiden doýanlary we söýgä suwsanlary, söýgä allergiýa berýänleri, söýgiden ýananlary we söýgide bagtly bolup ýörenleri, söýýänleri we söýülýänleri.. umuman ähliňizi bu günki baýram bolan Walentina güni, ýagny, Söýgüliler güni bilen, hem-de Hormatly Prezidentimiziň prezidentlige saýlanan güni bilen tüýs ýüregimden gutlaýan! Baýramyňyz gutly bolsun, söýýänler we söýülýänler!
Indi, geliň şu gün söýgi barada bir zatlar çyrşalyň?! Menä garşy däl. 🙂 Onda sözüm gury bolmaz ýaly menä bir oýlanmajyk ýazjak.
UNUTMA MENI
Gözleriň derýa, gaşlaryň köpri bolsa. Köpriniň ortasyna gelemde üzülse ýüpler. Ýaňaklaryňdan süzülüp düşsem dodaklaryňa, meni öpermiň ýa-da göz ýaşlaryň ýaly syryp zyňarmyň?! Razy, ähli jepaňa, ähli kynçylyklara, bir pursat seniň bilen bagtly bolmaga. Razy, ömürboýy jepa çekmäge. Söýmeseň söýme, unutmasaň bolar.
Maňa kän diýdiler unut ol gyzy, unut onuň bilen bagly arzuwlaryňy. Unutdym, unutdym emma seni däl-de unut diýenleriň baryny. Söýýän diýenleriň bary söýsedi eger, bu dünýäde ýalan söýgi bolmazdy, bu dünýäde ýalan söýgiden ýanan adam bolmazdy. Diýmezdiler maňa elini uzadyp "neresse". Puşman däl men hiç wagt ökinmedim seni söýenime, indem ökünmerin. Diýdiler dogalandyň sen, diýdiler ol gyz bir zat edipdir saňa. Dogry dogaladyň. Ol enaýy gözleriň bilen, näzik teniň gül ysynyň jadysy bilen.
Ýürekden söýenlere perişdeler kömek edermiş. Maňa bolsa diňe sen kömek edip bilersiň. Meniň derdim ten ýarasy däl. Meniň derdim belli däl ady ýok, dermany ýok, tebipleriň elinden hiç zat gelenok. Seniň bir bakyşyň derdimiň ýarysy, salam berişiň dertlerimiň barysy. Seni söýýänime näme üçindir düşinip bileňok. Dogrysy, meniňem düşünmeýänim ne sebäpden seni söýenim. Sen öz ýoluňy saýladyň, men bolsa şol seniň ýoluňda, ikimiziň ýolumyzy-da ahyr bir gün durmuş birikdirer. Şonda-da gana-gana suw içerin elleriňden, howlukman dararyn mahmal saçlaryňy, gündizler gözleriňden aýyrmaryn gözlerim, elleriňi düşürmerin elimden.
Ahh, senem meni meniň seni söýüşim ýaly söýsediň. Seniň üçin Ýaradandan ýalbarýan. Durmuşyňda gözleriňde ýaş bolmasyn, bolsun her wagt gyzyl dodaklaryňda ol enaýy ýylgyrşyň ezizim. Söýmeseň-de unutma meni.
Sözümiň soňunda ähliňizi ýene bir gezek gutlaýan! Esasanam gyzlarymyzy gutlaýan! Siz mydama-da söýülmäge mynasypsyñyz! Umuman, hemmäňize öz taýyňyzy tapmaklygy, tapanlara bolsa ony aýap saklamagy, hiç wagt ýitirmezligi dileýän!
Adam ogly uçraýandyr hesere,
Söýülýän mahaly, söýýän mahaly!
Günler meňzär bir gyzykly esere,
Söýülýän mahalyň, söýýän mahalyň!
Şonuň üçinem mydama söýüp we söýlüp ýaşaň eziz adamlar! "Söýgi" atly synag oýunda diñe ýeňiş üçin ymtylyň! Üstünlikler hemraňyz bolsun!
Arşivin durumu
● Tam metin
● 74/74 yorum korunmuş
Yayımlandığı site: teswirler.com · Kaynak: Web Archive kopyası — ertir.com, 4 Ağustos 2012 · Orijinal sayfayı gör ↗
Yorumlar 74
hay utancsyz😆😆😆
cep elinde betcilik etsen tuy bitenok 😆
tob etdim..adam gepine dushunenoklaram bular
sen akyllyjaaaaaa dusundirip goyber 😆
hahaha😆😆😆
onem biri asgyranda sabyr et diyseler onem sabyry edip shu gune dushdumda diyipdir😆😆😆
ay oglan meni gunume goy (oyun etdim diyyan smaylik)
oyuny azrak etmeli😆😆😆
heyyyy millet haysiniz Enrikin aydimlarni govy goryaniz?👏
GOYUN etdim smaylik 😆 goyunam edilyami 😆😆😆
bah her zat etjegay adam pahyr gyssansa😆😆😆
enriki iyilyan zatmy name ol😆😆😆 belki erik diyjek bolansyn😆😆😆
turkmengerchegi bar bolsa floodistandyrlay 😆 😆
oooooooo gawjamyn 😆😆😆 dunye dursyn fludystan dursun
hawa şükür 😆 özüň nähili? den valentin belleýäň öýdýän bu mowzukda 😆
ay menem boljak erbet bolsada gowy diymelida😆😆😆 ay etjek zadym name gyz yok zat yok 😆😆😆
goooool dostumyz hayysh edipdir,gerek dalde how...Tm razor,tm gercheg...menem geldim azyrak yazyshaly,sonrak giderisda barden 😆
goooool mana ak pata bersene dost ishe durjak bolyanlay😆😆😆
Yene soygi...