Şu Goşgy Haysy Şahyryngky?!
Näme diýse, şony diýsin özgeler,
Meniň bu meselä öz garaýşym bar:
Adam ýalňyşýarmy, diýmek, özgerer,
Diýmek, oňa soňra ösüş garaşýar!
Alym bolsun, işçi bolsun ýa aşyk,
ÝA-da meýdanlaryň häkimi daýhan,
Olar ýalňyşlyklaň üstünden aşyp,
Ýeňişi özüne çekýärler hökman!
Olara duruw ýok. Olarda güýç baar,
Olar bulaşyp ýör maňlaý derine.
Otly çöpüň dänesi deý sürtülýär,
Olar şowsuzlyklaň kükürtlerine.
Durmuş Kiselýowyň “Algebrasy” däl,
Durmuş algebradan çylşyrymly has.
Onda ýalňyşmagam asyl günä däl, -
Çünki ýalňyşmazlyk üçin ýalňyşýas.
Bilýän ýalňyşmaýan adamlar-da bar,
Syn etseň, wagty hoş, gowy ýalydyr.
Emma, gör, termosa guýlan suw kimin,
Ne bir ýylaýandyr, ne sowaýandyr.
Ýalňyşýanlaň lapy keçdir elmydam,
Gynansa buzdur ol, begense – otdur.
Ýalňyşmasyn diýip başga bir adam,
Onuň ýalňyşmagy bilseň oňatdyr.
Ýer ýüzüne tohum sepiň, el ýetse,
Tohum sepip utulan ýok, utan bar.
Il-gün üçin sçhelçe-de haýr etse,
Işiňizde ýalňyşmaga utanmaň!
Arşivin durumu
● Tam metin
● 9/9 yorum korunmuş
Yayımlandığı site: teswirler.com · Kaynak: Web Archive kopyası — ertir.com, 5 Ağustos 2012 · Orijinal sayfayı gör ↗
Yorumlar 9
Gurbannazar Ezizowyn goshgusymy? 🙂
Yakynda okapdym shu goshgyny.Ezizowynky...
Mekdepdekak,edebiyatdan Gurbannaza Ezizowyn doredijiligini owrenenimizde goshgynyn shu bendine dush gelipdim:
Durmuş Kiselýowyň “Algebrasy” däl,
Durmuş algebradan çylşyrymly has.
Onda ýalňyşmagam asyl günä däl, -
Çünki ýalňyşmazlyk üçin ýalňyşýas.
deneshdirmesi gowy bolupdyr shu tayda.
Wiiiy goshgyn ady yatdan chykypdyr, YALNYSHLYK bolmaly. Yurek berin indi atawatan aga bilenim uchin 😉😎
G.Ezizowyn stiline menzeya..yone okanym yadima dushenok bu goshgusyny..
bilemok
kerim aga bolmasa
Bu goşgy Ezizowyňky.
Çary Ýegenmyratda-da şeýleräk bir goşgy bolmaly.
Pikir etme gün aýlamak hakynda
Günüň dogup-ýaşyşyna aşykkaň.
Bu sözlermi doga edip dakynma
Gülün döken pisse bilen ýaşytkaň.
Durmuş meselesi bolsun huşuňda,
Kyndyr ol algebraň deňlemesinden.
Onsoňam mährem bol deňi-duşuňa,
Göwni sowuk diýip geňlemesinler.
Mährban ýyllaryň deňinden geçip,
Başyň şlýapaly adam bolansoň,
Ýagşylykda ýatla garyp agaňy
Göwnüň küýsäp geçmişiňe dolansaň.
Göwün diýlen däldir pars aýlagy,
Joşgunyna, gaýtgynyna esetgin.
Ötegçi şatlygy bagtym saýmagy
Men-ä, jigim, geçen ýyl güýz bes etdim.
...................................
...................................
Uzak ömür sürüp ýeriň ýüzünde
Öz ajalňa ölmek miýesser etsin!
Soňky bendiň başky iki setiri ýadyma düşmedi.
...Göwün diýlen däldir pars aýlagy,
Joşgunyna, gaýtgynyna esetgin.
Ötegçi şatlygy bagtym saýmagy
Men-ä, jigim, geçen ýyl güýz bes etdim...
öraen çeper goşgy. kab aga, sag bolung.
köp sag bolung. men Ezizowyng hemme goşgularyny bilyaen öydyaerdim.
şaegirt halypasyn bilmeyaen eken :(
yöne, G. Ezizing goşgusydygy 100 % anyk. hiç duş gelmedim şunga yalngyşmasam.
şonung galamyndan çykandygy belli, yöne şonga öykünip yazan bir şahyryngkymyka ya diyen ingkise gitdim.
sag bolung. hemmaengize minnetdarlyk bildiryaen.