Dostum

Dostum
 
Men senden köp zada tamakin däldim,
Ine, şu zatlary duýsadyñ, dostum.
Yhlas bilen öñe atamda ädim
Senem ýüregiñden uýsadyñ, dostum.
 
Her kişide öýkede bor, kinede,
Bilýäñ, agyr ýarañ baryn synada.
Gijelerne oý-pikirler gynasa,
Meniñ nalyşymy duýsadyñ, dostum.
 
Bardy bir depderçäm- durşuna keşde,
Bir gün keşdelerim ýakyldy peçde.
Şol peçiñ içinde galamda teşne
Senem ýagyş bolup guýsadyñ, dostum.
 
Saña daýap gaý-tupanda arkamy,
Ýazdym ýalan dünýe hakda arzamy,
Köpelende duýgularyñ arzany
Seniñ barlygyña buýsandym, dostum.
 
Alymlaram öwürermiş zalyma
Köp aldansañ keç pelegiñ alyna.
Düşünerdiñ meniñ garyp halyma
Bir damja gözýaşda buýsadyñ, dostum.
 
Ine, bu gün bolsa senden uzakda
Ýüregim bikarar urýar gursakda.
Maña düşmeseñ-de käbir pursatda
Men seni ýene-de küýsedim, dostum.
 
1998