Näme üçin iýmitler duzlanyp saklanýar?

  Iýmitleriň zaýalanmagyna göz bilen görüp bolmaýan kiçijik mikroorganizmler sebäp bolýar. Bakteriýalar iýmitlerimiziň içinde sähelçe wagtyň içinde köpelip bilýär.

Mysal üçin bir bakteriýa özüne amatly ýer tapan ýagdaýynda 24 sagadyň içinde bir milliona ýetip bilýär. Bu bolsa şol iýmitiň zaýalanmagyna getirýär. Bakteriýalar aşa gyzgyn ýa-da sowuk ýerlerde köpelip bilmeýär. Iýmitler doňduryjyda zaýalanman uzak wagt saklanýar. Ondan başga- da bakteriýalar şekerli, aşa duzly, spirtli, kislotaly iýmitlerde ýaşap bilmeýär. Şulary göz öňünde tutup, adamlar arzan hem-de saglyga zyýansyz bolansoň iýmitleri duzly suwda saklamak usulyny ulanýarlar. Bu usulyň adyna “Duza ýatyrmak” hem diýýärler.