MÜKELLEF

BISMILLÄHIRRAHMÄNIRRAHYM.
Akyly ýerinde bolan we bulug çagyna giren (kämillik ýaşyna ýeten) oglan we gyzlara "Mükellef" diýilýär. Mükellef bolan kişiler, Allahu teâlânyň emr we gadaganlaryna uýmaga borçlydyrlar. Dinimizde, mükellef bolan kişä , ilki bilen iman etmek we soňra ybadat etmek emr edildi. Aýratynam gadagan edilen haramlardan we mekruhlardan saklanmak gerekdir.

Akyl, düşünmek üçin bir güýçdir. Peýdalyny zyýanlydan tapawutlandyrmak üçin ýaradyldy. Akyl bir ölçeg guraly ýalydyr. İki gowy zatdan, has gowysyny we iki erbet zatdan has erbedini tapawutlandyrar. Akylly bolan, diňe gowyny we erbedi bilýän dälde, gowyny gören wagty alan we erbedi gören wagty ony terk edendir. Akyl göz ýalydyr. Din hem ýagtylyk ýalydyr. Ýagtylyk bolmasa göz hem görmez.

Bulug (kämillik) çagy, erginlik ýaşy diýmekdir. Oglanlaryň bulug çagyna girmegi 12 ýaşy dolanda başlar. Oglanyň kämillik ýaşyna girenini görkezen alamatlary bardyr. Bu alamatlar görünmese 15 ýaşyna gelende dinde kämillik çagyna girdi diýip höküm edilýär.
Gyzlaryň bulug çagyna gelmesi (kämillik çagyna girmegi) 9 ýaşyny dolduranda başlar. Eğer 9 ýaşyny dolduran gyzda kämillik çagyna geleniniň alamatlary görünmese dinimizde 15 ýaşy dolanda kämillik çagyna geldi diýip höküm edilýär.

REGAIB GIJESI.
Pygamberimiz Muhammed aleýhisselam Hadysy şerifinde şeýle buýurdy :
Şu bäş gijede edilen doga-dilegler yzyna gaýtarylmaz: Regaib gijesi, Berat gijesi, Juma gijesi , Ramazan baýramy we Gurban baýramy gijesi. [I.Asakir]
Bellik: Regaib gijesi Dördünji gün agşamdyr.

Line id: @zfk7128t