Täret we azan barada

Essälämu aleýkum mowsyk azdyr amal etseň sogaby kändir inşAllah.

Her kim täretden soň: «Subhaneke allahumme, bihamdike, eşhedu ellä ilähe illä ente wahduke lä şerike leke westagfiruke we etubu ileýke we eşhedu enne Muhammeden abyduke we resuluk» ýagny «Allatagala, saňa öwgüler ýar bolsun! Senden başga Hudaý we şärik ýokdur. Seniň günälerimizi geçirmegiňi senden soraýaryn we saňa toba edýärin. Muhammediň hem seniň Resulyňdygyna we bendäňdigine şaýatlyk edýärin» diýse, ol bendäniň amallaryny bir perişdä: «Arşa alyp bar» diýip emr eder. Ol perişde ony arşa alyp barar we oňa tä kyýamat gününe çenli möhür bolsun diýer

Resul alaýhyssalam aýtdy:

— Haçan-da azançylar azan aýtsa ýuwaş-ýuwaş aýtgaý. Azançy: «Haýýa alassalat – (Namaza howlugyň) diýen wagtynda eşiden bendeler: «lä howle wela kuwwete ilä billähil alyýýyl azym (Ähli güýç kuwwat Beýik Allanyň elindedir)» diýgeý. Haçan-da azançy: «Haýýa alel felah» (Halas bolmaklyga howlugyň)» diýende eşidiji bendeler: «Mä şä Allahu känä mä lem ýeşä lem ýekun – (Allanyň isläni bolar, islemedigi bolmaz)» diýgeý. Ondan soň Haktagala azança näçe mukdar sogap berse, ol eşidijä azançynyň edenini gaýtalany üçin hem şol mukdar sogap bergeý.