Hany, öňki ýygnanlar?!

Ýüregi garadan bolsa adamyň,
Günäli bolarmyş äden ädimiň,
Seni Adam diýip ýaratdy ALLA,
Adammy sen ýa-da onuň adymyň?!

Hakyň buýrugyna kim bolsa ýalta,
Näme jogap berjek soralsa erte?!
Her zat öz wagtynda edilse ýagşy,
Çüňki adamzadyň ömüri kelte. :(

Ýüzüň göge tutup heddiňden aşma,
Uly, güýçli bilen barma, sanaşma,
Pesde-de Allanyň rysgaly az däl,
Aklyň bolsa has beýige dyrmaşma.

Nebis seni goýmaz, her ýana dartar,
Jylawyn goýberseň azaby artar,
Il-günüň azabyn, hakyny iýseň,
Ýadyňdan çykarma ömrüňden kerter.

Zähmet çekip iýse kim halal nany,
Ömri uzak bolup sag bolar jany,
Hars urup, haramdan ýygnajak bolma,
Senden öňki ýygnan adamlar hany?!