Türkmenistanyň futbol klublary we olaryň sponsorlary

Salam online we offline agzalar!

Futbol bilen gyzyklanýan adamlañ hemmesi bolmasa-da köpüsi türkmen futboly, ýokary ligamyz, milli ýygyndymyz we ş.m. zatlar bilen gyzyklanýar. Türkmen futboly bilen gyzyklanýanlar üçin gyzykly bolar diýen maksat bilenem şu temany açdym.

Indi, Türkmenistanyň ýokary ligasynda çykyş edýän futbol klublara sponsorlyk (hemaýatkärlik) edýän firmalaryñ, guramalaryñ... haýsylardygyny bilmek siz üçin gyzyklymy? Onda ýazaýyn. Men bulary belli bir çeşmä esaslanyp almadym, şoň üçin ýalñyşlyklar bolsa sizem "guk" diýersiñiz-dä.

Türkmenistanyň ýokary ligasynda geçen möwsümde çykyş eden klublar we olaryň sponsorlary:

1. FC Balkan (Balkanabat) - "Türkmennebitönümleri" döwlet kärhanasy;

2. Altyn Asyr (Aşgabat) - "Altyn Asyr" öýjükli aragatnaşyk kärhanasy;

3. Lebap (Türkmenabat) - Lebapdaky hytaýly gazçylar;

4. Ahal (Änew?) - Türkmenistanyň aragatnaşyk ministrligi;

5. Merw (Mary) - Marydaky "Şatlyk" gaz edarasy;

6. Şagadam (Türkmenbaşy) - Türkmenbaşynyň nebiti gaýtadan işleýän zawodlar toplumy;

7. HTTU (Aşgabat) - "Başkent" bilim merkezi we "Beko" firmasy;

8. FC Aşgabat (Aşgabat) - Aşgabat şäher häkimligi;

9. Daşoguz (Daşoguz) - Daşoguz sport komiteti;

10. Talyp sporty (Aşgabat) - TMS we SI;

(p.s.: ýokarky sanawda klublar býužetleri we futbolçylara berýän aýlyklary boýunça tertipde goýulandyr, ýagny, iñ baý klub FC Balkan, iñ garyby Talyp sporty)

Iñ köp aýlygy FC Balkan toparynyñ futbolçylary alýan bolmaly, pesiräk oýunçylary aýda minimum 1000-1200 manat (DTM) alýalar öýdýän, abraýlyrak futbolçylar ondanam 2-3 esse köp alýalar. Aýlykdan daşaram her utan oýunlary üçin her futbolça 400-500 manat (DTM) töwereginde tölenýär öýdýän.

Iñ az aýlygy Talyp sporty toparynyñ futbolçylary alýar, aslynda olañky aýlygam däl. Talyp (Türkmen milli sport we syýahatçylyk inistituty) bolansoñlar her aý berilýän talyp hakyna (stipendiýa) oýnaýalar. Talyp hakyñ möçberi geçen ýyl 394 Manat (DTM).

Ýene bir abraýly klubymyz HTTU toparynyñ futbolçylaram gowja aýlyk alýalar. Öýlenenler 1200 manat (DTM), öýlenmedikler 1000 manat (DTM) töwereginde aýlyk alýalar öýdýän. Soñam bulara FC Balkanyñky ýaly her utan oýnuña pul berilenok-da, yzly-yzyna üç oýun utsañ pul berilýär öýdýän.

Beýleki klublaryñ aýlyk ýagdaýlaryny bilemok.

Umuman şeýleräk. Eger nädogryrak ýerleri bolsa duýduryñ we beýleki klublañ aýlyk ýagdaýy barada-da maglumatlar bilýan bolsañyz ýazyñ, jogaplara garaşýan.

Gyzyklanyp okanyñyz üçin minnetdar! 🙂

Haýsy güýçli?