Aýlyklar we bahalar bile galdy
Türkmenistanyň resmi metbugaty 2010-njy ýylda dünýäniň köp ýurtlarynda ýüz beren ykdysady krizisiň Türkmenistanyň ykdysadyýetine öz täsirini ýetirmänligini, ähli pudaklar boýunça netijeli ösüşleriň dowam edendigini yzygiderli nygtap geldi.
Energiýa resurslaryndan gelýän girdejileriň möçberi, olaryň nirä sarp edilýänligi barada statistiki maglumatlar metbugat sahypalarynda çap edilmese-de, ýurtda amala aşyrylýan gymmat bahaly gurluşyklaryň sanynyň artýandygyna seredeniňde, ykdysady krizisiň Türkmenistandan sowlup geçendigine ynam döremän hem duranok.
Emma 2011-nji ýylyň başynda ýurduň içerki önümleriniň ençeme görnüşleriniň bahalary, esasan-da azyk önümleriniň bahalary ýokarlandy.
Emeli bahalar
Et we süýt önümleriniň bahasy Aşgabadyň bazarlarynda döwletiň gözegçiliginde bolup, bahalar emeli usulda biraz galdyrylman saklanýar. Et dükanlarynda etiň bahasy “9-10 manat” diýlip ýazylyp goýulýan bolsa-da, satyjylar müşderi bilen hasaplaşanlarynda 12 manatdan gowrak bahadan hasaplaýarlar. Şu sebäpdenem alyjy bilen satyjynyň arasynda närazyçylyklar ýüze çykman duranok.
Daşary döwletlerden getirilýän towuk budunyň, Baharly etrabyndaky guş toplumynyň öndürýän guş etiniň bahalary hem köplenç gümürtik bolmagynda galýar.
Gök we bakja önümleriniň bahasy bolsa görnetin ýokarlanýar. Soňky ýyllar ýyladyşhanalarda öndürilýän hyýar, pomidor diýäýmeseň, beýleki gök önümleriň we miweleriň ençemesi telekeçiler tarapyndan daşary döwletlerden getirilýär.
“Eger-de ýurduň içinde oba hojalygyny ösdürmäge ünsi güýçlendirseler bahalar beýle ýokarlanmazdy” diýip, aşgabatly ýaşaýjy - 45 ýaşly işçi Aýgül aýdýar.
Aýlyklar we kömek pullary
Döwlet tarapyndan aýlyklaryň, pensiýalaryň 10% ýokarlandyrylmagy her ýylda yzygiderli dowam edýär. Şu ýylyň ýanwaryndan hem pensiýalar, çaga pullary eýýäm artdyrylan görnüşinde tölenip başlandy.
“Ilatyň sarp edijiligini göz öňünde tutanyňda aýlyklaryň, pensiýalaryň, çaga pullarynyň 10 göterim ýokarlanmagy ýeterlik däl” diýip, Mary şäherinden 50 ýaşly öý hojalykçy Ogultäç aýdýar.
Soňra ol şeýle diýýär: “Eklenç ýagdaýlary pes hojalyklaryň mugtuna berilýän gaza, toga pul tölemeklige mejbur edilmegi bolsa güzeran ýagdaýyny has hem kynlaşdyrýar”.
Orta mekdepleriň mugallymlarynyň aýlyklarynyň 30-35 göterim ýokarlanandygy baradaky habarlar bolsa ilatyň sosial ýagdaýyny gowulandyrmaga has adalatly çemeleşme diýip, ýaşaýjylar belleýärler. Emma bu çäreler ähli ilat üçin deň derejede ýerine ýetirilse has gowy bolardy diýýänler hem az däl.
Ýakynda Bütindünýä banky öz hasabatynda 2011-nji ýylda Ösýän ýurtlarda azyk önümleriniň bahasynyň gymmatlamagy alada döredýän esasy meseleleriň biri diýip belläpdi.
Arşivin durumu
● Tam metin
● 43/43 yorum korunmuş
Yayımlandığı site: teswirler.com · Kaynak: Web Archive kopyası — ertir.com, 12 Mayıs 2012 · Orijinal sayfayı gör ↗
Yorumlar 43
gowy habar....
Ashagyndan yazmaly ekenin cheshmani... Azathabar.com diyip...
Yadtan cykypdyr natjek
dogrusy suratyn asajygynda yazya Azathabar.com Reklama garsy men 🙂
dogrusy suratyn asajygynda yazya Azathabar.com Reklama garsy men 🙂
Sagjabol 🙂
sirplayer,maglumatyng uchin sagbol,elbetde,sheyledir welin,garaz,biz bara suw resursynam goramaly,ol gurulyan,fontanlar,ol tureskiy otyng alyan suwy,iki gektar agach ekip bolyar,onsongam,mal bakmana,ekin ekmage her bir rayata mumkunchilik doretmelida,ozini eklap bilyan rayat,hokumede komek dalmi eysem,nalog diydi,yer diydi,beydip Akmak-ne kellesine,nede ayagna dynch beryar diyen yaly,promlemalary saga-chepe zyngyp aylanyp yorler,ya beylede dalmikan!
azathabar.com soñky döwür ýalanhabar.com'a öwrüldi öýdýän.
dogry pikir etyan sagja bol 🙂
pahandan koprak pul soramana govy boldy
Ay kamahal yalan habar hem peydaly bolya adam habarly bolsa gowy zat diyp pikir etdim:S
ay boş gürrün bolaymasa 😆 den taraply görkezjek yaly etjek bolyandyrlar yöne mun aşagynda başga zatlar yatandyr...
mena pomıdorlara gozum gıtday blum ıyaysen dıydırya 😆 gymmadam bolsa gowja bolsunda
Bu habar ýerliksiz, nädogry netije çykarylan habar. Azyk önümleriniň bahasy aýlyk haklarynyň köpelmegi bilen hiç hili baglanyşygy ýok. Etiň bahasy eýýäm bir ýyldan gowrak wagt bäri häzirki nyrhynda. Hyýar, pomidor hem bahasy günde telim gezek üýtgäp duran gök önümler. Aýlyklaryň köpelmegi bahalara täsir edýän bolsa, nämüçin tüwiniň, süýt ýa makaron önümleriniň bahasy üýtgemedi? Bahany bazar çözýär. Islegi köp we gyt azyk harytlarynyň bahasy üýtgäp biler. Emeli baha hem uzaga gitmez.
etin bahasyny galdyrmaz yaly miliseler kontrol edyar diyyaler. dogrumyka on eshitdim, bir galga-galyshlyk bolanda.
pomidoryn yokarda gorkezileni galan boldugy bolyarmy? on nachedi?
suratdaky baha arzan ekeni. Ongurak kilesini 5 manatdan alypdym
Pomidor öňräk, bir aý mundan ozal 30 000 manat hem boldy. Häzir 15-20 müň aralygynda.
15-20 mun manadam gymmat damay?
Oba gidip 10-15 gektar yer almaly owdyan pomidor sowdasyny eder yaly! Bahasy 4 manat eken! :-)))))!