ENE ÝÜREGI Hekaýa Awtory Bägül Kakalyýewa

Meni öýermek baradaky gürrüňlerini ejem baryp-ha mekdebi tamamlajak bolup ýören döwürlerim agzap başlapdy. Gelin edinmek, agtyk söýmek baradaky arzuwlaryny hälimi-şindi diline getirýärdi. Ýöne näme, arzuw diýeniň hemişe islege bagly bolup duranok. Ejem bilen kakam her näçe gyssansalar-da, meniň öýlenmek meseläm instituta girip, onuň ahyrky ýylynda okap ýörkämem çözülmedi. Bir günem ikiçäk otyrkak halys sabyr-takady tükenen ejem meseläni öňümde çürt-kesik goýdy: – Indi mundan artyk garaş diýme, oglum. Näme, ýaşyň ýetenokmy? Ýa ilden kem ýeriň barmy? Hana, deň-duşlaryň köpüsi birmahallar çaga-çugaly boldular. – Wah, eje, senem, hemme zady ap-aňsat edýäň goýaýýaň-aý. Seni gürletseň hökman «pylanam şeýdýär, pylanam beýdipdir» diýip, töwerekden mysal getirip ugraýaň. Kim ir öýlener, kim gijiräk öýlener....