AK KAGYZYŇ ÇAKYLYGY
Öňümde ak kagyz. Onuň ýüzüne üýtgeşik-üýtgeşik sözler, pikirler ýazasym gelýär. Goşgy setirlerimi, hekaýamy… parhy ýok, görülip-eşidilmedik zat ýazmaly. Şahyram aýdýar ahyryn „Oňarmasaň zaýalama syýany” diýip. Meniň syýa zaýasy, kagyz ganymy bolasym gelenok. Meniň üýtgeşik zatlary ýazasym gelýär. Şeýle bir üýtgeşik zatlary, okanlar haýran bolmaly, ýoldaşyna okatmaga ylgamaly… Ýokardaky sözlerimi köpüňiz degişmedir öýdensiňiz. „Degişdim, men hiç haçan beýle bir niýet bilen öňüme kagyz-galam almandym” diýsem siz maňa „Dogrusyny aýdýar” diýjekmidiňiz? Has dogrusy, „Men öz pikirlerimi, düşünjelerimi kagyza geçirýän. Olaryň görülip-eşidilmedik, ýa-da, haýran galyp okalyp, ýoldaşyňa okatmaga ylgalýan zatlar däligini özümem bilýän” diýmelimidim? „Sen entek ýaz, ýazanlaryň okanyňa degjek zatlar bir boljakmy, bellisi bolar” diýensiňiz. Ony menem bilýän, ýöne ak kagyzy zaýalasym gelenok… Obamyzda futboly ölemen gowy görýän biri bardy. Ol bir gün oturdy-oturdy-da „Näme üçin biziň ýigitlerimiz şular ýaly oýnap bilenoklar? Şol bir togalak pökgi, şol bir aýak, ýaşyl meýdan, oýnuň düzgünlerem hemmä deň” diýdi. Ýöne diýibem oňaýmady. Obaň on bäş-on alty ýaşly ýetginjeklerini daşyna ýygnady. Şäherden pökgi alyp geldi. Ýaşyl meýdança açdy. Garaz niýetini amala aşyrmaga girişdi. Özem „Görersiňiz dört-bäş ýyldan bu ýigitlerden Peleler, Zidanlar, Ronaldolar çykar. Olara millionlap dollar tölärler” diýýär. Ýyl diýeniň ölmedige geçip dur. Dört-bäş ýylam geçdi. Obadaşymyz her näçe yhlas etse-de millionlap dollara satyn alynýan oýunçylary ýetişdirip bilmedi. Ýogsa, özem, ýigitlerem ýaşyl meýdaçadan çykmadylar. Beýdäýmek oba ýerinde aňsadam däldi. Oglanlaryň ejeleri-kakalary „Oglum beýdip top depip ýöreniňden mallaryňa bir halta ot ýygsaň peýdaly dälmi?” diýip gygyryp durdular. Gepiň gysgasy, garaşylýan netijä ýetilmedi. „Baş tälimçi” lakamy berlen obadaşymyzdan başga, dogrusy, üýtgeşik netijä garaşýanam ýokdy. Dogry, oglanlardan iki-üçüsi öz derejelerinde gowy oýunçylar bolup ýetişdiler, bolany. Bu mysaly özüm üçin getirdim. Üýtgeşik zat ýazaryn diýip ýazyp başlanlarymdan bir-iki sanysy (olam bar bolsa) okamaga ýarady. Galanlary boş zähmet bolup galdylar. Näme üçin? Üçini kän. Bolmajagyny görüp „Men-ä ýöne ýazan bolaýýan” diýdim. Soňam „Gowşak görsemem, gazetler çap edip dur, okalýaram diýýärler. Üýtgeşik zat kime ýetdirip dur” diýdim. Garaz gep gytmy. Emma üýtgeşik zat ýazmak höwesim içimde düwün bolup dur. Şol üýtgeşik zat ýolbars bolsady, elim ýalaňaç gylyçly öňüne barsam. Ýeňsemem, ýeňilsemem özümi bir tanasam. Iň ýamanam obamyzyň „baş tälimçisiniňki” ýaly, kösenjim dört-bäş ýyllygam däl. Ömrüm ötünçä dowam etjek gitjek oturjak. Käte-käte bu ýola baş goşan günüme nälet aýdasym geliberýär. Öňümde bolsa ak kagyz… Belki men baş goşan zadymyň nämedigini bilýän däldirin? Obadaşymam futboly söýýärdi, emma onuň nämedigini bilmeýärdi. Kimdir biriniň „Edebiýat diýilýän çeper toslama. Kim owadan, çeper edip bir zady toslap ýazyp bilse, şolam edebiýatçy bolýar” diýenini eşitdim. Birbada dogry ýaly göründi. Hakykatdanam, hatda Dostoýewskiýiň romanlaryndaky gahrymanlaram toslanyp tapylan. Meniň şowsuzlyklarymyň köki ine, şu ýöntem düşünjede bolsa gerek. „Baş tälimçem” pökgini depip bilseň bolany diýip düşünýärdi. Dostoýewskiý hakykatdanam toslapdyr. Emma toslan gahrymanlarynyň derdinden tutgaýy tutup, gahrymanyna sanjylan pyçak ýazyjysynyň bednine gan öýdürer eken. Onsoň şeýle dert çekilip ýazylan eserleri okan adam gözünde ýaşyny saklap biljekmi?! Perhadyna daglar gazdyran şahyr bu toslamasy bilen bize söýgüniň belent mertebesini açmadymy näme? Sandygyň içinde, uly derýada akyp-akyp, gelibem aşygyna gowuşýan magşuk, heý, ynanyljak zatmy? Emma oňa ýalandyr diýmäge hiç kimiň dili barmaýar. Hakyky edebiýatda şeýle ýalanlar, toslamalar barmak büküp sanardan kän. Asyl olaryň uçdan tutma ählisi şulara meňzeş toslama. Eger men olara toslama diýýän bolsam, diýmek özüm toslama ýazyjydyryn. Lew Tolstoýyň „Uruş we parahatçylygyna” ýazyjy söz uzaldypdyr, hakyky eser iki-üç kagyzdan geçmeli däl diýýän bolsam, diýmek men Tolstoýy okanam, okajagam däldirin. Magtymgulyň: „Beýik dagyň başyndaky üç agaç, Düýbi bir bolmasa çatyp bolmaýar” diýen setirlerini okap, „Şularda üýtgeşik näme bar?” diýýänler edebiýada hiç haçanam düşünmezler, düşünenem däldirler. Edbiýadyň gudratyny duýmakdan barha daşlaşyp, oňa çeper toslama diýýänler, ynsanlyk ýolundan ters tarapa gyşarandyklaryndan habarsyzdyrlar. Hakyky edeiýat adamzadyň halasgäridir. Bir ýazyjynyň „Beden aşa semreýän bolsa, diýmek ruh horlanýandyr, tapdan düşýändir” diýen sözleri aňymdan çykanok. „Bedeniň aşa semremegi” adamyň gözüni gapýar. Adam Aýazhanyň çarygyna bakmajak bolup, ondaky aýdylanlara „ertekidirdä” diýip elini salgaýar. Söýgüni inkär etmäge çalşyp, Mejnuna däli diýmäge durýar. Edebiýada toslama diýýänler ony okasalar halalyň-haramyň, günäniň-sogabyň nämedigine düşünmeli boljakdygynyň gorkusyna diýýärler. Ak kagyzdan çörek iýýänleriň aşyna awy gatyp bilseler armanlary bolmaýar. Edebiýat üýtgeşik bir zady ýazmak däl bolsa gerek. Ol islendik halkyň ruhy güýjüniň aýnasydyr. Halkyň ejizlän mahaly ejiz edebiýat orta çykar. Ol barha sandan galar we asla hasaba-da alynman başlar. Derde ýaramaýan kitaplar ýazylar. Emma bu, edebiýadyň ejizligi däldir, edebiýatçylaryň ejizligidir. Hakyky edebiýat ýaralara melhem, göwünlere galkandyr. „Hak şahyrlar iliň ary-namysy…” diýip bilen şahyr, „Meni tohum kimin ýygnar bu toprak” diýmäge ukyplydyr. Olar ertir özleriniň gögerip çyjakdyklaryndan habarlydyrlar. Hernäçe „Kitap okaýan barmy? Goşgyň kime gerek?” diýilse diýilibersin, hak şahyrlar iliň hakydasynda gögrjekdiklerine berk ynanýandyr. Çünki meýdanlar-düzler al-ýaşyl öwüsmän bilmeýär. Halk Pyragysyz oňmaz. Ýazyjyny gijelerine ýatyrmaýan, ak kagyza ýüregini berip ýazdyrýan diňe öz yhlasy däldir, iliniň yhlasydyr. Ýazyjylyk şol yhlasy duýmakdan başlanýar. Miwesini diňe men iýmeli bolsam, goý eken agajymam gögermesin. Ýazyjydan üýtgeşik zada garaşmaň, ol diňe sizi ýazar, özüni ýazar. Özünden garaşýanyňyzy ýazar. Siz oňa gül diýseňiz gülüňiz bolar, bilbil diýseňiz bilbiliňiz. Ýüzüne ursaňyz, biçäredir, Mejnunynyň yzyna düşer çöle çykar. Firdöwsä her setirine bir altyn bereýin diýip namalaryň şasyny ýazdyran patyşa „Bir kitaba munça pul kän bolýar” diýip, her setirine mis pul tölemeli edipdir. Setirleriniň gymmatynyň şeýle pese gaçyrylanyny görüp Firdöwsi berleni alman yzyna dolanypdyr. Soň, kitaby okap çykan patyşa „Her setirine bir altynam az eken” diýip, Firdöwsiň yzyndan altyn ýükli kerweni ugradypdyr. Kerwen şahyryň öýüne golaý gelende Firdöwsi ölüm ýassygynda eken. „Ýok, men bu jerweni gpymda görmek üçin ýazmadym” diýýän ýaly serpaýyny getiren kerweni görmänem jan beripdir. Soň, kerweniň gelip saklanan ýerinde diwar galdyrylypdyr. Diwardan elli ädim çemesi bärde bolsa beýik şahyryň gubury… Hakykatdanam „Şanamanyň” her setiri altyndanam gymmat bolup çykdy. Adamzat ony dürli dillerde satyn alyp okap, asyrlar boýy bahasyny töläp gelýär. Magtymguly bir guldur, Guldugyna kaýyldyr… Guldur, emma Fettahlary dyza çökeren guldur. Edebiýadyna, edebiýatçysyna gul ýaly garan halkyň özi öz nadanlygynyň guludyr. Hakyky edebiýatçyny göwher gaşa deňäp, depäňe täç edeňde-de, ol ýene Magtymguly bir guldur, Guldugyna kaýyldyr – diýer. Hak şahyry ýalan şahyrdan, hakyky edebiýat adamsyny, çeper toslamaçydan tapawutlandyrýan sypat onuň gul bolmaga kaýyllygynda ýa-da däldiginde jemlenýän bolsa gerek. Hakyky şahyr iline gulka, ýasamalar nebsine gulluk eder. Nebsine, şöhradyna, ýalana… gulluk eder. Aýnany Güne tutsaň, ondan şöhleler döwlüp gaýdar hem başga bir ýerini ýagtylandyrar. Bir akyldaryň alan bu mysalyny ýazyjylyk bilen baglasym gelýär. Ýazyjy şol aýnadyr. Gün bolsa ynanjydyr. Ýüzi Güne tarap bolan aýnadan şöhleler ýaýrar. Ýüzi Günden sowulan aýnada şöhle ýokdur. Ýazyjynyň ýüreginde okyjysyny ynandyryp biljek derejede ynanç bolmalydyr. Özünde ynanç bolmadyga kim ynanar? Magtymguly şol ynanjyň guludyr, onda-da halkyny yzyna düşürip biljek derejedäki bir guldur. Şeýle bir guldur, özünden üç asyr soň gelen galamdaşy: „Magtymgulyň çaýlar içen çäýnegni, Ýuwup-süpürmäge hukuk gazansam” – diýip ýazar. Gul kim? Olam ynsan, ýöne urlyp-sögülmäge kaýyl, hyzmata taýýar ynsan. Bilalam bir gul. Diňe „Allahu Ekber” diýeni üçin hojaýyny tarapyndan gynalyp öldüriljek bolunýarka sözünden dänmedik, satyn alnyp halas edilen gul. Bilal azany dogry aýdanok, ýerine başgasy aýtsyn diýlende, Daňyň atmasy gijigipdir. Pygamberimiz şonda, azana Bilal gygyrmasa daňyň atmajagyny aýdypdyr. Soň Bilal azan aýtmaga duranda, daňam agaryp başlapdyr. Muhammet Pygamberimiz magraja çykanda aýagynda Bilalyň köwşüniň bardygyny görüpdir. Çünki bu guluň merdanalygy deňsiz-taýsyzdyr. Ine gul kim! Ak kagyz sen meni gul bolmaga çagyrýarsyň. Men bolsam görülip-eşidilmedik üýtgeşik bir zat ýazmagyň aladasynda…
Arşivin durumu
● Tam metin
● 36/36 yorum korunmuş
Yayımlandığı site: teswirler.com · Kaynak: Web Archive kopyası — ertir.com, 31 Temmuz 2012 · Orijinal sayfayı gör ↗
Yorumlar 36
Haladym diýip, halanlaryna goşýan agzalara minnetdar. Gara pişik ýaly nämesini, niresini halanyňyzy ýazsaňyz begenerdim hem indi okajaklara üns bermeli zatlary salgy bererdi.
Munyñy doly okan bir bolarmyka? 🙂
sonuna gelyancham bashy yadymdan chykdy. 😆 gysgarak jemlesen 🙂
Hakyky edeiýat adamzadyň halasgäridir. Ine shu sozi men yatlama depderchame yazyan. Owadan we oylandyryan bu yazgynyzy yene okajak. Belki-de 3-4 gezek okap son teswir yazmalydyryn. Belki-de ,oz yazgylarymy hem okap sonra yazmalydyryn. Belki-de...
Sizin,,uytgeshik yazmak,, duygunyz mende-de bar. Shol yazjak bolyan zatlarym uchin sheyle bir owadan atlary tapyaryn welin, sonra ozi yazylanok.Kagyzy zayalamajk bolup yazmagymy goyaysammyka diydirdiniz bu yazgynyz bilen. Ya-da ayal ishleri bilen gumra bolubereyinmi? keshde,haly,bish dush? Onda-da ,ichimde,, wulkan,,bar. Aytjak zatlarymy hem yitirdim. Aytjak zatlaryny aydyp bilmeyanden yazmak nire,pozmak nire?
Ýazýan adam oňarmasa kärini
Galamyny alyp, döwmek lazymdyr.
Başyn iki bölüp döwedi ýaly,
Ýüzün syýa bilen ýuwmak lazymdyr.
Ýazan zatlaryndan bir tanap işip,
Elin daňyp, ilden kowmak lazymdyr
Bu hem Alyshir Nowayydan .
ay dossss, basy bilen sonuny okaydym menaa, erbedem dal yaly oza...
Herhili adamlar gecyaler yoldan. Yoluñ kenarynda koshk bar. Binyady yhlasdan, kerpiji sozlerden gurulan. Biri depesine seredip halaya binany biri binyada. Biri ichine girip goryar gaty owadan eken diyip. Biri dushinyar gymmatly hazynalar bn doludygyny beylekisi bolsa ideyanini tapman chykyp gidyar. Yone her kim nesibejigini alyar.
siz manga bir zatlar yaz diyyaengiz, yhlasly? yeri, şulary okansong men naeme yazayyn? öngki sapar Gurhanda bir süraening düşündirişini okap 1-2 yyl özüme gelip bilmaendim. şol wagt manga şeyle çungngur taesir edipdi. bolyar, menem şu duygy barada bir wagtlar bir goşgujyk yazypdym. hiç kime görkezmek niyetim yokdy welin, sizing yazgyngyz, Gurbannazaryng ongarmasang zayalama syyangy diyeni, didaryng yazan teswiri we Nowayynyng goşgusy, şulary okamsong kellaemde dinge şol oynam sözler yanglanyar. başga wagt bolsa, yadyma hem düşmezdi. bolyar, şeyleraek:
ykbalyndan nadyl gayragsyz palta,
pikir döredenok içi boş galam.
neçüyn yarmayangyz gursagmy darka?!
ah, ejiz goşgulam...
ejiz goşgulam...
ho-ol gayadan gaydyan şaglaewuk deyin
deşersingiz öytdüm yering gabygyn.
halypalar içip durusyn meying,
bizing yala goyupdyrlar laebigin.
yazjak bolsang, yazmaly sen gowusyn,
ong üçinem dökmek gerek köp deri.
duygularym!
belentlere towusyng!!!
bolanokmy?!
hapalama depderi.
gap bilinden döwülipdir ok-yayym,
synlayarkam mergenligni başgalang.
il öngünde sizi naedip okayyn?!
ah...
ejiz goşgulam...
ejiz goşgulam...
bu duygy osuşun alamaty, beyikliklen gozbaşy boluşy yaly ençemeler üçin bolsa gaty agyr synag soragymyka oytyarin.
muslim_boy.
okde adamlar dini goshgy yazman dini goshgy yazyalar.
dini hekaya yazman, dini hekaya yazyalar.
okarsyñ, gorersiñ welin Allah diyman Allahy dushundirer.
ony okdelik bilen yazyshlary yaly okdelik bilen duymak gerek.
(edebiyatda) gonumellik - kan bir gowy dalmika diyyan.
Kuran hem goshgy gornushde yazylan. bu kitap bashga, emma onda hem gonumel yerlerem bar, gizli yerlerem....
dushunishendiris diyen tamam bar.
men yazyanchy dal-de okayanchy bolanym uchin okan yerlerimden halan setirlerimiñ ashagyny chyzjak (basharyan zadymy bir edeyin)
...Dostoýewskiýiň romanlaryndaky gahrymanlaram toslanyp tapylan. ...Dostoýewskiý hakykatdanam toslapdyr. Emma toslan gahrymanlarynyň derdinden tutgaýy tutup, gahrymanyna sanjylan pyçak ýazyjysynyň bedenine gan öýdürer eken. Onsoň şeýle dert çekilip ýazylan eserleri okan adam gözünde ýaşyny saklap biljekmi?!
Perhadyna daglar gazdyran şahyr bu toslamasy bilen bize söýgüniň belent mertebesini açmadymy näme?
Sandygyň içinde, uly derýada akyp-akyp, gelibem aşygyna gowuşýan magşuk, heý, ynanyljak zatmy?
Emma oňa ýalandyr diýmäge hiç kimiň dili barmaýar.
Hakyky edebiýatda şeýle ýalanlar, toslamalar barmak büküp sanardan kän.
Asyl olaryň uçdan tutma ählisi şulara meňzeş toslama.
Eger men olara toslama diýýän bolsam, diýmek özüm toslama ýazyjydyryn.
Lew Tolstoýyň „Uruş we parahatçylygyna” ýazyjy söz uzaldypdyr, hakyky eser iki-üç kagyzdan geçmeli däl diýýän bolsam, diýmek men Tolstoýy okanam, okajagam däldirin.
(dos... yaltanman yazdyñmay diyilyan teswirler yadyma dushdi.)
..Edebiýadyň gudratyny duýmakdan barha daşlaşyp, oňa çeper toslama diýýänler, ynsanlyk ýolundan ters tarapa gyşarandyklaryndan habarsyzdyrlar.
Hakyky edeiýat adamzadyň halasgäridir.
Bir ýazyjynyň „Beden aşa semreýän bolsa, diýmek ruh horlanýandyr, tapdan düşýändir” diýen sözleri aňymdan çykanok. „Bedeniň aşa semremegi” adamyň gözüni gapýar.
Adam Aýazhanyň çarygyna bakmajak bolup, ondaky aýdylanlara „ertekidirdä” diýip elini salgaýar.
(din ertekidir diyyanler yadyma dushdi)
Söýgüni inkär etmäge çalşyp, Mejnuna däli diýmäge durýar.
Edebiýada toslama diýýänler ony okasalar halalyň-haramyň, günäniň-sogabyň nämedigine düşünmeli boljakdygynyň gorkusyna diýýärler. Ak kagyzdan çörek iýýänleriň aşyna awy gatyp bilseler armanlary bolmaýar.
Edebiýat üýtgeşik bir zady ýazmak däl bolsa gerek. Ol islendik halkyň ruhy güýjüniň aýnasydyr.
Halkyň ejizlän mahaly ejiz edebiýat orta çykar.
(ejizligimize goylan diagnozlardan biri hasaplayan)
...Derde ýaramaýan kitaplar ýazylar. Emma bu, edebiýadyň ejizligi däldir, edebiýatçylaryň ejizligidir.
(ejizleyan edebiyatchylaryma goylan diagnozlardan biri hasaplayan)
Hakyky edebiýat ýaralara melhem, göwünlere galkandyr.
„Hak şahyrlar iliň ary-namysy…” diýip bilen şahyr, „Meni tohum kimin ýygnar bu toprak” diýmäge ukyplydyr. Olar ertir özleriniň gögerip çyjakdyklaryndan habarlydyrlar.
Hernäçe „Kitap okaýan barmy? Goşgyň kime gerek?” diýilse diýilibersin, hak şahyrlar iliň hakydasynda gögerjekdiklerine berk ynanýandyr.
Miwesini diňe men iýmeli bolsam, goý eken agajymam gögermesin.
Ýazyjydan üýtgeşik zada garaşmaň, ol diňe sizi ýazar, özüni ýazar.
Özünden garaşýanyňyzy ýazar.
Siz oňa gül diýseňiz gülüňiz bolar, bilbil diýseňiz bilbiliňiz.
Ýüzüne ursaňyz, biçäredir, Mejnunynyň yzyna düşer çöle çykar.
Firdöwsä her setirine bir altyn bereýin diýip namalaryň şasyny ýazdyran patyşa „Bir kitaba munça pul kän bolýar” diýip, her setirine mis pul tölemeli edipdir. Setirleriniň gymmatynyň şeýle pese gaçyrylanyny görüp Firdöwsi berleni alman yzyna dolanypdyr. Soň, kitaby okap çykan patyşa „Her setirine bir altynam az eken” diýip, Firdöwsiň yzyndan altyn ýükli kerweni ugradypdyr. Kerwen şahyryň öýüne golaý gelende Firdöwsi ölüm ýassygynda eken. „Ýok, men bu kerweni gapymda görmek üçin ýazmadym” diýýän ýaly serpaýyny getiren kerweni görmänem jan beripdir.
...Hakykatdanam „Şanamanyň” her setiri altyndanam gymmat bolup çykdy.
Adamzat ony dürli dillerde satyn alyp okap, asyrlar boýy bahasyny töläp gelýär.
Magtymguly bir guldur, Guldugyna kaýyldyr…
Guldur, emma Fettahlary dyza çökeren guldur.
Edebiýadyna, edebiýatçysyna gul ýaly garan halkyň özi öz nadanlygynyň guludyr.
Hakyky edebiýatçyny göwher gaşa deňäp, depäňe täç edeňde-de, ol ýene Magtymguly bir guldur, Guldugyna kaýyldyr – diýer.
Hak şahyry ýalan şahyrdan, hakyky edebiýat adamsyny, çeper toslamaçydan tapawutlandyrýan sypat onuň gul bolmaga kaýyllygynda ýa-da däldiginde jemlenýän bolsa gerek.
Hakyky şahyr iline gulka, ýasamalar nebsine gulluk eder.
Nebsine, şöhradyna, ýalana… gulluk eder.
Aýnany Güne tutsaň, ondan şöhleler döwlüp gaýdar hem başga bir ýerini ýagtylandyrar.
Bir akyldaryň alan bu mysalyny ýazyjylyk bilen baglasym gelýär.
Ýazyjy şol aýnadyr.
Gün bolsa ynanjydyr.
Ýüzi Güne tarap bolan aýnadan şöhleler ýaýrar.
Ýüzi Günden sowulan aýnada şöhle ýokdur.
Ýazyjynyň ýüreginde okyjysyny ynandyryp biljek derejede ynanç bolmalydyr.
Özünde ynanç bolmadyga kim ynanar?
Magtymguly şol ynanjyň guludyr, onda-da halkyny yzyna düşürip biljek derejedäki bir guldur.
Şeýle bir guldur, özünden üç asyr soň gelen galamdaşy: „Magtymgulyň çaýlar içen çäýnegni, Ýuwup-süpürmäge hukuk gazansam” – diýip ýazar.
Gul kim?
Olam ynsan, ýöne urlyp-sögülmäge kaýyl, hyzmata taýýar ynsan.
Bilal hem bir gul. Diňe „Allahu Ekber” diýeni üçin hojaýyny tarapyndan gynalyp öldüriljek bolunýarka sözünden dänmedik, satyn alnyp halas edilen gul. Bilal azany dogry aýdanok, ýerine başgasy aýtsyn diýlende, Daňyň atmasy gijigipdir. Pygamberimiz şonda, azana Bilal gygyrmasa daňyň atmajagyny aýdypdyr. Soň Bilal azan aýtmaga duranda, daňam agaryp başlapdyr.
(emma bu owadan toslama daldir)
Muhammet Pygamberimiz magraja çykanda aýagynda Bilalyň köwşüniň bardygyny görüpdir.
Çünki bu guluň merdanalygy deňsiz-taýsyzdyr.
Ine gul kim!
Ak kagyz sen meni gul bolmaga çagyrýarsyň.
Men bolsam görülip-eşidilmedik üýtgeşik bir zat ýazmagyň aladasynda…
(soñlamany gaty haladym. yazgyñ bashynda bu dushunjani hayaljakdan beryañ, ortalaryna gelende gowy mysallar getiryañ. soñy welin... 10-lyga uryañ otyryberyañ. oturdyberyañ. oturdym)
Oturma pişijik. Sen otursaň, men otursam, ol otursa onda kim durar?
oturmak we durmak iksem TORMOZ dalmi?
ikimizem durup otursak, kim yorar? diyjek bolduñmy?
Dik durar durar diýjek boldum. Dik dikdüşdilik edip ýazylmandyr.
Men yanmasam ,sen yanmasan,ol yanmasa kim yanar (Nazym Hikmet)
Kim ýagtyldar tümlügi dälmi soňky setir?
çyzylmadyk ak kagyz isleyan
Edebiýat we ony döredýän adam barada çynlakaý pikirlenme şü! Meň-ä muňa aýryp-goşjak zadym ýok. Halan ýerlerimden /aslynda halamadyk ýerim ýok/ 3-4 sany setir goýaýyn. Edil Gara pişigiň edişi ýaly aşagyny çyzyp goýmany heniz oňaramok, ýöne öwrenjek bolýan.
üýtgeşik zat ýolbars bolsady, elim ýalaňaç gylyçly öňüne barsam. Ýeňsemem, ýeňilsemem özümi bir tanasam.
Ýazyjyny gijelerine ýatyrmaýan, ak kagyza ýüregini berip ýazdyrýan diňe öz yhlasy däldir, iliniň yhlasydyr. Ýazyjylyk şol yhlasy duýmakdan başlanýar. Miwesini diňe men iýmeli bolsam, goý eken agajymam gögermesin.
Edebiýat üýtgeşik bir zady ýazmak däl bolsa gerek. Ol islendik halkyň ruhy güýjüniň aýnasydyr. Halkyň ejizlän mahaly ejiz edebiýat orta çykar. Ol barha sandan galar we asla hasaba-da alynman başlar. Derde ýaramaýan kitaplar ýazylar. Emma bu, edebiýadyň ejizligi däldir, edebiýatçylaryň ejizligidir. Hakyky edebiýat ýaralara melhem, göwünlere galkandyr.
Hak şahyry ýalan şahyrdan, hakyky edebiýat adamsyny, çeper toslamaçydan tapawutlandyrýan sypat onuň gul bolmaga kaýyllygynda ýa-da däldiginde jemlenýän bolsa gerek. Hakyky şahyr iline gulka, ýasamalar nebsine gulluk eder. Nebsine, şöhradyna, ýalana… gulluk eder.
Sag bol paýlaşanyňa!
Aşagyny çüzüp goýmany hem öwrendim.