ENEME HAT
ENEME HAT
Ak garlar reñkini meger
Ýüregiñden alanmydyr?
Seni ýatlap ýanýan enem
Meni ýakýan alawmydyr?
Bir doýsam nur ýüzüñden,
Sylsam ýaşyñy gözüñden,
Men bir ykmanda-gezende
Ykbal aýra salanmydyr?
Eziz enem, janym, käbäm,
Sen-dünýäm, Watanym, obam!
Bu gün desterhanda näm bar,
Mantymydyr, palawmydyr?
Daglañ başy dumanmydyr,
Biziñ iller amanmydyr,
Bi aýralyk ýamanmydyr,
Oñ çäresi galammydyr?
Bir gün ýürek-bagyr köýse,
Ilki bilen ene küýse!
Iñ söýgüli sensiñ diýsem,
Dogrumydyr, ýalanmydyr?
Ýatsam dyzyñy ýassanyp,
Körpe inimden gysganyp,
Ir doglupdyryn, gyssanyp
Dünýäni sil alanmydyr?
Ýaman günler yzda galdy,
Goşgulam bir gyzda galdy,
Bilýän, gözleñ ýolda galdy
Ykbalyñda talañmydyr?
Eý, janymyñ jany-enem,
Köñlümiñ soltany-enem!
Aýtsana, eşideýin menem
Beren süýdiñ halalmydyr? 2000-nji ýyl
Arşivin durumu
● Tam metin
● 14/14 yorum korunmuş
Yayımlandığı site: teswirler.com · Kaynak: Web Archive kopyası — ertir.com, 8 Mayıs 2012 · Orijinal sayfayı gör ↗
Yorumlar 14
Atawatan senin yazyan gosgylarin gowy ozyn gosyanmy senin yazyan g👍o;gylaryn mana yaraya kop sag bol.
Mihrimah, sag bol. howa öz çyrşanjalarym. size yarayandygyna begendim 🙂
agamjan galamyn tukenmesin, malades govy bolupdyr
berekella. gowy.👍
atawatan,gowy goshgular yazypsyn,berekella! Yzyny uzmegin beyle goshgularyn!!!
Minnetdar dostum!
Yenede garashyan.
Çyrşanlarym diýmesene? Onda beýlekiler (hakykatdanam çyrşaýanlar) näme diýsin? Degişýän. Ýöne hakykatdanam goşgy çyrşalanok. Sen ony çyrşaňog-a, ýürekden ýazýaň. Onsoň çyrşaýan diýmek ýalan...
Gowy goşgy. Soňky iki setiri hasam haladym. Ýokardaky setirlerden muňa gulluk etmeýänleri özüni oňaýsyz duýýar. Ýogsa olaram owadan setirler. Berekella. Men ýaşlary gyjykdyrmak üçin ýene goşgy goýaýsammykam? Ýöne Aşyp barýan... goşga analiz bersene. Men seniň nähili setirleri halaýanyňy, halamaýanyňy göresim gelýär. (Kyn görmeseň).
yhlasly, minnetdar. meng köp agsak setirlerim bar, sizi okan wagtym has gowy göz yetiryaen.
goşga analiz yazmak barada manga birazajyk puryja bermegingizi hayyş edyaen ozal hem aydyşym yaly. şu wagt birazajyk gögeleraek duyyan özümi. yöne, ayratyn gowy görendigimi aydyp bilerin şol goşgyngyzy.
songky yyllarda edebiyat bilen şygyr bilen birazajyk jedelli, dawaly yaşadym. ol, Gurbannazaryng belleyşi yaly Onung Alyhzretleri Poeziya bilen diplomatik gatnaşyklarymy taezeden yola goymak we berkitmek hyyalym mydama bardy. Ilçihanany açana çenli manga degmesengiz, hoşal bolardym.
hayyş edyaen, manga yalngyş düşünmaeng, yogsam heyem bir kynçylygy bormy. yöne, yene-de bir zatlar yazjak bolup görerin.
köp sag bolung.
👍
Sagja bol agamjan. Gowy goşgularyn bar...
Gaty gowy go$gy...
Gaty gowy go$gy...
Gaty gowy go$gy...
döredijilik aleminde üstünlikler yaranynyz bolsun..goşgy yazyş stilinizi halayan ilçihanada okan goşgynyz has hem gowydy...''''ona gül diysenem diymesenem bor...'''