12nji yanwar - Hatyra Güni
1881-nji ýylyň 12-nji ýanwarynda ir bilen 11 sagat 20 minutda 1 tonna 120 kilogram därini galanyň gündogar böleginde partladyp, oňa girmäge mümkinçilik gazanan rus goşunlary eýýäm 12 sagat 30 minutda galanyň içinde aljyraňňylyga düşen adamlary uçdantutma gyryp ýördüler. Duşmanyň 1 million 140 müň oky bardy. Ol oklar galanyň içine ýygnanan 45 müň çemesi türkmene garşy atylmalydy. Elinde sowuk ýaragdan başga idili söweş esbaby bolmadyk her türkmene 25 okdan ýetýär. 23 günläp gabalan galanyň içine 872 müňden gowrak tüpeň oky we 120 müňden gowrak top oky atylypdyr… Şahyr Gurbannazar Eziziowyň sözleri bilen aýtsak bir başa bir ölüm ýeterlikkä, bir başa 25 ölüm artygrak dälmi?
Ýöne gala ýygnananlar Watan üçin bir gezek däl, 25 gezek ölmelem bolsa taýýardylar. Olar muňa boýun alykdylar. Olarda esasy maksat Watan üçin jan bermek, şehit bolmakdy. Olar Watan üçin, ar-namys üçin gara başy gurban etmegiň diňe sözde däl-de, durmuşda nähili bolýandygyny görkezipdiler. Bu bize ata-babalarymyzdan galan iň uly baýlygyň, iň gymmatly mirasyň biridir. Olar bize Watany söýmegiň asyl nusgasyny goýup gitdiler.Türkmenbaşyň Permany bilen şol gerçeklere “[[Türkmenistanyň gahrymanlary]]” diýen belent at berildi. Her ýyl Watan üçin wepat bolanlaryň hatyra gününi uly il bolup döwlet derejesinde bellemegi karar etdi. Bu hatyra gününiň her ýylyň ilkinji aýynda bellenilmegi hem ýöne ýere däl bolsa gerek. Türkmeniň her ýyly Watansöýüjilik ruhy bilen hatyra saklamakdan, geçenleri ýatlamakdan başlanýar.
Gökdepe galasynyň synan gününiň “Hatyra güni” diýlip yglan edilmeginiň ýene-de bir uly manysy bar. Ol hem ýeňişden ýeňilişiň ýakyndygy görnüp durka ata-babalarymyzyň Watan üçin ölmeli diýip gelen kararlaryny biziň günlerimizde dogry diýip tassyklamakdyr. Gökdepe galasynda dökülen ganyň manysyz däldigini, şol uruşda wepat bolanlaryň hakyky Watan gahrymanlarydygyny jedelsiz hakykat edip goýmakdyr. Ondan öňem, soňam Watan üçin gara başyny goýanlary Gökdepe galasynda şehit bolanlar bilen bir hatarda hatyralamakdyr. Gökdepe türkmeniň Käbesidir. Watan üçin türkmeniň bir okuň däl, ýigrimi bäş okuň öňünde durmalam bolsa durup bilýändiginiň subutnamasydyr. Bu gahrymançylyk bizi parahatçylykly günlerde-de Watanyň gymmatynyň, hatda öz janymyzdanam ýigrimi bäş esse gymmatlydygyny ýatladyp durmalydyr. Watanyň abraýy üçin edýän her bir işimizde, okuwymyzda biziň yhlasymyzyň, görkezmeli gaýratymyzyň näçe derejede bolmalydygyny biz ata-babalarymyzyň ýigrimi bäş okuň öňünde durmaga döz gelip bilişlerini ölçeg edinip kesgitlemelidiris. Biz hem edil ata-babalarymyz ýaly hatyrasy tutulmaga mynasyp adamlar bolup ýaşamalydyrys. Biz parahatçylykly, asuda günlerde Watana şan-şöhrat getiren zähmet gahrymanlary bolmalydyrys.
Asyl nusga : http://tk.wikipedia.org/wiki/Hatyra_guni
Çeşme: www.talyplar.com - ata | 2008-01-15 19:11:50
Arşivin durumu
● Tam metin
● 33/33 yorum korunmuş
Yayımlandığı site: teswirler.com · Kaynak: Web Archive kopyası — ertir.com, 20 Mayıs 2012 · Orijinal sayfayı gör ↗
Yorumlar 33
Ýatan ýerleri ýagty bolsun!
basga bir chesmeden alynan maglumat,
Gökdepe urşunyñ öñüsyralaryndaky urslarda kese ýerli basybalyjylaryñ garşysyna köplenç birleşip bilenem bolsalar, dürli türkmen tire-taýpalary bu gezek özara düşünişibem, birleşibem ýetişmändirler.
Munuñ esasy sebäpleriniñ biri: bu gezekki gelen duşman öñkülerden has mekir, has güýçli we has taýýarlykly bolup cykypdyr. Rus basybalyjy goşunlary döwrebap ýaraglanan we nyzamly söweş tälimini alan güýçlerdi. Onsoñam rus goşunlary türkmen topragyna gözi ýok ýaly çozup giräýmändirler. Türkmenistana çozup girmezden has öñ rus hökümeti birnäçe onýyllyklaryñ dowamynda türkmen topragyndaky ýerli ýagdaýy, bu giñişligiñ geografiýasyny, etnografiýasyny, türkmenleriñ ýaşaýyş obrazyny, türkmen tire-taýpalarynyñ özara gatnaşyklaryny, oñşuklaryny asaklykdan jikme-jik öwrenip gelipdir. Russia bu wagta çenli eýýäm Türkmenistanyñ daş-töweregini basyp alypdyr. Kawkaz, Gazak we Gyrgyz sähralary, özbek hanlyklary rus patyşasyna boýun egdirilipdir. Mundan başga-da ruslar has öñräkden bäri birnäçe türkmen tire-taýpalary bilen garynja gatnawyny ýola goýupdyrlar. Hazar deñziniñ kenarynda ýaşaýan türkmenler bilen ir döwürden bäri söwda aragatnaşyklaryny etseler, beýleki käbir kiçiräk taýpalaryñ wekillerine olary goñşy döwletleriñ çapawulçylygyndan we öz güýçli kowumdaşlarynyñ süteminden goramagy wada edipdirler. Şeýdibem olar gyzza-gyzza gelende türkmenleriñ başyny birikdirip bilmezligi üçin öñünden ähli zerur çäreleri görüpdiler.
Türkmenleri halkara derejesinde izolirlemek boýunça-da rus patyşa hökümeti ähli görmeli çäreleri görüpdir. Türkmen topragynda harby hereketler başlansoñ, türkmenler goñşy ýurtlardan ozalkylary ýaly azyk-da, ok-ýarag-da, gaýry goldawy-da alyp bilmez ýaly edilipdir. Bu goldawy söweş hereketleri başlansoñ, olar öz goñşularyndan mugtuna almag-a däl, hatda pul dökübem alyp bilmändirler! Sebäbi rus hökümeti has öñräkden munuñ çäresini görüpdir. Eýranyñ araçäge ýakyn ilatyndan başda az-owlak azyk, Hywa bazaryndan az-owlak ok-ýarag alyp bilen-de bolsalar, rus hökümetiniñ berk basyş görkezmegi netijesinde göñşy döwletler öz serhetýaka ilatyna türkmenlere azyk, ok-ýarag satmagy gadagan etmäge mejbur bolupdyrlar. Eýrandaky rus ilçisiniñ bu ugurda Eýran patyşasyna nähili diplomatik gysyşlary görkezendigini taryhy faktlar tassyklaýar.
Europa ýurtlaryndan türkmenlere açyk ýa-da ýaşyryn goldaw berip biljegi diñe Beýik Britaniýady. Çünki Beýik Britaniýa korollygy dünýäniñ bu künjünde Rus patyşasy bilen bäsdeşdi. Hindistan we Owganystan Beýik Britaniýanyñ gol astyndady. Londonyñ indiki göz dikýäni – türkmen topragydy. Şonuñ üçinem iñlis emissarlary assyrynlyk bilen türkmen han-begleri bilen duşuşýardylar we olary başardyklaryça rus başybalyjylarynyñ garşysyna urşa gylawlandyrýardylar. Beýik Britaniýanyñ emissarlary öz döwletleriniñ adyndan gürläp, Londonyñ ruslaryñ türkmen topragyny basyp almaga edýän synanyşyklaryna uzak çydam edip bilmejegini ýañzydýardylar we ýarag, goşun kömegini wada berip, kömege, hoş söze mätäç türkmenleriñ agzyny suwardýardylar. Ýöne gyzza-gyzza gelende, olar türkmenlere hiç bir kömek berip bilmediler. Sebäbi bu töwerekde olaryñ harby güýji rus goşunlary bilen açyk çaknyşardan has azdy. Şonuñ üçinem Beýik Britaniýanyñ türkmenlere beren ikiýüzli wadasyndan dänmegi üçin Rus hökümetiniñ halkara arenasynda Londonyñ garşysyna eden ujypsyzja işleri-de ýeterlik boldy. Iñlisler türkmenlere ýardam bermekden el çekdiler.
Netijede rus basybalyjylary türkmen topragyna çozup girenlerinde türkmenleriñ töwerek-daşy çäklenen bolup çykdy we olar öz topraklarynyñ garaşsyzlygy ugrundaky urşy halkara derejesinde izolirlenen ýagdaýda alyp barmaly boldular. Onsoñ diñe öz güýçlerine bil baglaýmasalar, türkmenlerde başga dagy alaç galmady.
Elbetde, bu ýagdaýda ýurduñ öz içinde berk ylalaşygyñ bolmagy zerurdy. Eýsem agzalan döwürde dürli türkmen tire-taýpalarynyñ arasynda oñşuk barmydy?
Elbetde, oñşuk bardy. Kesekiniñ malyna göz dikýän ýek-tük ogry-jümri bolaýmasa, agzalan döwürde türkmen tire-taýpalary biri-birini talap ýa-da biri-biri bilen urşup-çapyşyp ýörenokdylar. Ýöne tire-taýpalaryñ arasynda köneden gelýän käbir territorial dawalar, bäsdeşlikler, dartgynlylyk bardy. Bu-da keseden gelen islendik basybalyja, eger mekirlik bilen ulanyp bilse, ýurdy bakna etmek üçin tapylgysyz zatdy.
Rus hökümeti türkmen tire-taýpalarynyñ arasynda höküm sürýän bu dartgynlyklary öñden öwrenip gelýärdi. Netijede uzak wagtyñ taýýarlygyndan soñ rus basybalyjylary türkmen topragyny basyp almak ýolunda ýeke-täk güýçli päsgelçilik bolup durýan – ýurduñ merkezi böleginde ýaşaýan iñ kuwwatly teke taýpasy diýen karara geldiler. Galan türkmen tire-taýpalaryny aldaw, berim-peşgeş, hajyk-hujuk bilen öz taraplaryna çekip biljekdiklerine olar göz ýetirdiler. Bu ugurda olaryñ ökde içalylary-da öñräkden bäri türkmen topragynda iş görýärdiler. Syýahatçy, täze giñişlikleri öwreniji alym bolan bolup gelýänleriñ arasynda harby içalyçylygy syýahatçylyk, alymlyk käri bilen deñ derejede ýöredýänler gyt däldi. Olar rus hökümetini ýerli ýagdaý, türkmen tire-taýpalarynyñ özara gatnaşygy, oñşuklary, uruş baslansa orta çykaryp biljek harby güýçleri barada gizlin maglumatlar bilen bol-elin üpjün edýärdiler. Netijede rus hökümeti 1879 ýylda general Lomakiniñ ýolbaşçylygyndaky ullakan goşun bölümini türkmen topragyna ýollady. Bu goşunyñ esasy zarba urujy güýji-de hut merkezi Türkmenistanda ýaşaýan tekeleriñ garşysyna gönükdirilipdi.
Wakalaryñ ösüşi tiz wagtdan basybalyjylaryñ öñden eden çakyny tassyklady… Rus goşunlary guramaçylykly garşylyk görmezden, Hazarýaka türkmenleriñ üstünden añsatlyk bilen geçdiler. Türkmenleriñ esasy gurmaçylykly harby güýçlerini çym-pytrak edýänçäler ilatyñ galan bölegini öz taraplaryna çekmek üçin olar ellerinde baryny edýärdiler: kimsäni gorkuzsalar, kimsäni berim-peşgeş bilen satyn alýardylar.
Basybalyjylar ol döwürde dürli türkmen tire-taýpalarynyñ biri-birinde üzñe, tapawutly şertlerde ýaşaýanlygyndanam peýdalandylar. Hazarýaka türkmenleri bilen özara peýdaly söwdany ýola goýsalar, Nohur taýpasynyñ wekillerine olary tekeleriñ gysyşyndan goramagy wada berdiler. Ençeme beýleki ownuk tire-taýpalaryñ han-beglerine Ak patyşanyñ gullugynda dursalar, onda günleriniñ has gowy boljakdygyny aýdyp, olara gymmatbaha halat-serpaýlary ýapdylar. Salyr, saryk, alili taýpalarynyñ hanlaryna olary diñe bir eýran, owgan hanlarynyñ çapawulçylygyndan däl, eýse güýçli goñşy taýpalaryñ gysyşyndan-da gorajakdyklaryny aýtdylar. Garaz, rus basybalyjylary tüýs şol “Agzyny alart-da, höküm sür” diýen ýörelgä eýerip, türkmen tire-taýpalarynyñ öz garşylaryna agzy birikmez ýaly etdiler.
Diñe bular bilenem oñman rus hökümeti tekelriñ öz güýjüni-de ikä bölmek üçin belli bir çäreleri görüpdirler. Edil rus goşunlarynyñ türkmen topragyna çozup girmeginiñ öñ ýanynda teke taýpasynyñ başyny doly birikdirip, söweşe başarjañl ýolbaşçylyk edip biljek uly söweş tejribeleri bolan batyr we zehinli serkerdeler Gowşut hanyñ hem-de Nurberdi hanyñ gümürtik ýagdaýda wepat bolmaklary böwrüñi diñletmän duranok...
Taryhda yzyña dolanyp bolsady ekip bolanok diýilse-de, bir esasly çaklamany orta atmazlyk mümkin däl. Eger Nurberdi han bilen Gowşut hanyñ birden biri diri bolanlygynda-da, rus basybalyjylaryna garşy XIX asyryñ ahyrynda tutaşan urşuñ netijesiniñ düýbünden başgaça gutarmagy ahmaldyr. Diñe bir bütin teke taýpasynyñ däl, eýse ondan öñki söweşlerde esasy türkmen taýpalarynyñ başyny birikdirmegi başaran, harby taýdan ukyply, külli türkmeniñ içinde batyrlygy we parasatlylygy bilen tanalýan bu iki serkerdäniñ diñe bir agzalan uruşda üstün çykmak däl, eýse ýakyn ýyllarda merkezleşen türkmen döwletini döretmek mümkincilikleri-de bolman durmandyr. Emma olaryñ “wäh” diýlen ýaly biwagt ölümi welin, geljekki ganly ýeñlişe, türkmen topragynyñ kolonial baknalyga düşmegine ýol açypdyr.
Sebäbi şondan soñ ne Ahalda, ne-de Maryda umumy ykrar edilen serkerde galypdyr. Tekeler Gökdepe urşuna belli bir meşhur serkerdesi bolmazdan girişmeli bolupdyrlar. Göwrümi giñ, parasatly, uly uruşlarda tejribe toplan serkerde bolmansoñ, galanyñ goragy ahyrsoñunda adaty alaman serdarynyñ eline geçipdir. Partizançylyk urşuna ökde alaman serdary Dykma Gökdepe galasynyñ goragyny harby sungatyñ bu ugruna laýyk derejede guramagyñ hötdesinden gelip bilmändir. Bu-da tiz wagtdan öz agyr netijesini beripdir. Galany goraýjylar we bu ýere göçürilip getirilen parahat ilat rus basybalyjylarynyñ ýagdyrýan top oklarynyñ gündelik ardurja nyşanasyna öwrülipdirler. Dyngysyz ýagdyrylýan top oklaryndan gizlenere ýer tapylmandyr. Tamdyra çörek ýapýan aýallar-da, oýnap ýören çagalar-da, edermen urşujylar-da çagba ýaly ýagýan top oklarynyñ tötänleýin gurbanlaryna öwrülipdirler. Ýagdaý gün-günden kynlaşyp, ýitgiler ummadan çykypdyr. Gabaw uzaga çekdigiçe duşmanyñ toplary galanyñ içindäki ilata has uly zyýan ýetiripdir. Dyngysyz ýagdyrylýan top oklary galanyñ içine ýygnanan ilatyñ gyssagara gazan ýerkümelerini ýumrup, adam pidalaryny has-da artdyrypdyr. Soña baka wepat bolanlaryñ jesetlerini depin etmäge-de ýetişmändirler. Jaýlanylmadyk jesetler öýün-öýün bar eken.
1881 ýylyñ 4-den 5-nji ýanwaryna geçilýän gije galany goraýjylar basybalyjy rus goşunlarynyñ garşysyna iñ soñky gezek gijeki hüjüme gidipdirler. Galany goraýjylardan düzülen meýletinçiler aýsyz gijäniñ garañkylygyna duwlanyp, rus garymlarynyñ üstüne batyrgaý dökülipdirler. Ýöne türkmenleriñ bu söweş emelini eýýäm gowy öwrenip ýetişen rus goşunlary bu gezek gapyl galmandyrlar, aljyramandyrlar. Olar ilkagşamdan öz söweş garymlaryndan çykyp, birnäçe ädim yzda garaşyp ýatypdyrlar. Haçanda çozup gelen türkmen esgerleri elleri ýalañaç gylyçly ”ýa alla!” diýip, garymyñ içine bökenlerinde, duşmanlar añyrdan gelip, olaryñ üstlerini basypdyrlar we ýokardan atyp başlapdyrlar…
Duşmany gapyllykda basmaga gönükdirilen hüjüm agyr şowsuzlyga uçrapdyr. Söweşiñ netijesi diýseñ aýylganç bolupdyr. Galany goraýjylar bu çaka çenli çekmedik iñ agyr ýitgilerini çekipdirler. Müñe golaý türkmen esgeriniñ jesedi söweş meýdanynda galypdyr. Meýletin hüjüme gidenleriñ arasynda erkek eşigini geýen eli gyrkylykly aýal-gyzlar-da bar eken. Olaryñ-da käbiri edil erkekler ýaly şol gije söweşde wepat bolupdyrlar. Gijeki çozuşa gatnaşanlaryñ diri galanlary yzlaryna, gala gaýdyp gelenlerinden soñ, paltalary daşa degen türkmenler şol gije iñ soñky gezek uly maslahata ýygnanypdyrlar. Maslahat tukat hem sussy pes ýagdaýda geçipdir.
Galanyñ goragyny dowam etmelimi ýa-da etmeli däl diýen sorag maslahata gatnaşanlaryñ öñünde keseripdir. Şonda bu gijeki söweşde 300 çemesi adamsyny ýitiren Marydan gelen goşunyñ serdarlary mundan beýläk galanyñ içinde galmak – ajalyña el bulamakdan başga zat däl diýipdirler. ”Bu çaka çenli biz duşmanyñ üstüne gije çozup, olaryñ üstüni gapyllykda basýardyk. Şonuñ üçin gije olar bizden asgyn gelýärdiler, bizden gorkýardylar. Ýöne indi duşman biziñ bu söweş tärimizi öwrendi. Netijesinem görýäñiz: müñe golaý adamyñ jesedi meýdanda galdy. Gündiz açyk çaknyşardanam biziñ ýaragymyz ejiz. Olaryñ elinde suw ýaly ýarag bar, hyrly däl. Olar bizi garagörnümden tüpeñläp bilýärler. Diýmek, bize näme galýar – diñe oglan-uşagy, aýal-ebtady gije gumuñ içi bilen Tejene, Mara ýollap, özümize-de guma çekilip, duşman bilen gaça uruş etmek galýar.”
Emma ikinji Gökdepe urşy başlanmazynyñ öñ ýanynda ruslaryñ peýdasyna içalyçylykda we dönüklikde aýyplanan Dykma serdar galany taşlap, guma çekilmeli diýen teklip bilen düýbünden ylalaşmandyr. Megerem, ol munuñ bilen ylalaşybam biljek däldi. Sebäbi galany taşlap gitmeli diýse, ýene-de dönüklikde aýyplanmagyndan heder eden bolsa gerek?.. Şonuñ üçinem ol galanyñ içinde galyp uruşmagyñ tarapyny tutupdyr. Bu wagta çenli eýýäm galanyñ goragy Dykma serdaryñ eline gutarnykly geçensoñ, ýerli han-beglerden känbir onuñ garşysyna çykyp bileni bolmandyr. Gurbanmyrat işan bilen Kerimberdi işan bu jedelde Dykma serdary goldapdyrlar we çagalary, aýal-ebtatlary galadan çykaryp, gije Tejene, Mara gaçyrmaly diýen teklibe kes-kelläm garşy bolupdyrlar. Olar: ”Galanyñ içinde oglan-uşagy, aýallary bolmasa, ýigitlerimiz öñküsi ýaly dyzmaç urşmaz” diýipdirler.
Bu günki gün, dynçlykda örän kelte bolup görünýän bu akyl edil şol wagt maslahata gatnaşanlaryñ köpçüligine kelte bolup görünmändir. Sebäbi urşuñ öz kadasy bar, ”ölmelimi ýa-da almaly”, ”ýa almaly, ýa ölmeli” diýlen ýagdaýda hereket edýän adamlara hemme zadyñ añrysyny-bärisini ölçermek, ýedi ölçäp, bir kesmek kyn. Netijede bu agyr hem tukat maslahatda Gökdepe galasyna ýygnanan ilatyñ diri galan bölegini gutulgysyz abanyp gelýän aýylganç gyrgynçylykdan gutarmagyñ iñ soñky mümkinçiligi elden berlipdir. Munuñ günäkäri-de galanyñ goragyna gös-göni serdarlyk eden han-begler we olary goldan işanlardyr. Olaryñ zor salmagy bilen sowuk gyş gijesi geçen maslahat şeýle gazaply karara gelipdir: urşy galanyñ içinde galyp dowam etmeli. Galany iñ soñky demimize çenli goramaly! Alla bizlik bolsa, duşman galany böwsübem, bizi ýeñibem bilmez!
ertir Gokdepa zyyarata gityanizmi, Ahalda bolanlar!? Zyyarat edilip şehitlerin ruhuna doga-dileg edilse gowa bolardy.
Nesip bolsa! Okuwdan akityaler.
Yatan yerleri yagti bolsun. Ruhlary shat bolsun.
Jaylary Jennetde bolsun omin....
Dostum, sag bol, gowy tema açypsyň! Öňem okapdym, ýöne bu biziň taryhymyz, näçe okasaň-da irizenok.
Hatyralaram kawul bolsyn. Ýatan ýerleri ýagty bolsy. Jaýlary jennet bolsy ?
12.01.2011 Türkmenistan Döwletimizin bellap geçyan HATYRA gunu mynasibetli
Türkmenistan Baş Konsolosluguna(Stambul) sagat gunduz 12:00 da boljak sadaka töwure
çagyryalar hemmejaniz gelmeli diyip.barjak barmy? men işim bar
mena ozim Gokdepeli nesip bolsa bararyn
mena ozim Gokdepeli nesip bolsa bararyn
Yatan yerleri yagty bolsun jayy jennetden bolsun
Watan üçin şehit bolanlaryn yatan yerleri yagty jaylary jennetdan bolsun. Dine bir Gokdepe söweşindaki şehitlerimiz dal , eysem taryhymyzda watan diyip jan beren ahli şehitlermizin jaylary jennetden bolsun. Ayat-töwürlerimizi ahli şehitlermizin ruhlaryna okalyn.
Mowzuk gowy eken. Ýöne maglumatlarda käbir zatlar meniň öň okanlaryma deň gelmedi. Mysal üçin Dykma serdar Galaň daşynda urşupdyr. Galadaky söweşe ol ýolbaşçylyk etmändir. Hn-begleri, işan-mollalary günäkärlejek bolmakdan öňki syýasatyň ysy gelýär. Gökdepe söweşi hakynda has giň maglumaty bar adam bilenhabarlaşyp bilsem begenerdim. Şahsy hat ýollasalar.
Şehitleriň ýatan ýeri ýagty bolsun!
Yhlasly aga, özüňde-de maglumat bolsa goýuber, okardyk.
Kop sag bol jack...tuys mana gerek maglumatlary yazypsyn Alla razy bolsun... Gokdepe shehitlerinin hem yatan yeri yagty bolsun diyersin welin yone olar shehit... soragsyz jennetlik ahyryn... Hakykatdanam olar mertligin ajayyp nusgasyny gorkezdiler... ruslar hywa hanlygyny alanda yekeje dine iki esgeri yaralanypdyr... dashkent yaly merkezi aziyan in bir esasy shaherini bolsa hic hili yitgisiz boyun egdiripdir... umuman aydanmyzda in kop yitgi ceken nokady Gokdepe galasydy...
yatan yerleri yagty bolsun
Sadakalar kabul bolsun. Şehitlerimizin yatan yerleri yagty bolsun.
yatan yerlere yaghte bölsn.jaylare jennet bolsn.turkmen ygıtlere şöl ghhrmanlan zryadedrlar ölar yenede watan öçın jan bermaga tayndırlar.DAHLE BABA adle yerde şehıt bolanlar oçın maghlomat bersengz mınnetdar