Manyly setirler, Magtymguly atamyzdan.

Akamak bilen syrdaş bolsaň
Pynhan syryň saklap bilmez, daş döker,
Dostluk açsaň bir biwepa ýar bilen –
Gaýgy bilen dahanyňdan diş döker.
__________________________
Namart öz öýünde merde söz aýdar,
Kär eýlemez Hakyň tanapyn daratar,
Goç ýigit mal tapsa hümmeti artar,
Namart peýda tapsa, köňlün dar eýlär.

Magtymguly, imdi özüňni gözle,
Ýagşyny taryplap, ýamany düzle,
Az iýip, az uklap, ýene az sözle:
Köp söz ahyr il içinde har eýlär.
__________________________
Bir pul düşse bir üflisiň goluna,
Göwsün açyp gezer gyşyň ýeline,
Hyrydar bolsaňyz gyza, geline,
Edebin ekramyn, oturşyn görüň.
_______________________
Pyragy, dünýä düýşdür,
Düýş görseň, düýbi hiçdir.
Jahanda ýaman işdir
Gury gelip boş gitmek.
_____________________
Dünýäni gyzgyn tutmagyl,
Işiň gör, bikär ýatmagyl,
Magtymguly, unutmagyl,
Gidejek sen, gidejek sen.