Shunyn yaly teselli beryan goshgy okapdynmy?

Kadyr jepbar, senden dilegim kändir,
 
Sen meni namarda mätäç eýleme!

Hazynaňdan bergil meniň ryzkymy,

Bendäňi bendäňe mätäç eýleme!

Azaşdyrma dogry ýolum egrige,

Egrini deňleme hergiz dogryga,

Kişi maly nesip etmez ogryga,

Halaly harama mätäç eýleme!

Namart köprüsinden ölsem geçmez men,

Kerwen bolsam, halal işden gaçmaz men,

Elinden bir käse şerap içmez men,

Sag elim sol ele mätäç eýleme!

Ýagşy niýet – senden dilegim köpdür,

Ajy sözler dilden çykan bir okdur,

Doganyň dogana bahasy ýokdur,

Agany inige mätäç eýleme!

Magtymguly, hakdan dile baryny,

Dilär bolsaň, dile öz imanyňy,

Abat eýle iki gözüm nuryny,

Sag gözüm sol göze mätäç eýleme!