Täze Magtymguly türkmenden dörärmi?
Bu sowala yok diýip jogap bermäge howlukmaň. Bu jogaby biziň gulagymyza şeýtan pyşyrdap aydyan bolaymasyn? Eger ýok diseňiz sebäbini düşündiriň. Döräp bier diýseňizem sebäbini ýazyň. Men öz pikirimi yazmakdan häzirlikçe saklanýan. Köpbilmişlik edýändir öýdäýmäň. Gaýta tersine, näme diýjegimi bilemok. Bu sowala i gowy jogap berip bilene men... ömrüm ötünçäuly hormat goýup gezerin (başga elimden gelyän zat ýok).
Türkmeniň täze Magtymgulysy dörärmi?
Hawa(23%, 4 adam)
Yok(29%, 5 adam)
Belli bir zat aýtmak kyn.(47%, 8 adam)
Arşivin durumu
● Tam metin
● 37/37 yorum korunmuş
Yayımlandığı site: teswirler.com · Kaynak: Web Archive kopyası — ertir.com, 25 Mayıs 2012 · Orijinal sayfayı gör ↗
Yorumlar 37
Döremez diýmek bolmaz. Döremegi mümkin. Ýöne häzirki senzuranyň ösen döwründe döremez. Şu wagtky senzura zehinleri zaýalaýar. Edil şu gün senzura ýatyrylan ýagdaýynda-da ol-a Magtymguly eken, Gara Seýitliniň derejesindäki zehinleriň ýetişmegi üçinem 10-15 ýyl gerek bolar.
Men,,hawa,, jogabyny yazdym. Name uchindigini hem dushundirmek ansat dushmese gerek diyip oylandym sonradan. Taze Magtyymguly belki-de,19 we 20 asyrda hem dorap gechendir. Eysem-de bolsa , Mollanepes,Kemine, Misgyngylych,Zelili,Katibi, Andalyp,Ashyky ,Gayyby Magtymgulydan kem daldir. Agzap gechen shahyrlarymyzyn doredijiligi Magtymgulynyn lirikasyndan pesmi? Yok asla beyle daldir,yone Magtymguly ilki bolup turkmen dilinde halk dilinde yazyp bashlan shahyr bolanson (halk dilininde shygyr yazan shahyr-kerwenbashydyr) biz ona has kop ahmiyet berdik. Taze Magtymguly oz zamanyna gora yene dorar. Oz dowrunin aktuallygyny ,halkyn yuregini bilip,duyup,syzyp yazyp bilse shol taze dowrun Magtymgulysy bolup biler menin pikirimche.
Dorap biler.
Azana musallat doraymeli.
Magtymgulydan soňkular öz dilleri bilen aýtsak hoşa çöplänler. Magtymguly oragyny orup gidipdir. Öz döwrüniň aktuallygyny bilmek diýmek Magtymguly bolmak dälmikä diýýärin. Onuň türkmen dilinde ýazandygam uly zat däl. Onuň bilen döwürdeş, türkmençe ýazýan oba şahyrlary gaty köp bolandyr. Magtymguly has ägirt şahs dälmi näme? Onuň döremegine senzura päsgel berýär diýilýär. Senzuranyň güýjüni şeýle beýgeltmek dogrumyka?
Salawmaleýkim, agzalar!
Men bu sowala ýok diýip jogap berýän. Indi Magtymguly döremez.
Mollanepes, Kemine, Zelili, Seýdi, Mätäji, Andalyp, Magrupy we ýene-ýeneler döräp biler. Bulardan derejesi boýunça beýik şahyrlar hem döräp biler. Emma Magtymguly döremez. Diňe Magtymgula öýkünýänler, deklaratiwlik edýänler döräp biler.
Magtymguly Kurany Kerimiň we Hadysy Şerifiň sözüň doly manysyndaky teswirçisidir. Sopuçylyk ylmyny çuňňur özleşdiren alymdyr. Munuň üçin diňe bir Şerigaty bilmek ýeterlik däl, eýsem, Tarykatdan we Hakykatdan hem oňat baş çykarmak gerek. Indi edebi tilsimleri doly ele alan we senzuranyň ýok döwründe bir şahyr alaga-da, Kurany Kerimi we Hadysy Şerifi oňat özleşdirse, Sufizmi gowy öwrense, şeýdibem Kelamulla teswir berýän şygyr döretse, Magtymgulynyň ýoluny tutan bir gowy şahyr bolardy. Ondan ýokary bolup bilmezdi. Muny okanlar Magtymgula öýkünipdir diýerler. Hakykatdan hem ylahy türkmen edebiýatynda kim nähili derejede ýazsa ýazybersin, onuň öňünde Magtymguly dur.
kab 👍
wagt gorkezer
Wagt Magtymgula öýkünýän şahyrlary örkezer diýip pikir edýän.
Bu temany haladym. Ine, şular ýay temalary köpräk açmak gerek.
Öz döwrüniň Magtymgulysy diýen söze nähili düşünmeli? Döwür üýtgänsoň onuň manysy, ähmiýeti gaçsa nätjek?!
Ähli döwürleriň Magtymgulysy bolmak gerek...
Hytaylaryn bir nakyly bar: in beyige uchyan, in bir uly, in bir guychli burgudem birgun yere dusher, onun deregine ondanam beyige uchyan, ondanam uly, ondanam guychli burgut dorar. Pylan zat diyip bilmeris, belki gelejekde Magtymguly Atamyzdanam ozduran bir beyik yazyjyny goreris yada belki gormeris. Ony dine wagt gorkezer.
Häzir senzura bolmasa we biz sözüň dini manysyndaky aňrybaş Yslam döwletinde ýaşaýsak-da Magtymgulynyň döremegi mümkin däl. Lirikada Magtymgulydan ozdursaňam, Yslamy çuňňur özleşdirseňem, diňe özüň bolarsyň. Magtymguly bolup bilmersiň.
14 asyryň dowamynda Ylahy türkmen edebiýatynda Magtymguly ýaly beýik pafosly we uly sesli şahyr bolmady.
Men Eýranda Magtymgulyny bizdenem gowy görýärmikäler diýýän. Şol ýerde dini ylym alyanlaram köp, senzura-da (bärdäki) ýok. Emma olar näçe Magtymguly boljak, Magtymgulyny döretjek bolduglaryça edebiýatlary - poeziýasy pese gaçyar. Häzir o ýerde ak goşgy ýazýan gowy şahyrlar döräpdir diýýärler. Gurbannazaryň diýýän Magtymgulyň çäýnegini süpürmäge hukuk gazanjaklar ýene şo taýlardan çykaýmasa?
Bu ýerde hytaý nakylyny nädogry ulanypsyň. Kurany Kerimiň güýji gaçmasa /Toba Estagfirullah!/ Magtymgulynyň ähmiýeti peselmez.
Eýranda ýaşaýan türkmenleriň edebiýatyndan doly habarym ýok, ýöne olar Magtymgula bizden has gowy düşünýän bolmaly. Sebäbi olaryň alan bilimi we psihologiýasy Yslam bilen aýrylmaz baglanyşykly. Muňa garamazdan eýranly türkmenleriň edebiýatynyň derejesi ýokary galyberenok.
Didar men sen bn bu mowzukda ylalashmagym gaty kyn bolar. Mollanepes Kemine Zelili yaly shahyrlaryn hich birisini Magtymgula denap bolmaz. Magtymguly bir bashga dunya. Maagtymgulydan bashga haysy shahyr oz shygrynda dejhal geler diyip aydypdyr ya-da Dowur geler demir asmanda uchar
Zenanlar oturyp al-sherap icher diyip bellapdir Magtymguly bn hich kimi deneshdirip bolmaz. Magtymguly yaly shahyram indi gelmez
Maxa men bu hytaylylaryn nakyly bilenem ylalashmayan. Eger sheyle boljak bolsa Estagfirullah geljekde Muhammet(s.a.v.) onune gechjek adamam chykmaly bolardy.(Hasha) bu duybunden bolmaz.